📌 Key Points
- రణ్వీర్ సింగ్ ‘ధురంధర్ 2’లో ఊహించని ట్విస్ట్: ఏకంగా ఏడుగురు కొత్త నటుల మాస్ ఎంట్రీ!
- యామీ గౌతమ్ నుంచి డేనిష్ ఇక్బాల్ దాకా.. ధురంధర్ సీక్వెల్లో పాత్రల విస్ఫోటనం!
- దావూద్ ఇబ్రహీంగా డేనిష్ నటన అదుర్స్.. ఉదయ్బీర్ విషాద పాత్రతో హమ్జాకు పరీక్ష!
- పాకిస్థాన్ మిలిటరీలో అవినీతి కోణాలు.. రాజ్ జుత్షీ పాత్రతో షాకింగ్ నిజాలు బయటపెట్టిన డైరెక్టర్!
రణ్వీర్ సింగ్ హీరోగా నటించిన ‘ధురంధర్’ సీక్వెల్ ‘ది రివెంజ్’లో ఏకంగా ఏడుగురు కొత్త నటులు చేరడంతో సినిమాపై అంచనాలు పెరిగిపోయాయి. ఇంతకీ ఆ నటులు ఎవరు? వారి పాత్రలు ఏంటి? ఇప్పుడు తెలుసుకుందాం!
దుమ్మురేపే పాత్రలు: ‘ధురంధర్ 2’లో కొత్త నటులు వీరే!
Dhurandhar 2 New 7 Characters And Actors: రణ్వీర్ సింగ్ హీరోగా ఆదిత్య ధర్ తెరకెక్కించిన స్పై యాక్షన్ థ్రిల్లర్ ధురంధర్ సీక్వెల్ ది రివేంజ్లో కొత్తగా ఏడుగురు నటులు, పాత్రలు ప్రభావం చూపించాయి. వారిలో దర్శకుడి భార్య యామీ గౌతమ్ నుంచి దావూద్ ఇబ్రహీం పాత్ర చేసిన డానిష్ ఇక్బాల్ వరకు ఎవరెవరో చూద్దాం.
బాలీవుడ్ స్టార్ హీరో రణ్వీర్ సింగ్ , ‘ఉరి’ చిత్ర దర్శకుడు ఆదిత్య ధర్ తెరకెక్కించిన అత్యంత ప్రతిష్టాత్మక చిత్రం ‘ధురంధర్’. రెండు భాగాలుగా వచ్చిన ఈ స్పై యాక్ష్న్ థ్రిల్లర్ కేవలం ఒక సినిమా మాత్రమే కాదు, గూఢచారి వ్యవస్థలోని చీకటి కోణాలను, ప్రభుత్వాలు అధికారికంగా అంగీకరించలేని రహస్య ఆపరేషన్లను వెండితెరపై ఆవిష్కరించే ఒక భారీ ప్రయత్నం.
మొదటి భాగం పాత్రల పరిచయంతో అదిరిపోయే సీన్లతో సాగితే, రెండో భాగం ధురంధర్ ది రివెంజ్ పాకిస్థాన్ సైనిక వ్యవస్థ వరకు ఈ కథను తీసుకెళ్తుంది. అయితే, ధురంధర్ సినిమాలోని రోల్స్ కాకుండా ఏడు కొత్త పాత్రలు ధురంధర్ 2 లో దర్శనం ఇచ్చాయి. ఆ పాత్రలు ఏంటీ, వాటిని ఎవరు పోషించారు అనే విషయాలపై లుక్కేద్దాం.
ట్విస్టుల మీద ట్విస్టులు: డైరెక్టర్ సంచలన నిర్ణయం!
డానిష్ ఇక్బాల్ (దావూద్ ఇబ్రహీం అలియాస్ ‘బడే సాబ్’): 1993 ముంబై పేలుళ్ల సూత్రధారి దావూద్ పాత్రలో డానిష్ కనిపిస్తారు. మరణ పడకపై ఉండి కూడా విధ్వంసకర ప్లాన్లు వేసే విలన్గా ఆయన నటన భయాన్ని కలిగిస్తుంది.
ఉదయ్బీర్ సంధు (గుర్బాజ్ “పిండా” సింగ్): ఈ సినిమాలో అత్యంత విషాదకరమైన పాత్ర ఇదే. జస్కీరాత్ సింగ్ పాత జీవితంలో అతడికి ప్రాణ స్నేహితుడు, కష్టాల్లో అండగా నిలిచిన వ్యక్తి పిండా. అయితే, డ్రగ్స్ మాఫియాలో చిక్కుకుని కరాచీలో హమ్జా కంటపడతాడు. తన గతాన్ని, వర్తమానాన్ని ఎదురెదురుగా నిలబెట్టి.. హమ్జాను మానసిక సంఘర్షణకు గురిచేసే ఈ పాత్ర ప్రేక్షకులను కలిచివేస్తుంది.
సువిందర్ పాల్ (బ్రిగేడియర్ జహంగీర్): మేజర్ ఇక్బాల్ తండ్రిగా సువిందర్ పాల్ కనిపిస్తారు. రిటైర్డ్ మిలిటరీ ఆఫీసర్ అయిన ఇతను, వికలాంగుడై చక్రాల కుర్చీకే పరిమితమైనా.. తన కొడుకును నిరంతరం కించపరుస్తూ, అవమానిస్తూ ఉంటాడు. మేజర్ ఇక్బాల్ ఇంత క్రూరంగా మారడానికి గల కారణం.. తన తండ్రి దృష్టిలో తనేంటో నిరూపించుకోవాలనే కసి అని ఈ పాత్ర ద్వారా మనకు అర్థమవుతుంది.
భారీ అంచనాలు: ‘ధురంధర్ 2’ రికార్డులు కొల్లగొట్టేనా?
రాజ్ జుత్షీ (లెఫ్టినెంట్ జనరల్ శంషాద్ ఖాన్): పాకిస్థాన్ మిలిటరీ ఎస్టాబ్లిష్మెంట్లో ఉన్నత స్థాయిలో ఉన్న అవినీతికి ఈయన పాత్ర నిదర్శనం. పైకి ఎంతో పద్ధతిగా కనిపిస్తూనే, లోపల అత్యంత ప్రమాదకరమైన కుట్రలు చేసే బ్యూరోక్రాటిక్ విలనిజాన్ని రాజ్ జుత్షీ అద్భుతంగా పండించారు.
సలీం సిద్దిఖీ (ఆతిఫ్ అహ్మద్): యూపీ గ్యాంగ్స్టర్ అతిక్ అహ్మద్ ఛాయలున్న పాత్ర ఇది. పాకిస్థాన్ దొంగ నోట్ల చలామణికి, ఇండియాలోని నేరగాళ్లకు మధ్య అనుసంధానకర్తగా సలీం కనిపిస్తారు.
ఆదిత్య ఉప్పల్ (ఏఎస్పీ ఒమర్ హైదర్): దుబాయ్ ఆఫీసర్ ఒమర్ షాహిద్ హమీద్ స్ఫూర్తితో రూపొందించిన పాత్ర. హమ్జా అసలు నిజాన్ని కనిపెట్టి, అతడిని అరెస్ట్ చేసే నిజాయితీ గల పోలీస్ అధికారిగా ఇతని పాత్ర ఎంతో ఆసక్తికరంగా ఉంటుంది.
ఇలాంటి మరెన్నో సినిమా అప్డేట్స్ కోసం మా పేజీని ఫాలో అవ్వండి. ‘ధురంధర్ 2’ గురించి మరిన్ని విశేషాలు త్వరలో మీ ముందుకు తెస్తాం. అప్పటివరకు వేచి ఉండండి.
