📌 Key Points
- నాగార్జున 100వ చిత్రం ‘కింగ్-100’లో టబు పవర్ ఫుల్ రోల్.. 27 ఏళ్ల తర్వాత మళ్ళీ వెండితెరపై ఈ జోడీ!
- దర్శకుడు రా కార్తీక్ దర్శకత్వంలో రూపొందుతున్న ఈ సినిమా.. భారీ వీఎఫ్ఎక్స్ కాకుండా ‘రియలిస్టిక్ యాక్షన్’ పై ఫోకస్!
- ట్రెండ్ మారుతున్న నేపథ్యంలో.. కథకు తగ్గట్టుగా సహజంగా సినిమాను తెరకెక్కిస్తున్నట్లు తెలిపిన నాగార్జున!
- రిలీజ్ డేట్ విషయంలో తొందరపడటం లేదని.. అవుట్పుట్ పర్ఫెక్ట్గా వచ్చే వరకు ఎంత సమయమైనా తీసుకుంటామని ప్రకటన!
అక్కినేని నాగార్జున తన 100వ చిత్రం ‘కింగ్-100’తో సంచలనం సృష్టించడానికి సిద్ధంగా ఉన్నారు. ఈ సినిమాలో టబు ఒక పవర్ఫుల్ పాత్రలో కనిపించబోతున్నారు. దీనితో సినిమాపై అంచనాలు భారీగా పెరిగిపోయాయి.
టబుతో నాగార్జున రీఎంట్రీ: ఫ్యాన్స్ కు పండగే!
అక్కినేని నాగార్జున(Nagarjuna) తన ప్రతిష్టాత్మక 100వ చిత్రం ‘కింగ్-100’ తో సెన్సేషన్ క్రియేట్ చేసేందుకు రెడీ అవుతున్నారు. ఈ చిత్రాన్ని తమిళ దర్శకుడు రా కార్తీక్ (Ra Karthik) తెరకెక్కిస్తున్నారు. దీనికి లాటరీ కింగ్ అనే టైటిల్ ఫిక్స్ చేయాలని మేకర్స్ భావిస్తున్నట్లు తెలుస్తోంది. అయితే ఈ సినిమాలో ఎవరూ ఊహించని విధంగా సీనియర్ నటి టబు పవర్ ఫుల్ పాత్రలో కనిపించబోతున్నట్లు గత కొద్ది కాలంగా వార్తలు వస్తున్నాయి. నిన్నే పెళ్లాడుతా, ఆవిడ మా ఆవిడే వంటి సినిమాల తర్వాత ఈ జోడీ బిగ్ స్క్రీన్పై కనిపించబోతున్నట్లు తెలుస్తోంది.
రియలిస్టిక్ యాక్షన్ తో వస్తున్న ‘కింగ్ 100’!
ఈనేపథ్యంలో.. తాజాగా, ఓ ఇంటర్వ్యూలో పాల్గొన్న నాగార్జున ఈ విషయంపై క్లారిటీ ఇచ్చారు. ‘‘టబు నాకు ఆమె కెరీర్ మొదలైనప్పటి నుండి తెలుసు. నా 100వ సినిమా గురించి తెలియగానే, టబు కూడా ఈ ప్రాజెక్ట్లో భాగం కావాలని ఆశపడింది’’ అని నాగ్ చెప్పుకొచ్చారు. దీనితో దాదాపు 27 ఏళ్ల తర్వాత ‘నిన్నే పెళ్లాడుతా’ వంటి క్లాసిక్ జోడీని మళ్ళీ వెండితెరపై చూడబోతున్నామని కన్ఫర్మ్ అయిపోయింది. అయితే ఈ సినిమా విషయంలో నాగార్జున ఒక కీలక నిర్ణయం తీసుకున్నట్లు కూడా వెల్లడించారు. ప్రస్తుతం ట్రెండ్ మారుతున్న నేపథ్యంలో, కేవలం భారీ వీఎఫ్ఎక్స్ (VFX) లేదా గ్రాఫిక్స్పై ఆధారపడకుండా ‘రియలిస్టిక్ యాక్షన్’పై ఫోకస్ చేస్తున్నట్లు ఆయన తెలిపారు.
సినిమా అవుట్పుట్ పర్ఫెక్ట్ గా ఉండాలనే నాగ్ పట్టుదల!
‘‘ప్రేక్షకులు ఇప్పుడు అతిశయోక్తులతో కూడిన యాక్షన్ను ఇష్టపడటం లేదు. నిజాయితీగా అనిపించే యాక్షన్ సన్నివేశాలనే కోరుకుంటున్నారు. అందుకే జీవితాతీత హీరో ఇమేజ్ను పక్కన పెట్టి, కథకు తగ్గట్టుగా సహజంగా సినిమాను తెరకెక్కిస్తున్నాం’’ అని నాగ్ వివరించారు. రిలీజ్ డేట్ విషయంలో కూడా నాగ్ ఎక్కడా తొందరపడటం లేదని.. సినిమా అవుట్పుట్ పర్ఫెక్ట్గా వచ్చే వరకు ఎంత సమయమైనా తీసుకోవాలని డిసైడ్ అయ్యారట. తమిళ దర్శకుడు రా కార్తీక్ ఈ సినిమాను సరికొత్త కథాంశంతో తెరకెక్కిస్తున్నారు. టబు లాంటి పవర్ఫుల్ నటి తోడవ్వడంతో ఈ 100వ చిత్రంపై అంచనాలు పెరిగిపోయాయి.
నాగార్జున, టబు కాంబినేషన్లో వస్తున్న ఈ సినిమాపై అంచనాలు భారీగా ఉన్నాయి. సినిమాకు సంబంధించిన మరిన్ని అప్డేట్స్ కోసం చూస్తూ ఉండండి.
