బిగ్ బాస్ తెలుగు 9 నుండి ఎలిమినేట్ అయిన రమ్య మోక్షకు బిగ్ బాస్ బజ్ ఇంటర్వ్యూలో హీరో శివాజీ గట్టి ప్రశ్నలు సంధించారు. ‘పవన్తో పులిహార ఎందుకు కలిపావ్?’ అంటూ శివాజీ అడిగిన తీరు రమ్యకు ముచ్చెమటలు పట్టించింది. హౌజ్లోని ఆమె వైఖరి, నెగెటివ్ అభిప్రాయాలపై శివాజీ ప్రశ్నల వర్షం కురిపించారు.
Key Points
బిగ్ బాస్ 9 తెలుగు నుండి ఏడో వారం రమ్య మోక్ష ఎలిమినేట్ అయింది.
బిగ్ బాస్ బజ్ ఇంటర్వ్యూలో హీరో శివాజీ రమ్య మోక్షను ప్రశ్నించారు.
"పవన్తో పులిహార ఎందుకు కలిపావ్?" అని శివాజీ సూటిగా అడిగారు.
హౌస్లో రమ్య నెగెటివ్ వైఖరి, ఆది హింట్ గురించి శివాజీ ప్రశ్నించారు.
బిగ్ బాస్ బజ్లో రమ్య మోక్షకు శివాజీ ప్రశ్నలు
బిగ్ బాస్ 9 తెలుగు ఏడో వారం ఎలిమినేట్ కంటెస్టెంట్ రమ్య మోక్షకు హీరో శివాజీ ప్రశ్నలతు ముచ్చెమటలు పట్టించాడు. ఎలిమినేట్ అయిన తర్వాత బిగ్ బాస్ బజ్ తెలుగు సీజన్ 9 ఇంటర్వ్యూలో పాల్గొన్న అలేఖ్య చిట్టి పికిల్స్ సిస్టర్ రమ్య మోక్ష మాజీ కంటెస్టెంట్ శివాజీ అడిగిన ప్రశ్నలకు సమాధానాలు చెప్పలేకపోయింది.
బిగ్ బాస్ 9 తెలుగు సీజన్ కామనర్స్, సెలబ్రిటీలు అంటూ జోరుగా సాగుతోంది. ఇక గత వారం అంటే, బిగ్ బాస్ తెలుగు 9 ఏడో వారం రమ్య మోక్ష ఎలిమినేట్ అయింది. చిట్టి అలేఖ్య పికిల్స్ ద్వారా పాపులర్ అయిన రమ్య మోక్ష బిగ్ బాస్ హౌజ్లో సుమారు 15 రోజులు మాత్రమే ఉంది.
హౌజ్లో రమ్య వైఖరిపై శివాజీ నిలదీత
బిగ్ బాస్ బజ్ ఇంటర్వ్యూలోకి రమ్య మోక్ష రాగానే చప్పట్లు కొట్టాడు శివాజీ. “సౌండ్ వచ్చిందా” అని శివాజీ అడిగితే “వచ్చింది సర్” అని రమ్య చెప్పింది. తర్వాత శివాజీ విజిల్ వేశాడు. “సౌండు ఇక్కడ బాగా వినపడిందా, అక్కడ (హౌజ్లో) బాగా వినపడిందా” అని శివాజీ అడిగాడు. “ఇక్కడే బాగా వినిపించింది సర్” అని రమ్య చెప్పింది.
“హౌజ్లో మీరే నెగెటివ్ అని అందరూ అన్నారు” అని శివాజీ అంటే.. “అందరు అనలేదు సర్. ఇద్దరు అన్నట్లున్నారు. అది వాళ్ల ఆలోచన” అని రమ్య తెలిపింది. “ఆదిగారు వచ్చినప్పుడు మీకో హింట్ ఇచ్చారు ఏం జరుగుతుంది అని. చాలా యాటిట్యూడ్తోటి థాంక్యూ” అనడమేంటీ అన్నట్లుగా శివాజీ అడిగాడు.
పవన్తో పులిహార: శివాజీ సూటి ప్రశ్న
“ఎవరైతే లోగా ఉంటే వాళ్లతో ఉండాలనిపిస్తుంది” అని రమ్య తెలిపింది. “మీరు ఓదార్పు యాత్రకు వెళ్లారా. కల్యాణ్ తనూజ ఇద్దరు లవర్స్ అని చెప్పారా. మీకు అనిపించి చెబితే ఒక అమ్మాయి అబ్బాయి మీద ముద్ర పడుద్దిగా. పవన్తో పులిహార కలపడం ఎందుకు స్టార్ట్ చేశావ్” అని శివాజీ అడిగాడు.
మొత్తంమీద, బిగ్ బాస్ బజ్లో శివాజీ ప్రశ్నలకు రమ్య మోక్ష సమాధానాలు చెప్పలేక ఇబ్బంది పడింది. ఈ ఇంటర్వ్యూతో హౌస్లో ఆమె ప్రవర్తన, పవన్ పట్ల ఆమె వ్యాఖ్యలు మరోసారి చర్చనీయాంశంగా మారాయి.
