📌 Key Points
- ఫ్రాన్స్లోని అన్నెసీ ఇంటర్నేషనల్ యానిమేషన్ ఫెస్టివల్లో ‘బాహుబలి: ది ఎటర్నల్ వార్’ ప్రదర్శన.
- చిత్ర ప్రదర్శనకు ఆన్లైన్ బుకింగ్స్ కేవలం రెండు నిమిషాల్లోనే అమ్ముడైపోయాయి.
- ప్రభాస్ బ్రాండ్ ఇమేజ్, రాజమౌళి విజన్ ప్రపంచవ్యాప్తంగా ఏమాత్రం తగ్గలేదని నిరూపణ.
- ఈ యానిమేషన్ చిత్రం రెండు భాగాలుగా వచ్చే ఏడాది థియేటర్లలోకి రానుంది.
తెలుగు సినిమా ఖ్యాతిని ప్రపంచానికి చాటిన ‘బాహుబలి’ ఫ్రాంఛైజీ నుంచి వస్తున్న యానిమేషన్ చిత్రం ‘బాహుబలి: ది ఎటర్నల్ వార్’ ఫ్రాన్స్లో సంచలనం సృష్టిస్తోంది. అన్నెసీ ఫెస్టివల్లో దీని ప్రదర్శన టికెట్లు కేవలం రెండు నిమిషాల్లోనే అమ్ముడైపోయాయి. ప్రభాస్, రాజమౌళి క్రేజ్ ఏమాత్రం తగ్గలేదని ఇది నిరూపించింది.
అన్నెసీలో బాహుబలి సంచలనం
Baahubali Animation: తెలుగు సినిమా ఖ్యాతిని గ్లోబల్ స్థాయికి తీసుకెళ్లిన ‘బాహుబలి’ గుర్తుందా? యంగ్ రెబల్ స్టార్ ప్రభాస్ కటౌట్, ఎస్.ఎస్.రాజమౌళి విజువల్ గ్రాండియర్ ప్రపంచాన్ని ఎలా ఊపేసాయో ప్రత్యేకంగా చెప్పక్కర్లేదు. ఇన్నాళ్లూ బాహుబలి రికార్డులను కేవలం లైవ్ యాక్షన్ సినిమాల్లోనే చూశాం. కానీ ఇప్పుడు, ‘బాహుబలి’ ఫ్రాంఛైజీ నుంచి వస్తున్న ఒక భారీ యానిమేషన్ మూవీ సృష్టించిన సునామీ చూస్తే మైండ్ బ్లాంక్ అవ్వాల్సిందే. అంతర్జాతీయ వేదికపై మరోసారి ‘జయహో బాహుబలి’ అనే నినాదం గట్టిగా మార్మోగుతోంది.
ఫ్రాన్స్ వేదికగా ప్రతిష్ఠాత్మకంగా జరిగే అన్నెసీ ఇంటర్నేషనల్ యానిమేషన్ ఫెస్టివల్లో ఈసారి ఇండియా పేరు గట్టిగా వినిపించబోతోంది. ఈ ఫెస్టివల్లో ‘వర్క్ ఇన్ ప్రోగ్రెస్’ విభాగంలో ‘బాహుబలి: ది ఎటర్నల్ వార్’ అనే యానిమేషన్ చిత్రాన్ని ప్రదర్శించనున్నారు. ఇక్కడే అసలైన ట్విస్ట్ ఉంది. ఈ చిత్ర ప్రదర్శనకు సంబంధించి ఆన్లైన్ బుకింగ్స్ ఓపెన్ చేసిన కేవలం రెండు నిమిషాల్లో టికెట్లన్నీ హాట్ కేకుల్లా అమ్ముడైపోయాయి. హాలీవుడ్ అగ్ర చిత్రాలకు సైతం దక్కని ఈ క్రేజ్ చూసి లు నోరెళ్లబెడుతున్నాయి ఇంటర్నేషనల్ మూవీ సర్కిల్స్.ప్రభాస్ క్రియేట్ చేసిన బ్రాండ్ ఇమేజ్, రాజమౌళి విజన్ ప్రపంచవ్యాప్తంగా ఏమాత్రం తగ్గలేదని చెప్పడానికి ఇదో పెద్ద ఎగ్జాంపుల్.
రెండు నిమిషాల్లో టికెట్లు సోల్డ్ అవుట్
గతంలో ఇదే ‘వర్క్ ఇన్ ప్రోగ్రెస్’ విభాగంలో ప్రదర్శితమైన హాలీవుడ్ క్లాసిక్స్ ‘స్పైడర్మ్యాన్: ఇంటు ది స్పైడర్ వర్స్’, అలాగే ఆస్కార్ గెలుచుకున్న ‘ఫ్లో’ వంటి సినిమాలు చరిత్ర సృష్టించాయి. ఇప్పుడు అదే లీగ్లోకి ‘బాహుబలి: ది ఎటర్నల్ వార్’ చేరడం విశేషం. టాలెంటెడ్ డైరెక్టర్ ఇషాన్ శుక్లా ఈ చిత్రానికి దర్శకత్వం వహిస్తుండగా, జక్కన్న ఎస్.ఎస్.రాజమౌళి స్వయంగా ఈ ప్రాజెక్ట్కి సమర్పకుడిగా వ్యవహరిస్తున్నారు. ఇప్పటికే విడుదలైన ఫస్ట్ పార్ట్ టీజర్ విజువల్స్ నెక్స్ట్ లెవెల్లో ఉండి, సినిమాపై అంచనాలను స్కై హైకి తీసుకెళ్లాయి. రెండు భాగాలుగా గ్రాండ్ లెవెల్లో రాబోతున్న ఈ సరికొత్త యానిమేషన్ చిత్రం వచ్చే ఏడాది థియేటర్లలోకి రానుంది.
ఈ క్రేజీ యానిమేషన్ మూవీతో పాటు బాహుబలి ప్రపంచం నుంచి, అలాగే రాజమౌళి-ప్రభాస్ కాంబోస్ నుంచి రాబోయే మరికొన్ని క్రేజీ ప్రాజెక్ట్స్ కూడా లైన్లో ఉన్నాయి. బాహుబలి సిరీస్ బ్యాక్డ్రాప్లోనే శివగామి పుట్టుక, మాహిష్మతి సామ్రాజ్య నేపథ్యంతో ‘బాహుబలి: బిఫోర్ ది బిగినింగ్’ అనే భారీ వెబ్ సిరీస్ కూడా ఓటీటీ వేదికగా రాబోతోంది. ఏది ఏమైనా ‘బాహుబలి: ది ఎటర్నల్ వార్’ కేవలం ఒక యానిమేషన్ సినిమా మాత్రమే కాదు, ఇది ఇండియన్ యానిమేషన్ రంగాన్ని గ్లోబల్ మ్యాప్లో నిలబెట్టే సరికొత్త ప్రయత్నం.
ప్రభాస్, రాజమౌళి గ్లోబల్ క్రేజ్
ఒకవైపు ప్రభాస్ బ్యాక్-టు-బ్యాక్ పాన్-ఇండియా సినిమాలతో బాక్సాఫీస్ వద్ద రచ్చ చేస్తుంటే, మరోవైపు బాహుబలి యానిమేషన్ రూపంలో గ్లోబల్ వేదికలపై సరికొత్త రికార్డులు క్రియేట్ చేయడం ఫ్యాన్స్కి ఫుల్ జోష్ ఇస్తోంది. మరి మాహిష్మతి సామ్రాజ్యంలో జరగబోయే ఈ ‘ఎటర్నల్ వార్’ థియేటర్లలో ఎలాంటి వండర్స్ క్రియేట్ చేస్తుందో చూడాలి.
‘బాహుబలి: ది ఎటర్నల్ వార్’ యానిమేషన్ చిత్రం అంతర్జాతీయ వేదికపై సాధించిన ఈ విజయం తెలుగు సినిమా సత్తాను మరోసారి చాటింది. ప్రభాస్, రాజమౌళిల గ్లోబల్ అప్పీల్ అద్భుతమని దీనితో స్పష్టమైంది.
