‘పేపర్ బాయ్’ డైరెక్టర్ జయశంకర్ ఏడేళ్ల తర్వాత ‘అరి’ సినిమాతో ప్రేక్షకుల ముందుకు వస్తున్నారు. ఈ సినిమా రిలీజ్కు ముందు డైరెక్టర్ ఒక భావోద్వేగ పోస్ట్ పెట్టారు. తన తండ్రి, బావ మరణించిన విషయాన్ని గుర్తు చేసుకుంటూ, వారికి ఈ సినిమాను అంకితమిస్తున్నట్లు ప్రకటించారు.
Key Points
'పేపర్ బాయ్' ఫేమ్ డైరెక్టర్ జయశంకర్ ఏడేళ్ల తర్వాత 'అరి' సినిమాతో వస్తున్నారు.
'అరి' కథ అరిషడ్వార్గాలపై ఆధారపడి, అక్టోబర్ 10న విడుదల కానుంది.
సినిమా నిర్మాణ ప్రయాణంలో తన తండ్రి, బావలను కోల్పోయిన జయశంకర్.
'అరి' చిత్రాన్ని తన ప్రియమైన తండ్రి, బావలకు అంకితమిచ్చినట్లు డైరెక్టర్ భావోద్వేగ పోస్ట్.
డైరెక్టర్ జయశంకర్ 'అరి' సినిమాను తన తండ్రి, బావలకు అంకితమిచ్చారు.
అరి సినిమా కథా నేపథ్యం
Jayashankar : పేపర్ బాయ్ ఫేమ్ డైరెక్టర్ జయశంకర్ ఏడేళ్ల తర్వాత ఇప్పుడు అరి అనే సినిమాతో వస్తున్నాడు. ఏడేళ్ల పాటు ఈ సినిమా కోసం దేశంలోని ఆలయాలు, మఠాలు, ఆశ్రమాలు, హిమాలయాలు తిరిగి అరిషడ్వార్గాల మీద రాసుకున్నాడు. ఇప్పటివరకు సినీ పరిశ్రమలో రాని కాన్సెప్ట్ మీద కథగా రాసుకున్నాడు. ఇప్పటికే పలుమార్లు వాయిదా పడిన ఈ సినిమా అక్టోబర్ 10న రిలీజ్ కానుంది.
జయశంకర్ భావోద్వేగ పోస్ట్
వారికే అంకితం ‘అరి’ సినిమా
ఈ సినిమా రిలీజ్ కి ముందు డైరెక్టర్ తన సోషల్ మీడియాలో ఓ ఎమోషనల్ పోస్ట్ పెట్టాడు. జయశంకర్ తన పోస్ట్ లో.. రేపటి నుంచి అరి ఇక ఆడియెన్స్ సొంతం. నాకు ఈ సినిమా ఎప్పటికీ ప్రత్యేకంగా నిలుస్తుంది.. ఈ ప్రయాణంలో నా జీవితంలోని మూల స్తంభాలైన మా తండ్రి గారు(వంగ కనకయ్య), బావ గారు(కె.వి. రావు) మరణించారు. నేను వారిద్దరినీ కోల్పోయాను. అరి సినిమాలో ప్రతీ ఫ్రేమ్పై వారి ఆశీస్సులు ఉంటాయి. ఈ మూవీని నేను ఆ ఇద్దరికీ అంకితం చేస్తున్నాను అని తెలిపారు.
మొత్తంగా, ‘అరి’ సినిమా జయశంకర్ జీవితంలో ఒక ప్రత్యేక స్థానాన్ని పొందనుంది. తన ప్రియమైన వారి జ్ఞాపకాలతో ముడిపడిన ఈ చిత్రం ప్రేక్షకులను ఎలా అలరిస్తుందో చూడాలి. ఇది కేవలం ఒక సినిమా కాదు, ఒక భావోద్వేగ ప్రయాణం.
