📌 Key Points
- ఒక హిందీ సీరియల్లో ఏలియన్స్తో ఎమోషనల్ సీన్ కామెడీగా మారింది.
- హీరోయిన్కు ఏలియన్స్ హారతి ఇవ్వడం, కాళ్లు మొక్కడంతో సీన్ వింతగా మారింది.
- ఏలియన్స్ హీరోయిన్ను ‘అమ్మా’ అని పిలవడానికి అనుమతి అడుగుతారు.
- నెటిజన్లు ఈ వీడియోను చూసి ఫన్నీ కామెంట్లతో ట్రోల్ చేస్తున్నారు.
హిందీ సీరియల్లో ఏలియన్స్ కాన్సెప్ట్తో ఒక ఫన్నీ వీడియో సోషల్ మీడియాలో వైరల్ అవుతోంది. ఏలియన్స్ హీరోయిన్కు హారతి ఇచ్చి, ఆమెను అమ్మ అని పిలవడానికి అనుమతి అడుగుతారు. ఈ వీడియో చూసిన నెటిజన్లు నవ్వు ఆపుకోలేకపోతున్నారు.
హిందీ సీరిల్లో ఏలియన్ ఎమోషన్స్!
Viral Serial Clip: నిన్న మొన్నటి వరకు ఏలియన్స్ అంటే మనకు ముందుగా గుర్తొచ్చేవి ఇంగ్లీష్ సినిమాలే. హాలీవుడ్లో స్పేస్ నుంచి వచ్చిన ఏలియెన్స్, సైన్స్ ఫిక్షన్ కథలు, గ్రాఫిక్స్తో ప్రేక్షకులను ఆశ్చర్యపరిచేవి. ఆ తర్వాత కొద్ది రోజులకే హిందీ సినిమాల్లో కూడా ఏలియన్స్ కాన్సెప్ట్ కనిపించింది. ఇక ఆపై మన సౌత్ సినిమాల్లో కూడా ఈ కాన్సెప్ట్కు మంచి క్రేజ్ వచ్చింది. కానీ ఇప్పుడు పరిస్థితి మరింత ముందుకు వెళ్లింది. ఏకంగా హిందీ సీరియల్స్లో కూడా ఏలియన్స్ కాన్సెప్ట్ రావడం అందరినీ షాక్కు గురి చేస్తోంది.
అన్నిటికన్నా ముఖ్యంగా తాజాగా సోషల్ మీడియాలో ఒక వీడియో క్లిప్ బాగా వైరల్ అవుతోంది. ఈ క్లిప్ చూస్తే నిజంగానే నవ్వు ఆగదు. ఒక హిందీ సీరియల్లో ఏలియన్స్ని చూపిస్తూ ఎమోషనల్ సీన్ క్రియేట్ చేశారు. సీరియల్ డైరెక్టర్ భావోద్వేగాలు పండించాలని ఎంత ప్రయత్నించినా, ప్రేక్షకులకు మాత్రం ఆ సీన్ కామెడీగా మారిపోయింది.
ఆ సీన్లో ఇద్దరు ఏలియన్స్ ఉంటారు. వాళ్లకు హీరోయిన్ హారతి ఇస్తూ కనిపిస్తుంది. పక్కనే హీరో, అలాగే హీరో-హీరోయిన్కు ఉన్న చిన్న కూతురు కూడా ఉంటుంది. అంతా చూసి ఇదేం ట్విస్ట్ అనిపించేలా సీన్ కొనసాగుతుంది. ఆ తర్వాత ఆ ఏలియన్స్ ఒక్కసారిగా హీరోయిన్ కాళ్లు మొక్కుతారు. ఇది చూసి హీరోయిన్ షాక్ అవుతుంది. వెంటనే “మీరు మా కాళ్లు ఎందుకు తాకుతున్నారు?” అని అడుగుతుంది.
వైరల్ అవుతున్న ఫన్నీ సీన్
అందుకు ఆ ఏలియన్స్ చాలా సీరియస్గా సమాధానం చెబుతారు. “మా సిస్టం మీ సంస్కృతి ప్రకారం తల్లిదండ్రుల కాళ్లు తాకి ఆశీర్వాదం తీసుకోవాలని చెప్పింది” అని అంటారు. అంతేకాదు, “మేము మిమ్మల్ని అమ్మా అని పిలవవచ్చా?” అని కూడా అడుగుతారు. ఇంకా “మాకు అమ్మ లేదు.. కానీ ఈ ఇంటికి వచ్చినప్పటి నుంచి మిమ్మల్ని అమ్మగా భావిస్తున్నాం” అంటూ ఎమోషనల్ డైలాగ్స్ చెబుతారు.
దానికి హీరోయిన్ కూడా సెంటిమెంట్గా స్పందిస్తుంది. “మీరు చిన్న పిల్లలు కాదు కానీ పర్లేదు. ఈ రోజు నుంచి నేను మీ అమ్మని” అని చెప్పడం ఆ సీన్ హైలైట్. ఈ మొత్తం వీడియో చూసిన నెటిజన్లు నవ్వు ఆపుకోలేకపోతున్నారు.
నెటిజన్ల ఫన్నీ కామెంట్స్
ఈ వీడియోని షేర్ చేస్తూ “అందుకే ఏలియన్స్ మన ఇండియాకి రారు” అంటూ సరదాగా కామెంట్లు చేస్తున్నారు. సీరియల్స్ కోసం ఎమోషన్ పేరుతో ఏదైనా చూపించవచ్చా అంటూ చాలామంది ట్రోల్ చేస్తున్నారు. ఏదేమైనా ఈ ఏలియన్ సీన్ మాత్రం సోషల్ మీడియాలో మంచి ఎంటర్టైన్మెంట్ ఇచ్చిందని చెప్పాలి.
ఏదేమైనా, ఈ ఏలియన్ సీన్ సోషల్ మీడియాలో వినోదాన్ని పంచుతోంది. సీరియల్స్ ఎమోషన్ పేరుతో ఏదైనా చూపించవచ్చా అని చాలామంది ప్రశ్నిస్తున్నారు. ఈ వీడియో మాత్రం వైరల్ అవుతోంది.
