📌 Key Points
- మణిరత్నం తన కొత్త సినిమాలో రెహమాన్ స్థానంలో సాయి అభ్యంకర్ను తీసుకున్నారు.
- విజయ్ సేతుపతి, సాయి పల్లవి ఈ సినిమాలో ముఖ్య పాత్రల్లో నటించనున్నారు.
- ఇళయరాజా తర్వాత రెహమాన్తో 34 ఏళ్లు పనిచేసిన మణిరత్నం సాయికి అవకాశం ఇచ్చారు.
- ఈ సినిమా ఒక అర్బన్ లవ్ స్టోరీగా తెరకెక్కనుంది, నేటి తరం ప్రేక్షకులను ఆకట్టుకునేలా ఉంటుంది.
ప్రముఖ దర్శకుడు మణిరత్నం తన తదుపరి చిత్రం కోసం ఏ.ఆర్. రెహమాన్ను కాదని కొత్త సంగీత దర్శకుడు సాయి అభ్యంకర్ను ఎంపిక చేసుకున్నట్లు తెలుస్తోంది. ఇది అందరినీ ఆశ్చర్యానికి గురిచేసింది. ఈ సినిమాలో విజయ్ సేతుపతి, సాయి పల్లవి నటిస్తున్నారు.
రెహమాన్ స్థానంలో సాయి అభ్యంకర్
Manirathnam: అది 1992.. ‘చిన్న చిన్న ఆశ’ అంటూ ఒక కుర్రాడు తన సంగీతంతో దేశాన్ని ఉర్రూతలూగించాడు. ఆ కుర్రాడిని పరిచయం చేసిన దార్శనికుడు మణిరత్నం. అప్పటి నుంచి మొన్నటి ‘పొన్నియిన్ సెల్వన్’ వరకు మణిరత్నం దృశ్యానికి, రెహమాన్ శబ్దం తోడవ్వాల్సిందే. కానీ ఇప్పుడు కోలీవుడ్ సర్కిల్స్ లో వినిపిస్తున్న వార్త ప్రకారం.. మణిరత్నం తన తర్వాతి ప్రాజెక్ట్ నుంచి రెహమాన్ ను పక్కన పెట్టి ఒక యువ మ్యూజిక్ డైరెక్టర్ కు ఛాన్స్ ఇచ్చారట.
ఇళయరాజా టు రెహమాన్.. ఇప్పుడు ‘సాయి అభ్యంకర్’ మణిరత్నం ఎప్పుడూ తన సంగీత దర్శకులను మార్చడానికి ఇష్టపడరు. కెరీర్ మొదట్లో ఇళయరాజాతో వరుసగా 10 సినిమాలు చేసిన మణి, ఆ తర్వాత రెహమాన్ తో ఏకంగా 34 ఏళ్ల పాటు ప్రయాణించారు.రెహమాన్ స్థానంలో ఇప్పుడు మణిరత్నం ఎంచుకున్నది సాయి అభ్యంకర్ (Sai Abhyankar) ను. ఈ కుర్రాడు ఎవరో కాదు.. ప్రముఖ గాయకుడు టిప్పూ, హరిణిల కుమారుడు.మణిరత్నం తన తర్వాతి సినిమాను పూర్తిగా నేటి తరం యువతను ఆకట్టుకునేలా ‘అర్బన్ లవ్ స్టోరీ’గా ప్లాన్ చేస్తున్నారు. దీనికి రెహమాన్ క్లాసిక్ టచ్ కంటే.. ప్రస్తుతం ట్రెండింగ్లో ఉన్న ‘సాయి అభ్యంకర్’ మార్క్ వైబ్స్ కావాలని మణి ఫిక్స్ అయ్యారట.
విజయ్ సేతుపతి, సాయి పల్లవి కాంబో
విజయ్ సేతుపతి – సాయి పల్లవి.. వెండితెరపై ‘నేచురల్’ మ్యాజిక్ ఈ సినిమా కేవలం మ్యూజిక్ పరంగానే కాదు, కాస్టింగ్ పరంగా కూడా నెక్స్ట్ లెవెల్ లో ఉండబోతోందని కోలీవుడ్ టాక్ .మణిరత్నం డైరెక్షన్ లో విజయ్ సేతుపతికి ఇది రెండో సినిమా. ‘చెక్క చివంత వానం’లో తన నటనతో మణిని మెప్పించిన విజయ్, ఇప్పుడు ప్యూర్ లవ్ స్టోరీలో మెరవబోతున్నారు. మణిరత్నంకు సాయి పల్లవి అంటే విపరీతమైన ఇష్టం. గతంలో ‘కాట్రు వెలియిడై’ (చెలియా) కోసం ఆమెను అనుకున్నారు కానీ కుదరలేదు. ఎట్టకేలకు సాయి పల్లవిలోని ‘నేచురల్’ నటిని తన కెమెరాలో బంధించేందుకు సిద్ధమయ్యారు మణి.
34 ఏళ్ల సెంటిమెంట్ కంటే ‘క్రియేటివిటీ’కే మొగ్గు రెహమాన్ లేని మణిరత్నం సినిమాను ఊహించడం కష్టం. వీరిద్దరి కాంబోలో వచ్చిన పాటలు ఇప్పటికీ ఎందరికో రింగ్టోన్లు కూడా.అయితే ‘రోజా’ సమయంలో అప్పటి స్టార్ డైరెక్టర్ మణిరత్నం ఒక కొత్త కుర్రాడిని (రెహమాన్) ఎలాగైతే నమ్మారో.. ఇప్పుడు సాయి అభ్యంకర్ ను కూడా అలాగే నమ్ముతున్నారని టాక్.ఏది ఏమైనా రెహమాన్ లేని మణిరత్నం సినిమా అంటే అది ఒక ప్రయోగమే. అయితే మణిరత్నం లాంటి లెజెండ్ తీసుకున్న నిర్ణయం వెనుక ఖచ్చితంగా ఏదో ఒక బలమైన కారణం ఉంటుందన్నాయ్ కోలీవుడ్ సర్కిల్స్.మరి రెహమాన్ ‘మెలోడీ’కి అలవాటు పడ్డ ప్రేక్షకులు.. ఈ ‘కుర్రాడి’ మ్యూజిక్ ను ఎలా రిసీవ్ చేసుకుంటారో చూడాలి!
మణిరత్నం కొత్త ప్రయోగం
మొత్తానికి, రెహమాన్ లేకుండా మణిరత్నం సినిమా ఒక కొత్త ప్రయోగం కానుంది. అయితే, మణిరత్నం వంటి లెజెండ్ తీసుకున్న ఈ నిర్ణయం వెనుక బలమైన కారణం ఉంటుందని సినీ విశ్లేషకులు భావిస్తున్నారు.
