హోమ్లీ హీరోయిన్ పాత్రలతో ప్రేక్షకులను అలరించిన అనుపమ పరమేశ్వరన్, ‘టిల్లు స్క్వేర్’ సినిమాలో భిన్నమైన పాత్రలో కనిపించి అందరినీ ఆశ్చర్యపరిచింది. ఈ సినిమాలోని తన పాత్ర గురించి ఆమె ఇచ్చిన ఇంటర్వ్యూ ఇప్పుడు వార్తల్లో ఉంది.
Key Points
అనుపమ 'టిల్లు స్క్వేర్' లోని పాత్రకు 100% కాన్ఫిడెంట్గా లేదు.
ఆ పాత్ర చేయడానికి చాలా సమయం పట్టింది, చాలా ఆలోచించింది.
సినిమాలోని దుస్తులు, లిప్ కిస్ సన్నివేశాలు ఆమెకు కంఫర్ట్గా లేవు.
పాత్ర బలంగా ఉందని భావించి, విమర్శలను ఎదుర్కొనేందుకు సిద్ధమైంది.
‘టిల్లు స్క్వేర్’ పాత్రపై అనుపమ అనుభవం
అనుపమ పరమేశ్వరన్ పేరు చెప్పగానే హోమ్లీ హీరోయిన్ అనే తరహా పాత్రలే గుర్తొస్తాయి. దాదాపు అలాంటి రోల్స్ చేస్తూ వచ్చింది. కానీ గతేడాది రిలీజైన ‘టిల్లు స్క్వేర్’ మాత్రం అనుపమలో కొత్త యాంగిల్ని అందరికీ పరిచయం చేసింది. ఎందుకంటే ఆ సినిమా స్కర్ట్స్ వేసుకుని, లిప్ కిస్ సన్నివేశాల్లో కనిపించేసరికి అభిమానులు షాకయ్యారు. అనుపమ ఇలాంటి పాత్ర చేయడం ఏంటని కూడా అనుకున్నారు. ఇప్పుడు వాటన్నింటికీ స్వయంగా ఆమె సమాధానమిచ్చింది.
అనుపమ నటించిన లేటెస్ట్ మూవీ ‘పరదా’. ఈ నెల 22న థియేటర్లలోకి రానుంది. మొన్ననే ట్రైలర్ లాంచ్ చేయగా.. మంచి స్పందన వచ్చింది. ఈ క్రమంలోనే ఇంటర్వ్యూలు ఇస్తూ బిజీగా ఉంది. అలా ఒకదానిలో మాట్లాడుతూ.. ‘టిల్లు స్క్వేర్’ చేస్తున్న సమయంలో తాను కంఫర్ట్గా లేననే విషయాన్ని బయటపెట్టింది. చాన్నాళ్ల పాటు ఆలోచించిన తర్వాతే సినిమా చేసిన సంగతి కూడా చెప్పుకొచ్చింది.
పాత్ర కోసం ఆమె తీసుకున్న సమయం
‘నా అభిమానులకు ఆ పాత్ర నచ్చలేదని కాదు నేను అలాంటి రోల్ చేయడం నచ్చలేదు. దానికి తప్పు అని చెప్పలేను. ఆ సినిమాలో చేసిన క్యారెక్టర్.. నేను ఒప్పుకోవడానికి కూడా చాలా టైమ్ పట్టింది. చెయ్యాలా వద్దా అని చాలా సమయం తీసుకుని.. ఓ రకంగా చెప్పాలంటే నిర్ణయం తీసుకోవడం నాకు చాలా కష్టమైంది. సెట్కి వెళ్లి 100 శాతం కాన్ఫిడెంట్గా చేసిన సినిమా కూడా కాదు అది. సినిమాలో గానీ ప్రమోషన్లలో గానీ ఆ డ్రస్సులు వేసుకోవడం నాకు కంఫర్ట్గా అనిపించలేదు. వేర్వేరు మూవీస్లో చేసినట్లే ఇది ఓ ఛాలెంజ్లా అనిపించింది’
విమర్శలకు ఆమె ప్రతిస్పందన
‘ఈ క్యారెక్టర్ చేస్తే ఏమనుకుంటారోనని చాలా సందేహాలు ఉండేవి. కాకపోతే ఆ పాత్ర చాలా బలమైనది అని భావించాను. సినిమా రిలీజయ్యాక కూడా హీరోకి సమానంగా ఉందని అంతా అన్నారు. అందుకే నేను ఆ పాత్ర వదలుకోదల్చుకోలేదు. అలాంటి పాత్ర చేద్దామని ఫిక్స్ అయితే విమర్శల్ని కూడా ఫేస్ చేయాల్సి ఉంటుంది. నేను ఇలాంటి విమర్శలు వస్తాయని ముందే ఊహించాను అదే జరిగింది కూడా’ అని అనుపమ చెప్పుకొచ్చింది.
చివరగా, అనుపమ తన సినిమా ప్రయాణంలో ఎదుర్కొన్న సవాళ్లను, తన పాత్రలను ఎంచుకునే విధానాన్ని ఈ ఇంటర్వ్యూ ద్వారా తెలియజేసింది. ‘టిల్లు స్క్వేర్’ సినిమా ఆమెకు ఒక ఛాలెంజ్గా నిలిచిందని తెలుస్తుంది.
