📌 Key Points
- బాహుబలి నటులు సంవత్సరాల తరబడి కఠినమైన ఫిట్నెస్ సాధన చేశారు.
- నటులు గుండె, కిడ్నీ సంబంధిత సమస్యలను ఎదుర్కొన్నారు.
- అనుష్క శెట్టి సైజ్ జీరో, బాహుబలి సినిమాల మధ్య బరువులో హెచ్చుతగ్గుల వల్ల అనారోగ్యానికి గురయ్యారు.
- అమీర్ ఖాన్ గజినీ, దంగల్ సినిమాల కోసం బరువు పెరగడం వల్ల ఆరోగ్య సమస్యలు వచ్చాయి.
బాహుబలి సినిమా ఎంతటి విజయం సాధించిందో అందరికీ తెలుసు. కానీ ఈ సినిమా కోసం నటులు పడిన కష్టాలు, వారి ఆరోగ్యంపై పడిన ప్రభావం గురించి చాలా మందికి తెలియదు. దీని గురించి ఇప్పుడు తెలుసుకుందాం.
బాహుబలి నటుల ఆరోగ్య సమస్యలు
Baahubali: భారతీయ సినిమా చరిత్రలో బాహుబలి సినిమాకి ఉన్న ప్రత్యేకమైన చోటు గురించి చెప్పనవసరం లేదు. భారీ సెట్లు, శక్తివంతమైన పాత్రలు, హీరోల ఫిజిక్.. ఇలా ఈ సినిమాలోని ప్రతి ఒక్క విషయం కూడా.. ప్రేక్షకులను మంత్రముగ్ధులను చేశాయి. కానీ ఈ గొప్ప విజయం వెనక దాగి ఉన్న ఒక నిజం గురించి మనం ఎక్కువగా మాట్లాడం. అదే… నటులు భరించిన శారీరక బాధ. ఈ విషయం ఈ మధ్య వైరల్ అవుతూ అందరిని ఆశ్చర్యపరిస్తోంది.
బాహుబలి కోసం నటులు సంవత్సరాల పాటు కఠినమైన ఫిట్నెస్ రూటీన్లు పాటించారు. బయటకు బలంగా కనిపించిన ఆ సెలబ్రిటీలు, లోపల మాత్రం తీవ్రమైన ఒత్తిడిని ఎదుర్కొన్నారు అంట.
ఇటీవల ఒక పోడ్కాస్ట్లో తన ఆరోగ్య సమస్యల గురించి ఓపెన్గా మాట్లాడారు. గుండె, కిడ్నీకి సంబంధించిన తీవ్రమైన సమస్యలు ఎదురయ్యాయని చెప్పారు. కిడ్నీ ట్రాన్స్ప్లాంట్ చేయించుకోవాల్సి వచ్చిందని, కోలుకునే సమయంలో కొన్ని సినిమాల నుంచి తప్పుకోవాల్సి వచ్చిందని తెలిసింది.
శారీరక మార్పులు – నటుల కష్టాలు
బాహుబలి తర్వాత మోకాలి గాయంతో బాధపడ్డారు. ఆ సమస్య చివరికి సర్జరీ వరకు వెళ్లింది. అలాగే, బరువు విషయంలో కూడా చాలా ఇబ్బందులు ఎదుర్కొన్నారు. ఒక పాత్ర కోసం శరీరాన్ని ఒక తీవ్రమైన.. స్థాయికి తీసుకెళ్లడం ఎంత ప్రమాదమో ఇది చూపిస్తుంది.
అలానే అనుష్క శెట్టి కూడా ఈ ప్రయాణంలో సమస్యలు ఎదుర్కొన్నారు. బాహుబలి, సైజ్ జీరో సినిమాల మధ్య ఆమె బరువు విపరీతంగా తేడా రావడం వల్ల ఎన్నో అనారోగ్య సమస్యలు ఎదుర్కోవాల్సి వచ్చింది.
ఐదేళ్ల పాటు ఒకే రకమైన ఎక్స్ట్రీమ్ ఫిజిక్ను మెయింటైన్ చేయడం అంటే మాటలు కాదు. నిరంతర ఒత్తిడి, కెమెరాల ముందు పరిపూర్ణంగా కనిపించాలనే భారం..ఇవి అన్నీ శరీరాన్ని లోపల నుంచి దెబ్బతీస్తాయి.
సినిమాల కోసం బరువు పెరగడం ప్రమాదమా?
ఇది ఒక్క బాహుబలి టీమ్కే పరిమితం కాదు. అమీర్ ఖాన్ గజినీ, దంగల్ కోసం చేసిన బాడీ ట్రాన్స్ఫార్మేషన్స్.. చాలా ప్రమాదకరం.. అని ఆయనే హెచ్చరించారు. దంగల్ కోసం 97 కిలోల వరకు బరువు పెరిగి, ఆ తర్వాత వేగంగా 20 కిలోలు తగ్గారు. ఇప్పటికీ దాని ప్రభావం ఉందని ఆయన చెబుతారు.
సినిమా కోసం తమ శరీరాన్ని మార్చుకునే నటులు ఎన్నో ఆరోగ్య సమస్యలు ఎదుర్కొంటున్నారు. బాహుబలి నటులు పడిన కష్టాలు ఇందుకు నిదర్శనం. ఇలాంటి ప్రయత్నాలు చేసేముందు ఒకటికి రెండు సార్లు ఆలోచించాలి.
