మలయాళ సినీ రంగంలో ప్రముఖ నటుడు టొవినో థామస్. అతను నటించిన అద్భుతమైన 8 థ్రిల్లర్ సినిమాలను ఈ వ్యాసం మీకు పరిచయం చేస్తుంది. ఈ సినిమాలన్నీ ప్రముఖ ఓటీటీ ప్లాట్ఫామ్స్లో తెలుగులో అందుబాటులో ఉన్నాయి.
Key Points
టొవినో థామస్ నటించిన 8 ఉత్కంఠభరిత చిత్రాలు ఓటీటీల్లో అందుబాటులో ఉన్నాయి.
నెట్ఫ్లిక్స్, ప్రైమ్ వీడియో, జీ5 వంటి ప్లాట్ఫామ్స్లో చూడవచ్చు.
2018, నారదన్, ఐడెంటిటీ వంటి సినిమాలను ఆస్వాదించండి.
టొవినో థామస్ థ్రిల్లర్ సినిమాలు
టొవినో థామస్.. మలయాళం యువ నటుల్లో ఒకరు. 2012లో ఇండస్ట్రీలో అడుగుపెట్టిన ఈ స్టార్ హీరో.. ఇప్పటికే 50కిపైగా సినిమాల్లో నటించాడు. వీటిలో థ్రిల్లర్ మూవీస్ కూడా చాలానే ఉన్నాయి. ఇవన్నీ ప్రస్తుతం నెట్ఫ్లిక్స్, ప్రైమ్ వీడియో, సోనీ లివ్, జీ5లాంటి వివిధ ఓటీటీ ప్లాట్ఫామ్స్ లో స్ట్రీమింగ్ అవుతున్నాయి. అవేంటో చూద్దాం.
ఈ ఏడాది వచ్చిన ఎల్ 2 ఎంపురాన్, గతేడాది వచ్చిన మంజుమ్మెల్ బాయ్స్ కంటే ముందు మలయాళంలో అత్యధిక వసూళ్లు సాధించిన సినిమా ఈ 2018 . టొవినో థామస్ లీడ్ రోల్లో నటించాడు. 2018లో కేరళలో వచ్చిన వరదల నేపథ్యంలో తీసిన ఈ థ్రిల్లర్ మూవీ చాలా అద్బుతంగా ఉంటుంది. సోనీ లివ్ ఓటీటీలో తెలుగులోనూ ఈ సినిమా స్ట్రీమింగ్ అవుతోంది.
నారదన్ – ఆహా వీడియో ఓటీటీ
నారదన్ 2022లో వచ్చిన థ్రిల్లర్ మూవీ. ఇందులో చంద్రప్రకాశ్ అనే జర్నలిస్ట్ పాత్రలో టొవినో థామస్ నటించాడు. ఎక్కడికి వెళ్లినా తాను, తన న్యూస్ పవరేంటో చూపించుకోవాలనుకునే పాత్రలో అతడు కనిపించాడు. ఈ మూవీ ప్రైమ్ వీడియోతోపాటు ఆహా వీడియో ఓటీటీలో తెలుగులోనూ స్ట్రీమింగ్ అవుతోంది.
టొవినో థామస్ తోపాటు త్రిష కూడా నటించిన సినిమా ఐడెంటిటీ . ఈ ఏడాది జనవరిలో రిలీజైంది. ఇందులో ఓ స్కెచ్ ఆర్టిస్ట్ పాత్రలో అతడు నటించాడు. అమ్మాయిల నగ్న వీడియోలతో వాళ్లను బ్లాక్మెయిల్ చేసే ఓ వ్యక్తి హత్యకు గురవుతాడు. ఆ హత్య దర్యాప్తు చుట్టూ ఎన్నో ట్విస్టులతో సాగే మూవీ ఈ ఐడెంటిటీ. జీ5 ఓటీటీలో తెలుగులోనూ అందుబాటులో ఉంది.
ఓటీటీ ప్లాట్ఫామ్స్లో అందుబాటులో ఉన్నవి
ఫోరెన్సిక్ – నెట్ఫ్లిక్స్
ఫోరెన్సిక్ కూడా ఓ ఇంట్రెస్టింగ్ థ్రిల్లర్ మూవీయే. ఇందులో టొవినో ఓ ఫోరెన్సిక్ నిపుణుడి పాత్రలో నటించాడు. చిన్న పిల్లలను లక్ష్యంగా చేసుకొని హత్య చేసే ఓ సీరియల్ కిల్లర్ కేసులో అతడు పని చేస్తుంటాడు. ఈ సినిమా నెట్ఫ్లిక్స్ లో తెలుగులోనూ ఉంది.
కీర్తి సురేష్, టొవినో థామస్ భార్యాభర్తలుగా నటించిన మూవీ ఈ వాశి. ఇద్దరూ లాయర్లుగానే కనిపిస్తారు. ఓ యువతిపై అత్యాచారం కేసులో పబ్లిక్ ప్రాసిక్యూటర్ గా టొవినో, డిఫెన్స్ లాయర్ గా కీర్తి ఈ మూవీలో నటించారు. ఇదో కోర్ట్ రూమ్ డ్రామా థ్రిల్లర్. ఈ సినిమా నెట్ఫ్లిక్స్ లో ఉంది. తెలుగులోనూ చూడొచ్చు.
కేరళను వణికించిన నిఫా వైరస్ నేపథ్యంలో తెరకెక్కిన మూవీ ఈ వైరస్. ఇందులో కుంచకో బొబన్, ఇంద్రజిత్ సుకుమారన్ లతో కలిసి టొవినో థామస్ కూడా నటించాడు. అసలు కేరళలో ఈ నిఫా వైరస్ ఎలా మొదలైందో మూలాలను కనిపెట్టే దిశగా సాగే స్టోరీతో వచ్చిన మూవీ. జీ5 ఓటీటీలో చూడొచ్చు.
తెలుగులో చూడదగిన మలయాళం థ్రిల్లర్లు
అన్వేషిపిన్ కండెతుమ్ – నెట్ఫ్లిక్స్
టొవినో థామస్ నటించిన బెస్ట్ థ్రిల్లర్ సినిమాల్లో ఇది టాప్ లో ఉంటుందని చెప్పొచ్చు. నెట్ఫ్లిక్స్ ఓటీటీలో తెలుగులోనూ స్ట్రీమింగ్ అవుతోంది. ఇద్దరు అమ్మాయిల హత్యల కేసులను పరిష్కరించే ఎస్ఐ ఆనంద్ పాత్రలో టొవినో నటించాడు. ఈ మూవీ ఊహకందని ట్విస్టులతో సాగుతుంది.
కానెక్కానే – సోనీ లివ్ ఓటీటీ
కానెక్కానే సోనీలివ్ ఓటీటీలో తెలుగులోనూ అందుబాటులో ఉన్న మలయాళం థ్రిల్లర్ మూవీ. ఇందులో సూరజ్ వెంజరమూడు కూడా నటించాడు. తన కూతురిని చావుకు వదిలేసి గర్ల్ఫ్రెండ్ ను రెండో పెళ్లి చేసుకున్న అల్లుడిపై ఓ మామ తీర్చుకునే ప్రతీకారం నేపథ్యంలో సాగే మూవీ ఇది.
టొవినో థామస్ అభిమానులకు ఇది గొప్ప వార్త. అతని నటనతో కూడిన ఉత్కంఠభరిత చిత్రాలను ఇప్పుడు మీ ఇంటిలోనే ఆస్వాదించండి. ఈ ఓటీటీ ప్లాట్ఫామ్స్లో వెతికి చూడండి.
