పవన్ కల్యాణ్ నటించిన ‘ఓజీ’ చిత్రం బాక్సాఫీస్ వద్ద దూసుకుపోతోంది. ఈ సినిమా కేవలం 6 రోజుల్లోనే ఇండియాలో రూ.150 కోట్ల నెట్ కలెక్షన్లను దాటి సంచలనం సృష్టించింది. ఈ సినిమా విజయంతో పాటు, మెగాస్టార్ చిరంజీవి తన తమ్ముడు పవన్ సినిమాపై చేసిన వైరల్ కామెంట్లు ప్రస్తుతం అందరి దృష్టిని ఆకర్షిస్తున్నాయి.
Key Points
పవన్ కల్యాణ్ ‘ఓజీ’ చిత్రం 6 రోజుల్లో ఇండియాలో రూ.150 కోట్ల నెట్ కలెక్షన్లు దాటింది.
మొదటి రోజు రూ.63.75 కోట్లు, ఆరో రోజు రూ.6.7 కోట్ల నెట్ వసూళ్లు సాధించింది.
చిరంజీవి ఓజీని కుటుంబంతో చూసి, హాలీవుడ్ ప్రమాణాలకు సమానంగా ఉందని ప్రశంసించారు.
ఓపెనింగ్ వీకెండ్లో ప్రపంచవ్యాప్తంగా రూ.250 కోట్లకు పైగా గ్రాస్ వసూలు చేసింది.
ఓజీ 6 రోజుల ఇండియా కలెక్షన్ల వివరాలు
పవన్ కల్యాణ్ లేటెస్ట్ యాక్షన్ డ్రామా థ్రిల్లర్ ‘ఓజీ’ మూవీ బాక్సాఫీస్ దగ్గర నిలకడ కొనసాగిస్తోంది. ఈ సినిమా ఆరు రోజుల్లో ఇండియాలో రూ.150 కోట్ల కలెక్షన్లను దాటింది. సుజీత్ డైరెక్షన్ లో తెరకెక్కిన ఈ మూవీ సెప్టెంబర్ 25న థియేటర్లలో రిలీజైంది. ఈ సినిమా ఆరు రోజుల కలెక్షన్లు ఎలా ఉన్నాయో ఓ లుక్కేయండి.
పవన్ కల్యాణ్ హీరోగా యాక్ట్ చేసిన ఓజీ మూవీ ఆరో రోజైన మంగళవారం (సెప్టెంబర్ 30) ఇండియాలో రూ.6.7 కోట్ల నెట్ కలెక్షన్లు సాధించింది. దీంతో మూవీ ఆరు రోజుల్లో కలిపి ఇండియాలో రూ.154 కోట్ల నెట్ కలెక్షన్లు ఖాతాలో వేసుకుంది. ఓజీ ఫస్ట్ డే రూ.63.75 కోట్లతో గ్రాండ్ ఓపెనింగ్ సొంతం చేసుకుంది. అంతకుముందు పెయిడ్ ప్రీమియర్లతో రూ.21 కోట్లు దక్కించుకుంది.
పవన్ సినిమాపై చిరంజీవి ప్రశంసలు
ఓజీ మూవీ సెకండ్ డే కలెక్షన్లు 71 శాతం తగ్గాయి. రూ.18.45 కోట్లు వసూలయ్యాయి. వీకెండ్ లో శని, ఆది వారాల్లో వరుసగా రూ.18.5 కోట్ల చొప్పున కలెక్ట్ చేసింది ఓజీ. ఫస్ట్ మండే కలెక్షన్లు పడిపోయాయి. సెప్టెంబర్ 29న రూ.7.4 కోట్లు మాత్రమే వచ్చాయి. మంగళవారం రూ.6.7 కోట్లు సాధించింది ఓజీ.
ప్రాంతాన్ని బట్టి ఓజీ ప్రేక్షకుల ఆక్యుపెన్సీ మారుతుంది. వరంగల్ 46%, కాకినాడ (45%), కరీంనగర్ (35.67%) లో ఆక్యుపెన్సీ ఇలా ఉంది. విజయవాడ (23.33 శాతం), వైజాగ్ (28 శాతం), హైదరాబాద్ (19 శాతం) వాటా ఇలా ఉంది. చెన్నై, బెంగళూరులో వరుసగా 14.67 శాతం, 8.67 శాతం హాజరు నమోదైంది. చాలా మంది ప్రేక్షకులు మధ్యాహ్నం, సాయంత్రం షోలు చూసేందుకు ఇంట్రెస్ట్ చూపిస్తున్నారు.
ఓజీ బాక్సాఫీస్ వద్ద నిలకడ
ఓజీ సినిమా చూసిన చిరంజీవి తన తమ్ముడు పవన్ కల్యాణ్ పై ప్రశంసలు కురిపించారు. “నా మొత్తం కుటుంబంతో కలిసి ఓజీ మూవీ చూశా. దానిలోని ప్రతి బిట్ ను పూర్తిగా ఆస్వాదించా. సరైన భావోద్వేగాలను చెక్కుచెదరకుండా ఉంచుతూనే, హాలీవుడ్ ప్రమాణాలకు సమానంగా అద్భుతంగా నిర్మించిన అండర్ వరల్డ్ గ్యాంగ్ స్టర్ చిత్రం ఇది. మొదటి నుంచి చివరి వరకు దర్శకుడు అసాధారణ రీతిలో సినిమాను నడిపించాడు. సుజీత్ కు అభినందనలు” అని చిరు ఎక్స్ లో పేర్కొన్నారు.
సుజీత్ దర్శకత్వంలో తెరకెక్కిన ఓజీ చిత్రంలో పవన్ కల్యాణ్, ఇమ్రాన్ హష్మీ, ప్రియాంక మోహన్, అర్జున్ దాస్, శ్రియారెడ్డి, ప్రకాష్ రాజ్ తదితరులు నటించారు. ఈ చిత్రం ప్రారంభ వారాంతంలో ప్రపంచవ్యాప్తంగా రూ.250 కోట్లకు పైగా వసూలు చేసింది.
మొత్తంగా, ‘ఓజీ’ చిత్రం బాక్సాఫీస్ వద్ద అద్భుతమైన కలెక్షన్లతో దూసుకుపోతోంది. పవన్ కల్యాణ్ అభిమానులను అలరించడమే కాకుండా, చిరంజీవి ప్రశంసలతో సినిమాకు మరింత బూస్ట్ లభించింది. ఈ గ్యాంగ్స్టర్ డ్రామా రానున్న రోజుల్లో మరిన్ని రికార్డులు సృష్టించే అవకాశం ఉంది.
