దుబాయ్లో జరిగిన సైమా 2025 అవార్డుల వేడుకలో పుష్ప 2 సినిమాకు అవార్డుల వరద పారింది. ఈ వేడుకలోనే ప్రముఖ దర్శకుడు సుకుమార్ అనూహ్యమైన ప్రకటన చేశారు. పుష్ప 3 త్వరలోనే వస్తుందని ఆయన ప్రకటించడంతో అభిమానులు ఉల్లాసంగా ఉన్నారు.
Key Points
సుకుమార్ సైమా అవార్డుల వేడుకలో పుష్ప 3 ఖచ్చితంగా వస్తుందని ప్రకటించారు.
పుష్ప 2: ది రూల్ సినిమాకు అనేక అవార్డులు లభించాయి.
పుష్ప 3 షూటింగ్ ప్రారంభ తేదీ, కథాంశం ఇంకా వెల్లడించబడలేదు.
అల్లు అర్జున్ మరియు సుకుమార్ ఇతర ప్రాజెక్టులలో బిజీగా ఉన్నారు.
సైమా అవార్డుల వేడుకలో పుష్ప 2 విజయం
సైమా 2025 అవార్డుల వేడుక దుబాయ్లో భారీగా జరిగింది. ఈ సందర్భంగా సౌత్ నుంచి పెద్ద పెద్ద స్టార్లు ఇందులో సందడి చేశారు. ఈక్రమంలో ఎన్నో సినిమా, మరెంతో మంది స్టార్స్ సైమా అవార్డ్స్ అందుకున్నారు. ఈక్రమంలో పుష్ప 2: ది రూల్ సినిమాకు అవార్డుల పంట పండింది. ఎన్నో విభాగాల్లో నామినేషన్లు సాధించింది. ఫలితంగా ఈ సినిమా ఐదు విభాగాల్లో అవార్డులు దక్కించుకుంది:
ఉత్తమ నటుడు: అల్లు అర్జున్
ఉత్తమ సంగీత దర్శకుడు: దేవి శ్రీ ప్రసాద్
సుకుమార్ చేసిన సంచలన ప్రకటన
ఉత్తమ గాయకుడు: శంకర్ మహాదేవన్
ఐకాన్ స్టార్ అల్లు అర్జున్ అభిమానులు ఎంతో ఆసక్తిగా ఎదురుచూస్తున్న వార్తకు సైమా 2025 అవార్డుల వేడుక వేదికైంది. ప్రముఖ దర్శకుడు సుకుమార్, ఈ వేడుకలో పాల్గొని పుష్ప సిరీస్కు సంబంధించి ఎంతో కీలక ప్రకటన చేశారు. “పుష్ప 3 కచ్చితంగా వస్తుంది” అని ఆయన వేదికపై నుండి అధికారికంగా ప్రకటించారు. ఈ ప్రకటనతో గత కొంతకాలంగా పుష్ప 3 సినిమాపై కొనసాగుతున్న అనుమానాలకు తెరపడినట్లయింది. ఇప్పటివరకు పుష్ప 3 గురించి కొన్ని ప్రచారాలే బయటకు వచ్చాయి. “Pushpa 3: The Rampage” అనే టైటిల్తో ఓ పోస్టర్ మినహా, ప్రాజెక్ట్పై ఎలాంటి స్పష్టత లేకపోవడంతో అభిమానుల్లో ఎన్నో అనుమానాలు ఏర్పడ్డాయి. అయితే ఇప్పుడు సుకుమార్ ప్రకటనతో సినిమాపై స్పష్టత వచ్చింది.
పుష్ప 3 విడుదల తేదీ మరియు కథాంశం
దర్శకుడు సుకుమార్, ఉత్తమ దర్శకుడిగా అవార్డు స్వీకరించిన అనంతరం పుష్ప ఫ్రాంచైజీపై స్పష్టతనిచ్చారు. “పుష్ప 3 కచ్చితంగా ఉంటుంది” అని ఆయన వేదికపై ప్రకటించడంతో, అల్లు అర్జున్ అభిమానుల హర్షం మిన్నంటింది. పుష్ప సిరీస్ మొదటి భాగం “పుష్ప: ది రైజ్” 2021లో విడుదలై దేశవ్యాప్తంగా సంచలనం సృష్టించింది. ఆ తర్వాతి భాగమైన “పుష్ప 2: ది రూల్” 2024లో భారీ అంచనాల మధ్య విడుదలై కలెక్షన్ల పరంగా రికార్డులు సృష్టించింది. ఇప్పుడు, సుకుమార్ అధికారిక ప్రకటనతో పుష్ప 3 కూడా తెరపైకి వస్తుండడం సినిమా పరిశ్రమలో ఆసక్తికరంగా మారింది.
ఈ నేపథ్యంలో, పుష్ప 3 సినిమా స్క్రిప్ట్ పనులు ఇప్పటికే ప్రారంభమయ్యాయా? ఎప్పుడు షూటింగ్ మొదలవుతుంది? కథ ఎలా ఉండబోతోంది? అన్న విషయాల్లో ఇంకా అధికారిక సమాచారం అందాల్సి ఉంది. సుకుమార్ రామ్ చరణ్ తో ఓ సినిమాచేయబోతున్నాడు, అటు అల్లు అర్జున్ అట్లీతో భారీ బడ్జెట్ సినిమా చేస్తున్నాడు. దాంతో ఇప్పట్లో ఈ సినిమా పట్టాలెక్కుతుందా అన్న డౌట్ మాత్రం ఫ్యాన్స్ లో ఉంది. అయితే, దర్శకుడు స్వయంగా ఇచ్చిన హామీతో పుష్ప 3పై అభిమానుల్లో నమ్మకం ఏర్పడినట్టు అయ్యింది. అయితే పుష్ప 3కు సంబంధించిన మరిన్ని అప్డేట్స్పై అభిమానులు ఆసక్తిగా ఎదురుచూస్తున్నారు. ఇక “పుష్ప: ది ర్యాంపేజ్” టైటిల్తోనే మూడో భాగం వస్తుందా లేక కొత్త టైటిల్తో రానుందా అనే దానిపై కూడా సస్పెన్స్ కొనసాగుతోంది.
సుకుమార్ గారి ప్రకటనతో పుష్ప 3 పట్ల అభిమానుల ఆసక్తి మరింత పెరిగింది. అయితే, షూటింగ్ ప్రారంభం ఎప్పుడు అనేది ఇంకా తెలియాల్సి ఉంది. సినిమా విడుదలకు ఇంకా సమయం పట్టే అవకాశం ఉంది.
