బాలీవుడ్ డైరెక్టర్ కరణ్ జోహార్ జాన్వీ కపూర్కు గట్టి షాకిచ్చారు. తాను 26 ఏళ్లకే వర్జినిటీ కోల్పోయానని, అది కూడా ఆమె కుటుంబంలో ఒకరితో జరిగిందని చెప్పడంతో జాన్వీ బిత్తరపోయింది. ఈ వివాదాస్పద వ్యాఖ్యలు ఇప్పుడు వైరల్ అవుతున్నాయి.
Key Points
కరణ్ జోహార్ తాను 26 ఏళ్ల వయసులోనే వర్జినిటీ కోల్పోయానని వెల్లడించారు.
జాన్వీ కపూర్ కుటుంబంలో ఒకరితో ఇంటిమేట్ అయ్యానని చెప్పి, తర్వాత దానికి వివరణ ఇచ్చారు.
కరణ్ వ్యాఖ్యలతో జాన్వీ కపూర్ షాకవ్వగా, పక్కనే ఉన్న ట్వింకిల్ ఖన్నా సరదాగా స్పందించారు.
ప్లాస్టిక్ సర్జరీ గురించి మాట్లాడుతూ, తన తల్లి శ్రీదేవి మార్గదర్శకత్వం గురించి జాన్వీ వివరించింది.
కరణ్ జోహార్ షాకింగ్ వ్యాఖ్యలు
జాన్వీ కపూర్కు గట్టి షాకే ఇచ్చాడు బాలీవుడ్ డైరెక్టర్, ప్రొడ్యూసర్ కరణ్ జోహార్. తాను 26 ఏళ్ల వయసులోనే వర్జినిటీ కోల్పోయానని, అది కూడా మీ కుటుంబంలో ఒకరితో ఇంటిమేట్ అయ్యానని అతడు అనడంతో జాన్వీ బిత్తరపోయింది.
బాలీవుడ్ డైరెక్టర్, ప్రొడ్యూసర్ అయిన కరణ్ జోహార్ కు తరచూ నోరు జారడం అలవాటే. తన కాఫీ విత్ కరణ్ షో అయినా, ఇతర టీవీ షోలలో చేయకూడని కామెంట్స్ చేస్తుంటాడు. తాజాగా ప్రైమ్ వీడియోలో స్ట్రీమింగ్ అవుతున్న టూ మచ్ షోలో జాన్వీ కపూర్ బిత్తరపోయేలా అతడు చేసిన కామెంట్స్ వైరల్ అవుతున్నాయి.
జాన్వీ కపూర్ బిత్తరపోయిన వేళ
దీనికి కరణ్ జోహార్ స్పందిస్తూ.. “నేను 26 ఏళ్ల వయసులోనే నా వర్జినిటీ కోల్పోయాను. మీ ఇంట్లోనే ఒకరితో చాలా ఇంటిమేట్ అయ్యాను” అని అన్నాడు. దీంతో జాన్వీ ఏమనాలో తెలియక షాక్ తిన్నట్లుగా కూర్చుంది. అది విని పక్కనే ఉన్న ట్వింకిల్ ఖన్నా స్పందిస్తూ.. అది బోనీ అయితే కాదు కదా అని అనడంతో జాన్వీ నెత్తిన చేతులు పెట్టుకుంది.
అయితే దీనిపై వెంటనే స్పందించిన కరణ్ జోహార్.. “ఆ పార్టీకి నేను ఆలస్యంగా వెళ్లాను. మీ ఫ్యామిలీలో ఎవరితోనూ అలా ఇంటిమేట్ కాలేదు. అయితే ఆ ఆలోచన మాత్రం నాకు కొన్నిసార్లు వచ్చింది” అని క్లారిటీ ఇచ్చాడు.
ప్లాస్టిక్ సర్జరీపై జాన్వీ కపూర్ అభిప్రాయం
జాన్వీ కపూర్ ప్లాస్టిక్ సర్జరీ
జాన్వీ కపూర్ ఇంకా మాట్లాడుతూ.. “నేను ఏమైనా చేసి ఉంటే అది చాలా ఆలోచనాత్మకంగా, సందర్భోచితంగా జరిగిందని నేను అనుకుంటున్నాను. స్పష్టంగా మా అమ్మ (శ్రీదేవి) నాకు మార్గనిర్దేశం చేసింది. ఈ వీడియోలను చూసి, మేము బఫెలో ప్లాస్టీ చేయించుకోవాలి అని నిర్ణయించుకునే యువతులకు నేను ఒకటే చెప్పాలనుకుంటున్నాను. ఒకవేళ అది తప్పుగా జరిగితే, దాని కంటే దారుణమైనది మరొకటి ఉండదు. పారదర్శకత చాలా ముఖ్యం” అని జాన్వీ గట్టిగా చెప్పింది.
కరణ్ జోహార్ వ్యాఖ్యలపై జాన్వీ కపూర్ షాకవ్వగా, అది కేవలం సరదా కోసమే అని కరణ్ వివరణ ఇచ్చారు. ఈ సంఘటనతో పాటు జాన్వీ ప్లాస్టిక్ సర్జరీపై చేసిన వ్యాఖ్యలు ప్రస్తుతం చర్చనీయాంశంగా మారాయి.
