📌 Key Points
- వడదెబ్బను సాధారణ అలసటగా నిర్లక్ష్యం చేస్తే ప్రాణాంతకం కావచ్చు.
- మెదడు, గుండె, కిడ్నీలపై తీవ్ర ప్రభావం చూపుతుంది.
- లక్షణాలు గుర్తించిన వెంటనే నీడకు చేర్చి, శరీరాన్ని చల్లబరచాలి.
- వైద్య సహాయం కోసం వెంటనే అంబులెన్స్కు కాల్ చేయాలి.
వేసవి ఉష్ణోగ్రతలు పెరుగుతున్న నేపథ్యంలో వడదెబ్బ బారినపడే వారి సంఖ్య అధికమవుతోంది. దీనిని సాధారణ అలసటగా భావించి నిర్లక్ష్యం చేస్తే ప్రాణాలకే ప్రమాదమని వైద్యులు హెచ్చరిస్తున్నారు. వడదెబ్బ లక్షణాలు, తీసుకోవాల్సిన జాగ్రత్తలపై అవగాహన పెంచుకోవడం అత్యవసరం.
వడదెబ్బ లక్షణాలు: సాధారణ అలసట కాదది!
Heat Stroke treatment : భారతదేశంలో, మరీ ముఖ్యంగా తెలంగాణ, ఆంధ్రప్రదేశ్లో వేసవి ఉష్ణోగ్రతలు రోజురోజుకూ రికార్డు స్థాయిలో పెరుగుతున్నాయి. ఈ నేపథ్యంలో వడదెబ్బ లేదా ‘హీట్ స్ట్రోక్’ బారినపడే వారి సంఖ్య పెరుగుతోందని, దీనిని సాధారణ అలసటగా భావించి నిర్లక్ష్యం చేయవద్దని వైద్యులు హెచ్చరిస్తున్నారు. కేవలం ఎండలో తిరిగితేనే కాకుండా ఉక్కపోత, గాలి ఆడని గదులు, డీహైడ్రేషన్ వల్ల కూడా హీట్ స్ట్రోక్ రావచ్చు. సకాలంలో గుర్తించకపోతే ఇది మెదడు, గుండె, కిడ్నీలపై తీవ్ర ప్రభావం చూపి ప్రాణాంతకంగా మారుతుందని ప్రపంచ ఆరోగ్య సంస్థ (డబ్ల్యూహెచ్ఓ) స్పష్టం చేసింది. ఈ నేపథ్యంలో వడదెబ్బ లక్షణాలు, చికిత్స వంటి వివరాలను ఇక్కడ తెలుసుకుని జాగ్రత్త పడండి..
హీట్ స్ట్రోక్ వచ్చే ముందు శరీరం కొన్ని సంకేతాలను ఇస్తుంది. చాలామంది వీటిని సాధారణ నీరసంగా భావించి లైట్ తీసుకుంటారు. అలా అస్సలు చేయకూడని ఆ లక్షణాలు ఇవే:
వడదెబ్బ తీవ్రమయ్యే కొద్దీ మెదడుపై ప్రభావం పడుతుంది. దీనివల్ల బాధితుల్లో మానసిక గందరగోళం, స్పృహ తప్పడం, మాట ముద్దబారడం, లేనివి ఊహించుకోవడం, ఫిట్స్ వంటివి వస్తాయి. ఒక్కోసారి బాధితుడి కంటే ముందుగా చుట్టుపక్కల ఉన్న కుటుంబ సభ్యులు వారి ప్రవర్తనలో మార్పును (చిరాకు, అసాధారణ ప్రవర్తన) గుర్తించవచ్చు.
ఎవరైనా వడదెబ్బకు గురైనట్లు గుర్తిస్తే ఏమాత్రం ఆలస్యం చేయకుండా కింది చర్యలు చేపట్టాలి:
హీట్ స్ట్రోక్ వస్తే ఏం చేయాలి? తక్షణ చర్యలు
నీడకు చేర్చండి: బాధితుడిని వెంటనే ఎండలో నుంచి ఏసీ లేదా మంచి గాలి వచ్చే నీడ ఉన్న గదిలోకి మార్చాలి.
దుస్తులు లూజ్ చేయండి: వారిపై ఉన్న గట్టి లేదా అదనపు దుస్తులను తొలగించాలి.
శరీరాన్ని చల్లబరచండి: చల్లటి తడి గుడ్డతో శరీరాన్ని తుడవాలి లేదా చల్లటి నీటిని చల్లాలి.
ఐస్ ప్యాక్స్: మెడ, చంకలు, తల, తొడల భాగంలో ఐస్ ప్యాక్లను ఉంచడం ద్వారా శరీర ఉష్ణోగ్రత వేగంగా తగ్గుతుంది.
వడదెబ్బ నివారణకు తీసుకోవాల్సిన జాగ్రత్తలు
నీరు తాగించడం: బాధితుడు పూర్తిగా స్పృహలో ఉంటేనే ఓఆర్ఎస్, కొబ్బరినీళ్లు లేదా మంచినీళ్లు తాగించాలి. స్పృహ లేకపోతే ఎలాంటి ద్రవాలు నోట్లో పోయకూడదు.
వైద్య సహాయం: వెంటనే అత్యవసర అంబులెన్స్ సేవలకు సమాచారం అందించాలి. సొంత వైద్యం అస్సలు చేయకూడదు.
శరత్ చిట్టూరి హిందుస్థాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్గా ఉన్నారు. 7ఏళ్ల జర్నలిజం ఎక్స్పీరియెన్స్తో ఇక్కడ బిజినెస్, ఆటో, టెక్, పర్సనల్ ఫైనాన్స్, నేషనల్- ఇంటర్నేషనల్, స్పోర్ట్స్ వార్తలు రాస్తున్నారు. 2022 జనవరిలో హిందుస్థాన్ టైమ్ తెలుగులో చేరారు. పలుమార్లు హెచ్టీ ఇన్స్టా అవార్డులు అదుకున్నారు. గతంలో ఈటీవీ భారత్లో కంటెంట్ రైటర్గా పని చేశారు. అక్కడ జాతీయం, అంతర్జాతీయం, బిజినెస్ వార్తలు రాసేవారు. ఏ అంశమైనా సరళంగా, చదివేందుకు సులభంగా ఉండే విధంగా తీర్చిదిద్దేందుకు ఇష్టపడతారు.IGNOU నుంచి జర్నలిజంలో పీజీ డిగ్రీ ఉంది. అంతకుముందు బీటెక్ పూర్తి చేశారు. కథలు చెప్పడం, రాయడంపై ఇష్టంతో ఈ రంగాన్ని ఎంచుకున్నారు. తన ఆర్టికల్స్తో ఇప్పుడు ప్రజలకు చేరువవుతున్నారు. Read More
వడదెబ్బ లక్షణాలను సకాలంలో గుర్తించి, తక్షణ చర్యలు తీసుకోవడం ద్వారా ప్రాణాపాయం నుండి బయటపడవచ్చు. వేసవిలో అప్రమత్తంగా ఉండి, వైద్యుల సూచనలు పాటించడం మన ఆరోగ్యానికి శ్రేయస్కరం.
