ఈ వారం ఓటీటీ ప్లాట్ఫామ్స్ లో అనేక ఆసక్తికరమైన తెలుగు సినిమాలు, వెబ్ సిరీస్ లు అందుబాటులోకి రాబోతున్నాయి. ‘టూరిస్ట్ ఫ్యామిలీ’, ‘వడక్కన్’ వంటి చిత్రాలతో పాటు ‘దేవిక అండ్ డానీ’ వెబ్ సిరీస్ కూడా ప్రేక్షకులను ఆకట్టుకోవడానికి సిద్ధంగా ఉంది.
Key Points
జియోహాట్స్టార్ లో 'టూరిస్ట్ ఫ్యామిలీ' తమిళ కామెడీ చిత్రం
ఆహా వీడియో లో 'వడక్కన్' మలయాళ హారర్ థ్రిల్లర్ తెలుగులో
సన్ నెక్స్ట్ లో రజనీకాంత్ నటించిన 'లాల్ సలామ్'
జియోహాట్స్టార్ లో 'దేవిక అండ్ డానీ' తెలుగు వెబ్ సిరీస్
ఈ వారం ఓటీటీలో విడుదలయ్యే తెలుగు సినిమాలు
ఓటీటీలోకి ఈ వారం కొన్ని ఇంట్రెస్టింగ్ సినిమాలు, వెబ్ సిరీస్ అడుగుపెట్టబోతున్నాయి. ముఖ్యంగా మూడు సినిమాలు, ఓ వెబ్ సిరీస్ మాత్రం మిస్ కాకుండా చూడాల్సిందే. ఇవి జియోహాట్స్టార్, ఆహా వీడియో, సన్ నెక్ట్స్ లాంటి ఓటీటీ ప్లాట్ఫామ్స్ లో అందుబాటులో ఉన్నాయి. వీటి గురించి ఓసారి చూద్దాం.
టూరిస్ట్ ఫ్యామిలీ – జియోహాట్స్టార్
టూరిస్ట్ ఫ్యామిలీ మూవీ జియోహాట్స్టార్ ఓటీటీలోకి సోమవారం (జూన్ 2) స్ట్రీమింగ్ కు వచ్చింది. ఈ తమిళ కామెడీ మూవీ తెలుగులోనూ స్ట్రీమింగ్ అవుతోంది. శశి కుమార్, సిమ్రన్ లీడ్ రోల్స్ లో నటించిన ఈ మూవీ థియేటర్లలోనే కాదు.. ఓటీటీలోనూ సంచలనాలు సృష్టిస్తోంది. ఈ ఫ్యామిలీ ఎమోషనల్ డ్రామాను ప్రతి ఒక్కరూ కచ్చితంగా చూడాల్సిందే. శ్రీలంక నుంచి తమిళనాడులోని రామేశ్వరానికి అక్రమంగా శరణార్థులుగా వచ్చిన ఓ కుటుంబం చుట్టూ తిరిగే కథే ఈ టూరిస్ట్ ఫ్యామిలీ.
మిస్ చేయకూడని తెలుగు వెబ్ సిరీస్
వడక్కన్ – ఆహా వీడియో ఓటీటీ
మలయాళ హారర్ థ్రిల్లర్ మూవీ వడక్కన్. ఎప్పుడూ మూడు నెలల కిందట థియేటర్లలో రిలీజైంది. ఆ తర్వాత గత నెలలోనే అమెజాన్ ప్రైమ్ వీడియోలో అడుగుపెట్టింది. అయితే కేవలం మలయాళం, కన్నడలాంటి భాషల్లోనే స్ట్రీమింగ్ అవుతోంది. అయితే ఈ శుక్రవారం (జూన్ 6) నుంచి ఆహా ఓటీటీ లో తెలుగు, తమిళం భాషల్లోనూ అందుబాటులోకి రానుంది. అతీత శక్తుల గురించి శోధించే ఇద్దరు వ్యక్తులు కేరళలోని ఓ చోట జరిగిన కొన్ని అంతు చిక్కని మరణాల గురించి తెలుసుకోవడానికి వస్తారు. అక్కడ వాళ్లకు ఎలాంటి పరిస్థితి ఎదురైందన్నదే ఈ వడక్కన్ లో చూడొచ్చు.
లాల్ సలామ్ – సన్ నెక్ట్స్ ఓటీటీ
ఏ ఓటీటీ ప్లాట్ఫామ్ లో ఏ సినిమా చూడాలి?
గతేడాది రజనీకాంత్ అతిథి పాత్రలో నటించిన మూవీ లాల్ సలామ్. ఈ సినిమా ఏడాది తర్వాత ఓటీటీలోకి వస్తోంది. శుక్రవారం (జూన్ 6) నుంచి సన్ నెక్ట్స్ ఓటీటీలో స్ట్రీమింగ్ కానుంది. ఇందులో మొయినుద్దీన్ అనే ఓ గ్యాంగ్స్టర్ పాత్రలో రజనీ నటించాడు. అయితే బాక్సాఫీస్ దగ్గర డిజాస్టర్ గా నిలిచిన మూవీ.. చాలా కాలం తర్వాత ఇప్పుడు డిజిటల్ ప్రీమియర్ కు సిద్ధమైంది.
దేవిక అండ్ డానీ వెబ్ సిరీస్ – జియోహాట్స్టార్
ఈ వారం తెలుగులో వస్తున్న మరో వెబ్ సిరీస్ దేవిక అండ్ డానీ. జియోహాట్స్టార్ ఓటీటీలో శుక్రవారం (జూన్ 6) నుంచి స్ట్రీమింగ్ కానుంది. రీతూ వర్మ లీడ్ రోల్లో నటించిన ఈ వెబ్ సిరీస్ ఆసక్తి రేపుతోంది. పెళ్లికి సిద్ధమైన దేవిక జీవితంలోకి డానీ అనే వ్యక్తి వచ్చిన తర్వాత మొత్తం కథ మలుపు తిరుగుతుంది. బి. కిశోర్ డైరెక్ట్ చేసిన ఈ రొమాంటిక్ థ్రిల్లర్ వెబ్ సిరీస్ ను కూడా ఈ వీకెండ్ లిస్ట్ లో చేర్చుకోవచ్చు.
ఈ వారం ఓటీటీలో అందుబాటులో ఉన్న తెలుగు సినిమాలు, వెబ్ సిరీస్ లతో మీ వీకెండ్ ఎంతో ఆనందంగా గడుస్తుంది. మంచి వినోదం కోసం ఇవి మిస్ చేయకండి!
