📌 Key Points
- పవన్ కల్యాణ్ ‘దేఖ్లేంగే సాలా’ పాట 24 గంటల్లో రికార్డు వ్యూస్ సాధించింది.
- రామ్ చరణ్ ‘చికిరి చికిరి’ సాంగ్ రికార్డును ఈ పాట బద్దలు కొట్టింది.
- పవన్, శ్రీలీల డ్యాన్స్ తో పాటు దేవిశ్రీ ప్రసాద్ సంగీతం ఆకట్టుకున్నాయి.
- ఉస్తాద్ భగత్సింగ్ సినిమా నుంచి ఈ ఫస్ట్ సింగిల్ విడుదలైంది.
పవన్ కల్యాణ్ ఉస్తాద్ భగత్సింగ్ సినిమా నుంచి విడుదలైన ‘దేఖ్లేంగే సాలా’ పాట యూట్యూబ్లో సంచలనం సృష్టించింది. తొలి 24 గంటల్లోనే రికార్డు స్థాయిలో వ్యూస్ను సాధించి, రామ్ చరణ్ ‘చికిరి చికిరి’ రికార్డును బద్దలు కొట్టింది. పవర్ స్టార్ పవర్ను మరోసారి నిరూపించింది.
దేఖ్లేంగే సాలా రికార్డుల పరంపర
పవర్ స్టార్ పవన్ కల్యాణ్ రేంజ్ ఏంటో తాజాగా మరోసారి తేలిపోయింది. ఉస్తాద్ భగత్సింగ్ నుంచి వచ్చిన ఫస్ట్ సింగిల్ దేఖ్లేంగే సాలా ఇప్పుడు యూట్యూబ్ లో తొలి 24 గంటల్లో ఎక్కువ మంది చూసిన తెలుగు పాటగా రికార్డు క్రియేట్ చేసింది.
పవన్ కల్యాణ్ ఈ ఏడాది ఇప్పటికే ఓజీ రూపంలో బిగ్గెస్ట్ హిట్ అందుకున్నాడు. ఇక ఇప్పుడు ఉస్తాద్ భగత్ సింగ్ రూపంలో మరో బ్లాక్బస్టర్ కోసం రెడీ అవుతున్నాడు. శనివారం (డిసెంబర్ 13) ఈ మూవీ నుంచి ఫస్ట్ సింగిల్ దేఖ్లేంగే సాలా పాట రాగా.. 24 గంటల్లోనే దీనికి ఏకంగా 29.5 మిలియన్ వ్యూస్ రావడం విశేషం. ఈ క్రమంలో రామ్ చరణ్ చికిరి చికిరి సాంగ్ రికార్డు బ్రేక్ చేసింది.
రామ్ చరణ్ రికార్డు బద్దలు
తొలి 24 గంటల్లో ఎక్కువ మంది చూసిన తెలుగు సాంగ్గా ఈ దేఖ్లేంగే సాలా నిలిచింది. దీంతో ఈ లిస్టులో తొలి రెండు స్థానాల్లోనూ మెగా హీరోల పాటలే నిలవడం విశేషం. ఈ పాటలో పవన్ స్టెప్పులకు అభిమానులు ఫిదా అవుతున్నారు.
దేఖ్లేంగే సాలా పాట గురించి..
పవన్ కల్యాణ్ డ్యాన్స్ హైలైట్స్
చాలా కాలం తర్వాత పవన్ కల్యాణ్ డ్యాన్స్ ను దేఖ్లేంగే సాలా సాంగ్ లో చూడొచ్చు. ఇందులో పవర్ స్టార్ తో కలిసి యూత్ సెన్సేషన్ శ్రీలీల కూడా ఆడిపాడింది. ఉస్తాద్ భగత్ సింగ్ సినిమాకు రాక్ స్టార్ దేవిశ్రీ ప్రసాద్ డైరెక్టర్. దేఖ్లేంగే సాలా పాటను భాస్కరబట్ల రాశారు. దీన్ని విశాల్ దద్లాని, హరిప్రియ పాడారు. పవన్ కల్యాణ్ తో దినేశ్ మాస్టర్ అదిరే స్టెప్పులు వేయించారు.
ఏపీ డిప్యూటీ సీఎంగా తీరిక లేకుండా ఉన్నప్పటికీ ఫ్యాన్స్ కోసం పవన్ కల్యాణ్ ముందే కమిట్ అయిన సినిమాలను ఫినిష్ చేసే పనిలో పడ్డారు. ఇటీవల ఆయన నటించిన హరిహరి వీరమల్లు, ఓజీ రిలీజ్ అయ్యాయి. ఓజీ సక్సెస్ తో పవన్ లో మరింత జోష్ పెంచింది. ఇప్పుడు ఉస్తాద్ భగత్ సింగ్ మూవీని రెడీ చేస్తున్నారు. ఇందులో మరోసారి పవన్ కల్యాణ్ ను పవర్ ఫుల్ గా చూపించబోతున్నారు హరీష్ శంకర్. వీళ్ల కాంబినేషన్లో వచ్చిన గబ్బర్ సింగ్ ఎంతటి హిట్ అయిందో తెలిసిందే.
మొత్తంగా, ‘దేఖ్లేంగే సాలా’ పాట పవన్ కల్యాణ్ క్రేజ్ను మరోసారి చాటింది. ఈ రికార్డుతో ఉస్తాద్ భగత్సింగ్ సినిమాపై అంచనాలను భారీగా పెంచింది. పవర్ స్టార్ అభిమానులకు ఇది నిజంగా పండుగే.
