📌 Key Points
- జీహెచ్ఎంసీ ఆస్తి పన్ను బకాయిలపై 90% వడ్డీ రాయితీ ప్రకటించింది.
- మార్చి 31లోపు బకాయిలు చెల్లిస్తే ఈ రాయితీ వర్తిస్తుంది.
- ఆన్లైన్, మీ-సేవా కేంద్రాల్లో పన్ను చెల్లించే అవకాశం ఉంది.
- నగర అభివృద్ధిలో ప్రజలు భాగస్వాములు కావాలని జీహెచ్ఎంసీ విజ్ఞప్తి చేసింది.
హైదరాబాద్ నగర ప్రజలకు జీహెచ్ఎంసీ ఒక శుభవార్తను అందించింది. ఆస్తి పన్ను బకాయిలపై భారీగా 90 శాతం వడ్డీ రాయితీని ప్రకటించింది. ఈ రాయితీ మార్చి 31 వరకు మాత్రమే అందుబాటులో ఉంటుంది. త్వరగా చెల్లించండి.
ఆస్తి పన్నుపై జీహెచ్ఎంసీ రాయితీ ప్రకటన
cw ఆస్తి పన్నుదారులకు గ్రేటర్ హైదరాబాద్ మున్సిపల్ కార్పొరేషన్ శుభవార్త చెప్పింది. తాజా ఆర్థిక సంవత్సరానికి (2025-26) సంబంధించిన పెండింగ్ బకాయిలను మార్చి 31వ తేదీలోపు క్లియర్ చేస్తే రాయితీ ఇవ్వనుంది. వడ్డీపై 90 శాతం రాయితీ(డిస్కౌంట్) ఇవ్వనున్నట్లు ఓ ప్రకటన విడుదల చేసింది.
ఆస్తిపన్ను చెల్లింపుదారులు జీహెచ్ఎంసీ అధికారిక వెబ్సైట్ ghmc.gov.in ద్వారా లేదా MyGHMC , MyCURE వంటి మొబైల్ యాప్ల ద్వారా ఆన్లైన్లో సులభంగా చెల్లింపులు చేసుకోవచ్చు. మీ-సేవా కేంద్రాలు , సిటిజన్ సర్వీస్ సెంటర్లకు వెళ్లి కూడా బకాయిలు చెల్లించి ఈ 90 శాతం వడ్డీ రాయితీని పొందవచ్చని జీహెచ్ఎంసీ అధికారులు సూచిస్తున్నారు.
రాయితీకి గడువు తేదీ ఇదే!
చాలా మంది ఆస్తి పన్నులను క్లియర్ చేయకుండా ఉంటారు. ఇది కుప్పలు కుప్పలుగా పేరుకుపోయి… చాలా డబ్బులు కట్టాల్సిన పరిస్థితికి దారితీస్తుంది. అయితే ఇలాంటి వారు ఈ ఓటీఎస్(వన్ టైమ్ సెటిల్ మెంట్) ద్వారా పేరుకుపోయిన బకాయిలను తక్కువ డబ్బులు చెల్లించి క్లియర్ చేసుకునే వెసులుబాటు ఉంటుంది.
పన్ను చెల్లింపు విధానాలు
అయితే ప్రభుత్వం నిర్దేశించిన మార్చి 31వ తేదీన గడువు ముగిసిన తర్వాత మళ్లీ ఇటువంటి రాయితీలు ఉండకపోవచ్చు. కాబట్టి నిర్లక్ష్యం చేయకుండా ప్రభుత్వం కల్పించిన ఈ అవకాశాన్ని సద్వినియోగం చేసుకోవాలని అధికారులు స్పష్టం చేసింది. త్వరితగతిన పన్ను కట్టాలని సూచిస్తున్నారు. సకాలంలో పన్నులు చెల్లించడం ద్వారా నగర ప్రజలు తమ బాధ్యతను నెరవేర్చడమే కాకుండా, నగర అభివృద్ధిలో భాగస్వాములు కావాలని విజ్ఞప్తి చేస్తున్నారు.
కాబట్టి, జీహెచ్ఎంసీ కల్పించిన ఈ అవకాశాన్ని సద్వినియోగం చేసుకొని, గడువులోగా పన్నులు చెల్లించి నగర అభివృద్ధికి సహకరించాలని కోరుతున్నారు. ఇది ఒక మంచి అవకాశం.
