📌 Key Points
- ప్రభాస్ తన నెంబర్ 1 స్థానాన్ని నిలబెట్టుకున్నారు, ఆయన క్రేజ్ తగ్గడం లేదు.
- విజయ్ రెండవ స్థానంలో ఉన్నారు, తెలుగు రాష్ట్రాల్లో కూడా ఆయనకు మంచి ఫ్యాన్ ఫాలోయింగ్ ఉంది.
- అల్లు అర్జున్ మూడవ స్థానానికి చేరుకున్నారు, పాన్ ఇండియా ఇమేజ్ ఆయనకు కలిసొచ్చింది.
- మహేష్ బాబు ఐదవ స్థానంలో ఉన్నారు, రాజమౌళి సినిమాతో ఆయన క్రేజ్ కొనసాగుతోంది.
భారతదేశంలో 2026 జనవరి నెలకు గాను టాప్ 10 హీరోల జాబితాను ఓర్మాక్స్ మీడియా విడుదల చేసింది. ఈ లిస్టులో ప్రభాస్ మొదటి స్థానంలో నిలవగా, విజయ్ రెండవ స్థానంలో, అల్లు అర్జున్ మూడవ స్థానంలో ఉన్నారు. మిగిలిన హీరోల వివరాలు ఈ కథనంలో తెలుసుకుందాం.
ప్రభాస్ ఫ్యాన్ ఫాలోయింగ్
Top 10 Heroes: భారతదేశంలో టాప్ హీరో ఎవరు అనే విషయంపై ఎప్పటికప్పుడు అభిమానులు సోషల్ మీడియాలో రకరకాల కామెంట్లు పెట్టుకుంటూ ఉంటారు. అయితే సర్వేలు మాత్రం ప్రతి నెల.. హీరోలకు ఉన్న క్రెజ్ ని బట్టి టాప్ 10 హీరోల లిస్ట్ విడుదల చేస్తూ ఉంటాయి. ప్రతి నెలా హీరోల క్రేజ్, ఫాలోయింగ్, సినిమాలపై చర్చలు, సోషల్ మీడియాలో హడావుడి ఆధారంగా ఈ స్థానాలు మారుతుంటాయి. ఇలాంటి లిస్టును ఓర్మాక్స్ మీడియా ప్రతి నెల విడుదల చేస్తుంది. 2026 జనవరి నెలకు సంబంధించిన టాప్ 10 మోస్ట్ పాపులర్ మేల్ ఫిల్మ్ స్టార్స్ జాబితా ఇప్పుడు ఆసక్తికరంగా మారింది.
ఈ లిస్ట్లో నెంబర్ 1 స్థానాన్ని ప్రభాస్ కాపాడుకున్నారు. గత కొన్నేళ్లుగా ఆయనకు తిరుగులేని క్రేజ్ ఉంది. సినిమా హిట్ అయినా, ఫ్లాప్ అయినా ప్రభాస్ పేరు మాత్రం దేశవ్యాప్తంగా ట్రెండ్ అవుతూనే ఉంటుంది. జనవరిలో ‘ది రాజాసాబ్’ సినిమా పెద్దగా ఆడకపోయినా, ప్రభాస్పై చర్చ మాత్రం గట్టిగానే జరిగింది. అదే ఆయన నెంబర్ 1 స్థానానికి ప్రధాన కారణం.
రెండో స్థానంలో దళపతి విజయ్ నిలిచారు. కోలీవుడ్లోనే కాదు, తెలుగు రాష్ట్రాల్లో కూడా విజయ్కు భారీ ఫ్యాన్బేస్ ఉంది. ఆయన నటించిన ‘జన నాయకుడు’ సినిమా ఆలస్యమైనప్పటికీ, ఆ మూవీపై వార్తలు, వివాదాలు ఆయన క్రేజ్ను తగ్గించలేదు.
విజయ్ క్రేజ్ వివరాలు
మూడో స్థానానికి అల్లు అర్జున్ చేరుకున్నారు. గత నెలలో నాల్గో స్థానంలో ఉన్న బన్నీ ఈసారి ఒక అడుగు ముందుకేశారు. కొత్త సినిమాల ప్రకటనలు, పాన్ ఇండియా ఇమేజ్ ఆయన పాపులారిటీని మరింత పెంచాయి. నాల్గో స్థానంలో షారూఖ్ ఖాన్ నిలిచారు.
ఐదో స్థానంలో సూపర్ స్టార్ మహేష్ బాబు ఉన్నారు. రాజమౌళితో చేస్తున్న భారీ సినిమా కారణంగా మహేష్పై ఎప్పుడూ ఆసక్తి కొనసాగుతోంది. అదే స్థాయిలో ఆయన క్రేజ్ నిలబడుతోంది. ఆరో స్థానంలో అజిత్ కుమార్ ఉన్నారు.
ఏడో స్థానంలో రామ్ చరణ్ కొనసాగుతున్నారు. కొత్త సినిమా ప్రమోషన్స్ మొదలైతే ఆయన స్థానం మరింత మెరుగయ్యే అవకాశం ఉంది. ఎనిమిదో స్థానంలో ఎన్టీఆర్ ఉన్నారు. కొత్త లుక్, రాబోయే సినిమాలు ఆయనపై ఆసక్తిని నిలబెట్టాయి.
మహేష్ బాబు స్థానం
తొమ్మిదో స్థానంలో సల్మాన్ ఖాన్, పదో స్థానంలో అక్షయ్ కుమార్ నిలిచారు. వీరిద్దరూ కూడా తమ స్థాయిని నిలబెట్టుకుంటూ ముందుకెళ్తున్నారు.
2026 జనవరి నెలలో టాప్ 10 హీరోల జాబితా ఆసక్తికరంగా ఉంది. ఈ లిస్టులో ఎవరి స్థానం ఎలా ఉందో తెలుసుకున్నాం. రాబోయే నెలల్లో ఈ జాబితాలో మార్పులు ఉంటాయేమో చూడాలి.
