📌 Key Points
- నెట్ఫ్లిక్స్ మూవీ ‘ఘూస్ఖోర్ పండిత్’ టైటిల్పై బ్రాహ్మణ సంఘాల ఆగ్రహం, దేశవ్యాప్తంగా నిరసనలు!
- హీరో మనోజ్ బాజ్పాయ్ వివరణ: ఇది ఒక వ్యక్తి కథ మాత్రమే, ఎవరినీ కించపరిచే ఉద్దేశం లేదు!
- వివాదం నేపథ్యంలో సినిమా ప్రమోషనల్ మెటీరియల్ను తాత్కాలికంగా తొలగించిన నిర్మాతలు.
- ఢిల్లీ హైకోర్టులో సినిమా విడుదలను అడ్డుకోవాలంటూ పిటిషన్ దాఖలు, లక్నోలో FIR నమోదు.
నెట్ఫ్లిక్స్ కొత్త సినిమా ‘ఘూస్ఖోర్ పండిత్’ టైటిల్తో వివాదం మొదలైంది. బ్రాహ్మణ సంఘాలు తీవ్ర అభ్యంతరం వ్యక్తం చేయడంతో, హీరో మనోజ్ బాజ్పాయ్ స్వయంగా స్పందించారు. అసలు ఈ వివాదం ఏంటి? సినిమా భవితవ్యం ఏమవుతుంది?
టైటిల్పై బ్రాహ్మణ సంఘాల ఆగ్రహం
నెట్ఫ్లిక్స్ రాబోయే సినిమా ‘ఘూస్ఖోర్ పండిత్’ (Ghooskhor Pandat) టైటిల్ వివాదం రోజురోజుకూ పెద్దదవుతోంది. బ్రాహ్మణులను కించపరిచేలా ఉందంటూ ఎఫ్ఐఆర్లు నమోదు కావడం, కోర్టు కేసులు పడటంతో ఎట్టకేలకు హీరో మనోజ్ బాజ్పాయ్, దర్శకుడు నీరజ్ పాండే స్పందించారు.
నెట్ఫ్లిక్స్ ఇండియా ప్రకటించిన 2026 సినిమాల జాబితాలో ‘ఘూస్ఖోర్ పండిత్’ (అవినీతి పండితుడు అని అర్థం వచ్చేలా) అనే సినిమా తీవ్ర వివాదానికి దారితీసింది. మనోజ్ బాజ్పాయ్ ప్రధాన పాత్రలో నటించిన ఈ సినిమా టైటిల్, కంటెంట్ బ్రాహ్మణ సామాజిక వర్గాన్ని కించపరిచేలా ఉన్నాయంటూ దేశవ్యాప్తంగా నిరసనలు వ్యక్తమవుతున్నాయి. లక్నోలో ఎఫ్ఐఆర్ నమోదు కావడం, ఢిల్లీ హైకోర్టులో పిటిషన్ దాఖలైన నేపథ్యంలో మూవీ టీమ్ దిగొచ్చింది.
“ప్రజల భావోద్వేగాలను, ఆందోళనలను నేను గౌరవిస్తాను. మేము చేసిన పని వల్ల కొందరి మనోభావాలు దెబ్బతిన్నాయని తెలిసినప్పుడు.. ఒక్కక్షణం ఆగి, వారి మాట వినడం మా బాధ్యత. ఒక నటుడిగా నేను కథను, పాత్రను మాత్రమే చూస్తాను. ఇది కేవలం తప్పులు చేసే ఒక వ్యక్తి కథే తప్ప, ఏ వర్గానికి వ్యతిరేకం కాదు” అని మనోజ్ పేర్కొన్నాడు.
దిగొచ్చిన మనోజ్ బాజ్పాయ్.. వివరణ
అలాగే ప్రజాల మనోభావాలను దృష్టిలో ఉంచుకుని సినిమా ప్రమోషనల్ మెటీరియల్ ను తాత్కాలికంగా తొలగించాలని నిర్మాతలు నిర్ణయించినట్లు అతడు తెలిపాడు. ఇది తాము ఈ విషయాన్ని ఎంత సీరియస్గా తీసుకున్నామో తెలియజేస్తుందని అన్నాడు.
“అదొక కల్పిత పాత్ర మాత్రమే”: నీరజ్ పాండే
చట్టపరమైన చిక్కుల్లో సినిమా..
ప్రమోషనల్ మెటీరియల్ తొలగింపు
సినిమా విడుదలను అడ్డుకోవాలంటూ అడ్వకేట్ వినీత్ జిందాల్ ద్వారా ఢిల్లీ హైకోర్టులో రిట్ పిటిషన్ దాఖలైంది. అటు జాతీయ మానవ హక్కుల కమిషన్ (NHRC) కూడా కేంద్ర సమాచార ప్రసార శాఖకు నోటీసులు పంపింది. సినిమా టైటిల్ ప్రతికూల మూస ధోరణులను ప్రోత్సహిస్తోందని పేర్కొంది.
ఘూస్కోర్ పండత్ అసలు కథేంటి?
నెట్ఫ్లిక్స్ సినిమా టైటిల్ వివాదం తీవ్ర దుమారం రేపుతోంది. మనోజ్ బాజ్పాయ్ వివరణ ఇచ్చినా, నిరసనలు కొనసాగుతున్నాయి. ఈ మూవీ భవితవ్యం ఏమవుతుందో వేచి చూడాలి. మరిన్ని అప్డేట్స్ కోసం చూస్తూ ఉండండి.
