📌 Key Points
- స్టార్ హీరోయిన్ అసిన్ రీఎంట్రీ కోసం ఫ్యాన్స్ డిమాండ్, వైరల్ అవుతున్న ఫోటోలు!
- పెళ్లి తర్వాత సినిమాలకు గుడ్ బై చెప్పిన అసిన్, 10 ఏళ్ల తర్వాత ఫోటో షేర్ చేసిన భర్త రాహుల్ శర్మ.
- 40 ఏళ్లు దాటినా ఏ మాత్రం తగ్గని అసిన్ అందం అంటూ ఫ్యాన్స్ కామెంట్స్.
- తెలుగు, తమిళంలో స్టార్ హీరోల సరసన నటించిన అసిన్, గోల్డెన్ లెగ్ హీరోయిన్గా గుర్తింపు.
ఒకప్పటి స్టార్ హీరోయిన్ అసిన్ మళ్లీ సినిమాల్లోకి వస్తుందా? పెళ్లి తర్వాత సినిమాలకు దూరమైన అసిన్ తాజా ఫోటోలు ఇప్పుడు సోషల్ మీడియాలో వైరల్ అవుతున్నాయి. దీంతో ఆమె రీఎంట్రీపై ఫ్యాన్స్ ఆసక్తిగా ఎదురుచూస్తున్నారు.
10 ఏళ్ల తర్వాత అసిన్ ఫోటో వైరల్
ఒకప్పటి స్టార్ హీరోయిన్ అసిన్ కి పరిచయం అవసరం లేదు. మలయాళంలో అరంగేట్రం చేసి.. తమిళంలో గజినీ మూవీతో స్టార్ హీరోయిన్ గా మారింది. ఇదే సినిమా తెలుగులో డబ్ చేయగా… ఇక్కడ కూడా ఆమె కుర్రాళ్ల మనసు దోచుకుంది. అప్పటి నుంచి వరసగా తెలుగులో స్టార్ హీరోల సరనన నటించింది. సినిమాలో అసిన్ ఉంటే చాలు ఆ సినిమా సూపర్ హిట్ అవ్వడం ఖాయం అనే భావన అందరిలోనూ కలిగింది. గోల్డెన్ లెగ్ గుర్తింపు తెచ్చుకున్న అసిన్…. పెళ్లి తర్వాత సినిమాలకు గుడ్ బై చెప్పింది. అప్పటి నుంచి ఆమె గురించి ఎలాంటి సమాచారం లేదు.
రీఎంట్రీ ఇవ్వాలంటూ ఫ్యాన్స్ డిమాండ్
అసిన్ పెళ్లి జరిగి పదేళ్లు అవుతోంది. కాగా.. ఆమె తాజా ఫోటోని భర్త రాహుల్ శర్మ షేర్ చేశారు. పదో సంవత్సర పెళ్లి రోజు శుభాకాంక్షలు తెలియజేస్తూ ఆ ఫోటోని సోషల్ మీడియాలో షేర్ చేశారు. పదేళ్ల తర్వాత.. అసిన్ ని చూసిన ఫ్యాన్స్.. ప్రస్తుతం ఆ ఫోటోని తెగ షేర్ చేస్తున్నారు. దీంతో.. అసిన్ ఫోటో ఇప్పుడు వైరల్ గా మారింది.
తగ్గని అసిన్ అందం.. కామెంట్స్ వైరల్
అసిన్ ని మళ్లీ సినిమాల్లోకి పంపమని ఆమె భర్తను అడగడం విశేషం. ప్రస్తుతం ఆమె ఎక్కడుంది, ఏం చేస్తోందని చాలామంది అడుగుతున్నారు. సినిమాలకు దూరమైనా అసిన్పై అభిమానం తగ్గలేదనడానికి ఈ కామెంట్లే సాక్ష్యం. రాహుల్ ఆమెను ‘నమ్మశక్యం కాని కో-ఫౌండర్’ అని వర్ణించారు. వయసు 40 దాటినా.. అసిన్ అందం మాత్రం ఏ మాత్రం తగ్గలేదని ఫ్యాన్స్ కామెంట్ చేయడం విశేషం.
ప్రస్తుతం అసిన్ ఫోటోలు సోషల్ మీడియాలో వైరల్ అవుతున్నాయి. ఆమె రీఎంట్రీ గురించి అభిమానులు ఆసక్తిగా ఎదురుచూస్తున్నారు. మరిన్ని అప్డేట్స్ కోసం చూస్తూ ఉండండి.
