📌 Key Points
- తెలంగాణ హైకోర్టు ఆదేశాలతో పెద్ది సినిమా టికెట్ ధరల పెంపుపై సందిగ్ధత.
- సినిమా విడుదలకు 90 రోజుల ముందు టికెట్ ధరల అనుమతి తప్పనిసరి అని కోర్టు స్పష్టీకరణ.
- మార్చి 27న విడుదల కావల్సిన పెద్ది సినిమా భవితవ్యం ప్రశ్నార్థకం.
- టికెట్ ధరలు పెంచకుంటే కలెక్షన్లపై ప్రభావం చూపే అవకాశం ఉందని విశ్లేషకులు.
రామ్ చరణ్ హీరోగా వస్తున్న ‘పెద్ది’ సినిమాకు తెలంగాణ హైకోర్టు తాజా ఆదేశాలు షాక్ ఇచ్చాయి. టికెట్ ధరల పెంపుపై కోర్టు ఆంక్షలు విధించడంతో సినిమా విడుదలపై అనిశ్చితి నెలకొంది. నిర్మాతలు ఇప్పుడు ఏం నిర్ణయం తీసుకుంటారో చూడాలి.
హైకోర్టు ఆదేశాలతో పెద్ది సినిమాకు చిక్కులు
Peddi Release: తెలంగాణ హైకోర్టు తాజాగా ఇచ్చిన ఆదేశాలు సినిమా ఇండస్ట్రీలో పెద్ద చర్చకు దారితీశాయి. ముఖ్యంగా పెద్ది సినిమా ఇప్పుడు కష్టాల్లో పడిందనే టాక్ వినిపిస్తోంది. ఈ సినిమా హీరో రామ్ చరణ్.. కావడంతో అంచనాలు చాలా ఎక్కువగా ఉన్నాయి.
ఈ క్రమంలో హైకోర్టు తాజా నిర్ణయం కొన్ని అనుమానాలకి దారి తీస్తోంది. హై కోర్టు తాజా ఆదేశాలు మేరకు.. సినిమా విడుదలకు కనీసం 90 రోజులు ముందే టికెట్ ధరలు పెంచే అనుమతులు ఇవ్వాలి. చివరి నిమిషంలో లేదా అర్ధరాత్రి జీఓలు ఇవ్వడానికి.. ఇకపై అవకాశం లేదని కోర్టు తేల్చి చెప్పింది. ఈ నిర్ణయంతో ఏప్రిల్ 19కి ముందు విడుదలయ్యే సినిమాలకు టికెట్ ధరలు పెంచుకునే ఛాన్స్ ఉండదు.
పెద్ది సినిమా మార్చి 27న విడుదల కావాల్సి ఉంది. అంటే హైకోర్టు ఆదేశాల ప్రకారం ఈ సినిమాకు తెలంగాణలో టికెట్ ధరలు పెంచే అవకాశం లేదు. భారీ బడ్జెట్తో తెరకెక్కిన సినిమాలకు టికెట్ హైక్ చాలా కీలకం. అదే డబ్బుతో నిర్మాతలు ఖర్చులు రికవర్ అవుతాయి. ఇప్పుడు ఆ అవకాశం లేకపోవడం వల్ల నిర్మాతలు టెన్షన్లో ఉన్నారు.
టికెట్ ధరల పెంపుపై సందిగ్ధత
ఇప్పటికే పెద్ది సినిమా మీద మంచి బజ్ ఉంది. ‘చికిరి’ అనే పాట ప్రేక్షకులను బాగా ఆకట్టుకుంది. ట్రేడ్ వర్గాల్లో ఈ సినిమాకు పాన్ ఇండియా స్థాయిలో మార్కెట్ ఉంటుందని అంచనా వేస్తున్నారు. కానీ టికెట్ ధరలు పెరగకపోతే మొదటి రోజు కలెక్షన్లపై ప్రభావం పడే అవకాశం ఉందని భావిస్తున్నారు.
ఇలాంటి పరిస్థితుల్లో నిర్మాతల ముందు రెండు మార్గాలు ఉన్నాయి. ఒకటి… ఎలాంటి టికెట్ హైక్ లేకుండా నిర్ణయించిన తేదీకే సినిమాను విడుదల చేయడం. రెండోది… సినిమా రిలీజ్ను వాయిదా వేసి, టికెట్ ధరలు పెంచుకునే అవకాశం ఉన్న సమయాన్ని చూసుకోవడం. అయితే సినిమా వాయిదా వేస్తే ఇప్పటివరకు వచ్చిన హైప్ తగ్గిపోతుందేమో అనే భయం కూడా ఉంది.
ఇంకో సమస్య ఏమిటంటే… మార్చి 19న ధురంధర్ 2 విడుదల కావడం. ఆ సినిమాకు కూడా భారీ క్రేజ్ ఉంది. దానికి కేవలం వారం రోజుల్లోనే పెద్ది వస్తే క్లాష్ అవుతుందనే అభిప్రాయం వినిపిస్తోంది. అందుకే నిర్మాతలు ఒకటి రెండు నెలలు సినిమాను వాయిదా వేసే అవకాశం ఉందని ఇండస్ట్రీలో టాక్ నడుస్తోంది.
నిర్మాతల ముందున్న ప్రత్యామ్నాయాలు
మొత్తానికి.. తెలంగాణ హైకోర్టు నిర్ణయం వల్ల పెద్ది సినిమా భవిష్యత్తుపై అనిశ్చితి నెలకొంది. ఇప్పుడు నిర్మాతలు ఏ నిర్ణయం తీసుకుంటారో చూడాలి.
తెలంగాణ హైకోర్టు నిర్ణయం పెద్ది సినిమా భవిష్యత్తును ప్రశ్నార్థకం చేసింది. నిర్మాతలు టికెట్ ధరల విషయంలో ఎలాంటి నిర్ణయం తీసుకుంటారో వేచి చూడాలి. సినిమా విడుదల వాయిదా పడుతుందా లేదా అనేది ఆసక్తికరంగా మారింది.
