📌 Key Points
- విజయ్ దేవరకొండ SVC59 ప్రాజెక్ట్పై భారీ అంచనాలు నెలకొన్నాయి.
- రవికిరణ్ కోలా దర్శకత్వంలో గ్రామీణ యాక్షన్ డ్రామాగా రూపొందనుంది.
- దర్శకుడి జ్ఞాపకాల్లోని ‘అతను’ పాత్రే సినిమా కథాంశం.
- టైటిల్ గ్లింప్స్ ఈ నెల 22న సాయంత్రం 7.29 నిమిషాలకు విడుదల.
విజయ్ దేవరకొండ ప్రధాన పాత్రలో శ్రీ వెంకటేశ్వర క్రియేషన్స్ నిర్మిస్తున్న SVC59 సినిమాపై అంచనాలు భారీగా ఉన్నాయి. దర్శకుడు రవికిరణ్ కోలా తన జ్ఞాపకాల్లో ఉన్న ఓ ప్రత్యేక పాత్రను పరిచయం చేస్తూ చేసిన ప్రకటన సినిమాపై మరింత ఉత్సుకతను రేపుతోంది. టైటిల్ గ్లింప్స్ కోసం అభిమానులు ఆసక్తిగా ఎదురుచూస్తున్నారు.
విజయ్ దేవరకొండ SVC59 వివరాలు
స్టార్ హీరో విజయ్ దేవరకొండ ప్రతిష్టాత్మక నిర్మాణ సంస్థ శ్రీ వెంకటేశ్వర క్రియేషన్స్లో నటిస్తున్న క్రేజీ మూవీ SVC59. సక్సెస్ ఫుల్ ప్రొడ్యూసర్స్ దిల్ రాజు, శిరీష్ ఈ చిత్రాన్ని నిర్మిస్తున్నారు. టాలెంటెడ్ యంగ్ డైరెక్టర్ రవి కిరణ్ కోలా ఈ సినిమాకు దర్శకత్వం వహిస్తున్నారు. రూరల్ యాక్షన్ డ్రామా నేపథ్యంతో భారీ పాన్ ఇండియా ప్రాజెక్ట్గా ఈ సినిమా రూపొందనుండగా.. టైటిల్ గ్లింప్స్ ఈ నెల 22న సాయంత్రం 7.29 నిమిషాలకు రిలీజ్ చేయబోతున్నట్లు ప్రకటించారు మేకర్స్. ఈ నేపథ్యంలో తన మదిలో రూపుదిద్దుకున్న హీరో పాత్రను పరిచయం చేశారు డైరెక్టర్ రవికిరణ్ కోలా. ‘ఒక మనిషి గురించి ఎప్పటి నుంచో ఈ కథ చెప్పాలనుకుంటున్నా. నా జ్ఞాపకాల్లో అతను ఉన్నాడు.. చిన్నప్పటి నుంచి అతన్ని చూస్తూ పెరిగా.. అతన్ని ఎంత ప్రేమించానో అంతే ద్వేషించాను. అతనిది అందరికీ చెప్పాల్సిన కథ. మీకు కూడా అతన్ని పరిచయం చేస్తాను..’ అంటూ రిలీజ్ చేసిన డైరెక్టర్స్ నోట్ ప్రోమో ఆకట్టుకుంటోంది. రక్తం కారుతున్న హీరో విజయ్ దేవరకొండ హ్యాండ్ చూపిస్తూ ఈ ప్రోమోను ముగించడం ఆసక్తి కలిగిస్తోంది.
దర్శకుడి భావోద్వేగ ప్రకటన
టైటిల్ గ్లింప్స్ అప్డేట్
దర్శకుడు రవికిరణ్ కోలా విజయ్ దేవరకొండ కోసం సృష్టించిన ఈ విభిన్నమైన పాత్ర ప్రేక్షకులను ఎలా ఆకట్టుకుంటుందో వేచి చూడాలి. రక్తం కారుతున్న చేతితో విడుదలైన ప్రోమో సినిమాపై ఉన్న హైప్ను రెట్టింపు చేసింది.
