ఉత్తరప్రదేశ్ ముఖ్యమంత్రి యోగి ఆదిత్యనాథ్ జీవితం ఆధారంగా తెరకెక్కుతున్న ‘అజేయ్’ అనే బయోపిక్ సినిమా రిలీజ్ డేట్ ను ప్రకటించారు. ఈ సినిమా 2025 ఆగస్టు 1న విడుదల కానుంది.
Key Points
యోగి ఆదిత్యనాథ్ బయోపిక్ 'అజేయ్' 2025 ఆగస్టు 1న విడుదల.
తెలుగు, హిందీ, తమిళ్, మలయాళం, కన్నడ భాషల్లో విడుదల.
అనంత్ జోషి యోగి ఆదిత్యనాథ్ పాత్రలో నటిస్తున్నారు.
సామ్రాట్ సినిమాటిక్స్ బ్యానర్పై రీతూ మెంగి నిర్మాణంలో రవీంద్ర గౌతమ్ దర్శకత్వం.
‘అజేయ్’ బయోపిక్ విడుదల తేదీ ప్రకటన
Yogi Adityanath : సినీ పరిశ్రమలో ఇటీవల అన్ని రంగాల ప్రముఖులపై బయోపిక్స్ తీస్తున్న సంగతి తెలిసిందే. ఈ క్రమంలో ఉత్తరప్రదేశ్ సీఎంగా తన పాలనతో మెప్పిస్తున్న యోగి ఆదిత్యనాథ్ పై కూడా కొన్నాళ్ల క్రితం బయోపిక్ అజేయ్ అనే పేరుతో అనౌన్స్ చేసారు. ఇప్పటికే ఈ సినిమా గ్లింప్స్ కూడా రిలీజ్ చేసారు. తాజాగా నేడు యోగి ఆదిత్యనాథ్ పుట్టిన రోజు సందర్భంగా ఈ సినిమా రిలీజ్ డేట్ ని ప్రకటించారు.
సినిమా విడుదల వివరాలు
సామ్రాట్ సినిమాటిక్స్ బ్యానర్ పై రీతూ మెంగి నిర్మాణంలో రవీంద్ర గౌతమ్ దర్శకత్వంలో ‘అజేయ్ – ది అన్ టోల్డ్ స్టోరీ ఆఫ్ యోగి’ బయోపిక్ తెరకెక్కుతుంది. ఈ సినిమాని 2025 ఆగస్టు 1న రిలీజ్ చేయనున్నట్టు ప్రకటించారు. ఈ సినిమాని తెలుగు, హిందీ, తమిళ్, మలయాళం, కన్నడ భాషల్లో పాన్ ఇండియా వైడ్ రిలీజ్ చేయనున్నారు. ఈ సినిమాలో అనంత్ జోషి యోగి పాత్రలో కనిపించబోతున్నారు.
