పవన్ కళ్యాణ్ OG సినిమా విజయవంతంగా రన్ అవుతోంది. ఈ సందర్భంగా మెగా ఫ్యామిలీ కోసం ఏర్పాటు చేసిన ప్రత్యేక షోకు పవర్ స్టార్ పవన్ కళ్యాణ్ తన పిల్లలు అకిరా, ఆద్యతో కలిసి హాజరయ్యారు. చాన్నాళ్ల తర్వాత వీరు ముగ్గురూ ఒకే చోట కనిపించడం విశేషం. ఈ షోకు మెగా ఫ్యామిలీ నుంచి ఇంకెవరెవరు వచ్చారో తెలుసుకుందాం.
Key Points
OG సినిమా రూ. 270 కోట్లకు పైగా గ్రాస్ వసూలు చేసి విజయం సాధించింది.
మెగా ఫ్యామిలీ కోసం హైదరాబాద్లో OG సినిమా ప్రత్యేక షో ఏర్పాటు చేశారు.
చాన్నాళ్ల తర్వాత పవన్ కళ్యాణ్ తో అకిరా నందన్, ఆద్య కలిసి కనిపించారు.
చిరంజీవి, రామ్ చరణ్ సహా పలువురు మెగా ప్రముఖులు ఈ షోకు హాజరయ్యారు.
OG సినిమా విజయం, ప్రత్యేక షో
Mega Family : పవర్ స్టార్ పవన్ కళ్యాణ్ OG సినిమా ఇటీవల థియేటర్స్ లో రిలీజయి పెద్ద విజయం సాధించిన సంగతి తెలిసిందే. ఇప్పటికే దాదాపు 270 కోట్లకు పైగా గ్రాస్ వసూలు చేసి దూసుకుపోతుంది. OG సినిమాకు ప్రీమియర్స్ రోజునే సినీ పరిశ్రమ సెలబ్రిటీలు అంతా థియేటర్స్ కి వెళ్లి సినిమాని చూసారు. మెగా ఫ్యామిలిలో కూడా చిరు, చరణ్ తప్ప ఆల్మోస్ట్ అందరూ ప్రీమియర్స్ కి వెళ్లి చూశారు.(Mega Family)
పవన్ పిల్లలు అకిరా నందన్, ఆద్య కూడా OG రిలీజ్ కి థియేటర్స్ లో హంగామా చేసిన వీడియోలు వైరల్ అయిన సంగతి తెలిసిందే. అయితే నిన్న హైదరాబాద్ ప్రసాద్ ల్యాబ్ లో మెగా ఫ్యామిలీకి స్పెషల్ గా OG షో వేశారు. ఈ షోకి ఆల్మోస్ట్ మెగా ఫ్యామిలీ అంతా హాజరయ్యారు. చిరంజీవి, సురేఖ, రామ్ చరణ్, పవన్ కళ్యాణ్, వరుణ్ తేజ్, సాయి ధరమ్ తేజ్, వైష్ణవ తేజ్, అకిరా నందన్, ఆద్య, సుస్మిత కొణిదెల, సుస్మిత పిల్లలు, మరికొంతమంది మెగా కజిన్స్ హాజరయ్యారు.
పవన్ కళ్యాణ్, అకిరా, ఆద్య రీ-యూనియన్
అంతే కాకుండా OG మూవీ టీమ్ నిర్మాత దానయ్య, తమన్, శ్రియ రెడ్డి, ఎడిటర్ నవీన్ నూలి, సుజీత్, ఆర్ట్ డైరెక్టర్ AS ప్రకాష్, సినిమాటోగ్రాఫర్ రవి చంద్రన్.. పలువురు టీమ్ మెంబర్స్, అలాగే అడివి శేష్, రాహుల్ రవీంద్రన్.. పలువురు హాజరయ్యారు.
మెగా ఫ్యామిలీ నుంచి హాజరైన ప్రముఖులు
అయితే చాన్నాళ్ల తర్వాత అకిరా నందన్, ఆద్య కలిసి మళ్ళీ నాన్న పవన్ కళ్యాణ్ తో కనిపించారు. అకిరా ఇటీవల పవన్ కళ్యాణ్ తో కలిసి తమిళనాడు టెంపుల్స్ కి వెళ్ళినప్పుడు చివరగా కనిపించాడు. ఆద్య మాత్రం పవన్ ఎన్నికల్లో గెలిచినప్పుడు కలిసి కనిపించింది. మళ్ళీ ఇంత గ్యాప్ తర్వాత ఆద్య, అకిరా ఇద్దరూ నాన్నతో కలిసి కనిపించడంతో ఈ ఫోటోలు వైరల్ గా మారాయి. ఇక మెగా కజిన్స్ అందరూ హాజరవడంతో మెగా ఫ్యామిలీ హీరోలంతా ఒకే ఫ్రేమ్ లో ఉండటంతో ఫ్యాన్స్ సంతోషం వ్యక్తం చేస్తున్నారు.
OG సినిమా విజయంతో పాటు, మెగా ఫ్యామిలీ మొత్తం ఒకే చోట చేరి సినిమా చూడటం అభిమానులకు ఆనందాన్నిచ్చింది. ముఖ్యంగా అకిరా నందన్, ఆద్య తమ తండ్రితో కలిసి కనిపించడం హైలైట్ గా నిలిచింది. ఈ ప్రత్యేక క్షణాలు అభిమానుల మనసుల్లో చిరస్థాయిగా నిలిచిపోతాయి.
