📌 Key Points
- ఇరాన్, అమెరికా, ఇజ్రాయెల్ సంయుక్త దాడులతో యుద్ధ వాతావరణం
- హోర్ముజ్ జలసంధిలో వాణిజ్య ఓడల రాకపోకలపై ఇరాన్ నిషేధం
- చమురు సరఫరా నిలిచిపోవడంతో ప్రపంచవ్యాప్తంగా ధరల పెరుగుదల
- ఇరాన్ను అమెరికా 20 రెట్లు శక్తివంతంగా ఎదుర్కొంటుందని ట్రంప్ హెచ్చరిక
ఇరాన్ మరియు అమెరికా మధ్య ఉద్రిక్త పరిస్థితులు నెలకొన్నాయి. తాజాగా ఇరాన్ వ్యవహరించిన తీరుపై అమెరికా అధ్యక్షుడు ట్రంప్ తీవ్రంగా స్పందించారు. హోర్ముజ్ జలసంధి విషయంలో ఇరాన్కు ట్రంప్ ‘డెత్, ఫైర్ అండ్ ఫ్యూరీ’ అంటూ హెచ్చరించారు.
హోర్ముజ్ జలసంధిలో ఇరాన్ ఆంక్షలు
ఇరాన్ పై అమెరికా, ఇజ్రాయెల్ సంయుక్తంగా చేసిన దాడులు యుద్ధానికి దారి తీశాయి. తమ దేశం పై దాడులకు ప్రతీకారంగా ఇరాన్ అరబ్ కంట్రీస్ ను టార్గెట్ చేసుకుని దాడులు చేయడంతో పాటు హోర్ముజ్ జలసంధి (Strait of Hormuz) నుంచి వాణిజ్య ఓడల రాకపోకలపై నిషేధం విధించింది. దీంతో ప్రపంచవ్యాప్తంగా క్రూడ్ ఆయిల్ సరఫరా పూర్తిగా నిలిచిపోవడంతో తీవ్ర ఇబ్బందులు ఎదురవుతున్నాయి. ఇదే ఆసరగా చేసుకుని పలు కంపెనీలు క్రూడ్ ఆయిల్ ధరలను అమాంతం పెంచేస్తున్నాయి. ఈ క్రమంలో అమెరికా అధ్యక్షుడు ట్రంప్ ఇరాన్కు ‘డెత్, ఫైర్ అండ్ ఫ్యూరీ’ హెచ్చరికలు జారీ చేశారు. ప్రపంచ చమురు రవాణాకు అత్యంత కీలకమైన హోర్ముజ్ జలసంధి (Strait of Hormuz) లో ఇరాన్ ఏవైనా అడ్డంకులు సృష్టిస్తే తీవ్ర పరిణామాలు ఉంటాయని ట్రంప్ హెచ్చరించారు. సోషల్ మీడియా వేదికగా స్పందించిన ఆయన, ఇరాన్ ఒకవేళ చమురు ప్రవాహాన్ని అడ్డుకుంటే, గతంలో కంటే 20 రెట్లు శక్తివంతంగా అమెరికా ఎదురుదాడి చేస్తుందని స్పష్టం చేశారు.
అలాగే ఇరాన్లోని సులభంగా ధ్వంసం చేయగల లక్ష్యాలను తాము ఎంచుకుంటామని, ఆ దెబ్బకు ఇరాన్ తిరిగి ఒక దేశంగా కోలుకోవడం అసాధ్యమని ట్రంప్ పేర్కొన్నారు. దీంతో “మరణం, అగ్ని- ఆగ్రహం (Death, Fire, and Fury) వారిపై రాజ్యమేలుతాయి” అంటూ అత్యంత కఠినమైన పదజాలాన్ని ఉపయోగించారు. అయితే, ఇలాంటి పరిస్థితి రాకూడదని తాను కోరుకుంటున్నట్లు ట్రంప్ తెలిపారు. హోర్ముజ్ జలసంధిని ఎక్కువగా ఉపయోగించుకునే చైనా, ఇతర దేశాలకు అమెరికా ఇస్తున్న ‘బహుమతి’ ఇది అని ఆయన అభివర్ణించారు. తమ చర్యను ఆయా దేశాలు అభినందిస్తాయని ఆశిస్తున్నట్లు పేర్కొన్నారు. ప్రపంచ ఆర్థిక వ్యవస్థకు వెన్నెముక వంటి చమురు సరఫరాకు ఎటువంటి ఆటంకం కలగకుండా చూసేందుకు అమెరికా ఎంతటి కఠిన నిర్ణయానికైనా వెనకాడబోదని ఈ సందర్భంగా ట్రంప్ వ్యాఖ్యలు స్పష్టం చేస్తున్నాయి.
చమురు ధరలపై ప్రభావం
ట్రంప్ తీవ్ర హెచ్చరికలు
ట్రంప్ వ్యాఖ్యలు ప్రపంచ ఆర్థిక వ్యవస్థకు చమురు సరఫరా ఎంత ముఖ్యమో తెలియజేస్తున్నాయి. అమెరికా తన ప్రయోజనాలను కాపాడుకోవడానికి కఠిన నిర్ణయాలు తీసుకునేందుకు సిద్ధంగా ఉంది.
