📌 Key Points
- ఎన్టీఆర్ తన రాబోయే సినిమా కోసం బరువు తగ్గడంపై అభిమానుల్లో చర్చ.
- ‘దేవర 1’ విజయం తర్వాత ‘దేవర 2’ కోసం అభిమానులు ఆసక్తిగా ఎదురుచూశారు.
- కొంతకాలం ‘దేవర 2’పై ఎటువంటి అప్డేట్ లేకపోవడంతో సినిమా లేదనుకున్నారు.
- తాజా సమాచారం ప్రకారం, ఎన్టీఆర్ లైనప్ లో మార్పుల వల్ల ‘దేవర 2’ మళ్ళీ ట్రాక్ లోకి వచ్చింది.
ఎన్టీఆర్ అభిమానులకు శుభవార్త! తారక్ లైనప్ లో వచ్చిన అనూహ్య మార్పుల కారణంగా ‘దేవర 2’ తిరిగి ట్రాక్ లోకి వచ్చినట్లు తెలుస్తోంది. కొరటాల శివ రూపొందించిన స్క్రిప్ట్ ఎన్టీఆర్కు నచ్చడంతో త్వరలో అధికారిక ప్రకటన వెలువడే అవకాశం ఉంది. ఈ వార్త అభిమానుల్లో ఉత్సాహాన్ని నింపుతోంది.
ఎన్టీఆర్ లుక్ పై ఫ్యాన్స్ ఆందోళన
ఈ మధ్యకాలంలో ఎన్టీఆర్ ను చూస్తే.. చాలా సన్నగా కనిపించాడు. మా అన్నేంటి అలా అయిపోయాడని ఎన్టీఆర్ ఫ్యాన్స్ నెట్టింట పోస్టులు కూడా పెట్టారు. ఒక సినిమా కోసం ఎన్టీఆర్ చాలా ఎక్కువ వెయిట్ తగ్గినట్లుగా తెలుస్తోంది. ఈ విషయాన్ని పక్కనపెడితే.. మ్యాన్ ఆఫ్ మాసెస్ ఎన్టీఆర్ ఇప్పటికే పలు భారీ సినిమాలను లైనప్ ను సెట్ చేసుకున్నారు. దీంతో కొరటాల శివతో చేయాల్సిన మోస్ట్ అవైటెడ్ సీక్వెల్ దేవర 2 కోసం అభిమానులు ఎంతో ఎదురుచూశారు. దేవర1 హిట్ కావడం, సినిమా చివరిలో దేవర 2 ఉంటుందని అనౌన్స్ చేయడంతో .. సినిమా వస్తుందన్న ఆశతో ఉన్నారు. కానీ.. సినిమాపై ఎలాంటి అనౌన్స్ మెంట్ రాకపోవడంతో సినిమా లేదన్న నిర్ణయానికి వదిలేశారు.
కానీ.. తాజాగా ఎన్టీఆర్ సినిమాల్లో సమీకరణాలు మారడంతో దేవర 2 మళ్లీ ట్రాక్ లోకి వచ్చినట్లు తెలుస్తోంది. కొరటాల ప్రిపేర్ చేసిన వెర్షన్ ఎన్టీఆర్ కు నచ్చిందని, త్వరలోనే దేవర ఆగమనం ఉంటుందని ఇండస్ట్రీ వర్గాల టాక్. అయితే ఇందులో నిజమెంత ఉందన్న విషయం ఇప్పటికైతే స్పష్టత లేదు కానీ.. త్వరలోనే దీనిపై అధికారిక ప్రకటన చేస్తారని ఫ్యాన్స్ ఎదురుచూస్తున్నారు.
‘దేవర 2’ పై ఆశలు, నిరాశలు
రీ-ఎంట్రీ వెనుక అసలు కథ ఏంటి?
ప్రస్తుతం ‘దేవర 2’ రీ-ఎంట్రీ వార్తలు సోషల్ మీడియాలో వైరల్ అవుతున్నాయి. అయితే ఈ విషయంపై అధికారికంగా ఎన్టీఆర్ లేదా కొరటాల శివ టీమ్ నుండి ఎలాంటి ప్రకటన రాలేదు. త్వరలోనే దీనిపై క్లారిటీ వస్తుందని అభిమానులు ఆశిస్తున్నారు.
