📌 Key Points
- సల్మాన్ ఖాన్ తన దశాబ్దాల నివాసం గెలాక్సీ అపార్ట్మెంట్స్ను వీడనున్నారు.
- లారెన్స్ బిష్ణోయ్ గ్యాంగ్ బెదిరింపులు, భద్రతా కారణాలు ప్రధానం.
- తల్లి పేరు మీద ఉన్న స్థలంలో ఆరు అంతస్తుల కొత్త భవనం నిర్మిస్తున్నారు.
- ప్రభుత్వం ‘వై ప్లస్’ కేటగిరీ భద్రతను కల్పించింది.
బాలీవుడ్ స్టార్ సల్మాన్ ఖాన్ తన ప్రాణప్రదమైన గెలాక్సీ అపార్ట్మెంట్స్ను వీడనున్నారనే వార్త సంచలనం రేపుతోంది. లారెన్స్ బిష్ణోయ్ గ్యాంగ్ బెదిరింపులు, భద్రతా కారణాల దృష్ట్యా ఆయన తన కుటుంబంతో కలిసి కొత్త ఇంటికి మారబోతున్నారు. ఈ నిర్ణయం వెనుక ఉన్న పూర్తి వివరాలు తెలుసుకుందాం.
సల్మాన్ ఖాన్ ఇల్లు మారడానికి కారణం?
Salman Khan:బాలీవుడ్ భాయ్జాన్ సల్మాన్ ఖాన్ దశాబ్దాలుగా ఉంటున్న తన ప్రాణప్రదమైన ‘గెలాక్సీ అపార్ట్మెంట్స్’ను త్వరలోనే వీడనున్నారనే వార్తలు బాలీవుడ్లో హాట్ టాపిక్గా మారాయి. ముంబై బాంద్రాలో తన తల్లి సల్మా ఖాన్ పేరు మీద ఉన్న స్థలంలో ఆరు అంతస్తుల కొత్త భవనం నిర్మించుకునేందుకు సల్మాన్ అనుమతి పొందారు. లారెన్స్ బిష్ణోయ్ గ్యాంగ్ బెదిరింపులు, భద్రతా కారణాల దృష్ట్యా సల్మాన్ తన ఫ్యామిలీతో కలిసి ఈ కొత్త ఇంటికి మారబోతున్నారని సమాచారం.ఆ వివరాలు చూద్దాం..
1974 నుంచి సల్మాన్ ఖాన్ కుటుంబం ముంబై బాంద్రాలోని గెలాక్సీ అపార్ట్మెంట్స్లోనే ఉంటోంది. ఆ భవనంలో పై అంతస్తుల్లో తల్లిదండ్రులు ఉంటుంటే, గ్రౌండ్ ఫ్లోర్లోని ఓ చిన్న ఫ్లాట్లో సల్మాన్ ఎంతో సింపుల్గా జీవిస్తున్నారు. ఆ ఇల్లు అంటే ఆయనకు ఎంతో సెంటిమెంట్. ఇక పండుగలొచ్చినా, పుట్టినరోజు వచ్చినా అక్కడి బాల్కనీ నుంచే అభిమానులకు అభివాదం చేస్తుంటారు. అలాంటి సెంటిమెంట్ ఇంటిని ఇప్పుడు సల్మాన్ వదిలి వెళ్లడం అందరికీ ఆశ్చర్యం కలిగిస్తోంది.
గెలాక్సీ అపార్ట్మెంట్స్తో సల్మాన్ బంధం
గెలాక్సీ అపార్ట్మెంట్స్కి కొద్ది దూరంలోనే సల్మాన్ తల్లి సల్మా ఖాన్ పేరు మీద ఒక స్థలం ఉంది. అక్కడ ఉన్న పాత భవనాన్ని కూల్చేసి, గ్రౌండ్ ఫ్లోర్, పార్కింగ్ సహా ఆరు అంతస్తుల కొత్త భవనం నిర్మించడానికి మహారాష్ట్ర ప్రభుత్వ అధికారుల నుంచి ఇటీవల అనుమతులు లభించాయి. ఇక ఎలాంటి పర్యావరణ ఇబ్బందులు లేకుండా ఈ కొత్త ఇల్లు రూపుదిద్దుకోబోతోంది. నిర్మాణ పనులు పూర్తయిన తర్వాత ఖాన్ ఫ్యామిలీ మొత్తం అక్కడికే షిఫ్ట్ అవుతారని ఇండస్ట్రీ టాక్.
కొత్త ఇంటి నిర్మాణం, భద్రతా ఏర్పాట్లు
సల్మాన్ ఉన్నట్టుండి ఇల్లు మారడానికి ప్రధాన కారణం భద్రతేనని స్పష్టమవుతోంది. కొద్ది రోజుల క్రితం గెలాక్సీ అపార్ట్మెంట్స్ బయట లారెన్స్ బిష్ణోయ్ గ్యాంగ్ సభ్యులు బహిరంగంగా కాల్పులు జరపడం సంచలనం రేపింది. ఆ ఘటన తర్వాత సల్మాన్కు ప్రభుత్వం ‘వై ప్లస్’ కేటగిరీ భద్రతను కల్పించింది. ఇక గెలాక్సీ అపార్ట్మెంట్స్ జనసంచారం ఎక్కువగా ఉండే మెయిన్ రోడ్డుపై ఉండటంతో భద్రతాపరంగా రిస్క్ ఎక్కువని, అందుకే ప్రశాంతంగా, సేఫ్గా ఉండే కొత్త ఇంటికి మారాలని ఆయన ఈ నిర్ణయం తీసుకున్నట్లు సమాచారం.
ఎంత పెద్ద స్టార్ అయినా ప్రాణ రక్షణ అనేది ఎవరికైనా ముఖ్యమే. అభిమానుల పట్ల ఉన్న ప్రేమతో, సెంటిమెంట్తో ఇన్నాళ్లు అదే పాత ఇంట్లో ఉన్న సల్మాన్, పరిస్థితుల ప్రభావం వల్లే ఇప్పుడు కొత్త ఇంటికి మారక తప్పడం లేదు.ముఖ్యంగా ఎంతకాలం ఈ నరకం అంటూ ఫ్యాన్స్ కూడా కామెంట్స్ చేస్తున్నారు. ఇది ఏమైనా ఆయన ఎక్కడ ఉన్నా సేఫ్గా ఉండాలని, ఈ కొత్త ఇల్లు ఆయనకు మరింత ప్రశాంతతను ఇవ్వాలని ఫ్యాన్స్ కోరుకుంటున్నారు.
అభిమానులకు ఎంతో సెంటిమెంట్ అయిన గెలాక్సీ అపార్ట్మెంట్స్ను సల్మాన్ వీడటం బాధాకరమే అయినా, ప్రాణ రక్షణకు ప్రాధాన్యత ఇవ్వడం అనివార్యం. కొత్త ఇల్లు ఆయనకు మరింత భద్రతను, ప్రశాంతతను చేకూర్చుతుందని ఆశిద్దాం.
