చరణ్ స్టెప్పులకు ఫిదా! ‘రై రై రా రా’ పాటకు దుమ్మురేపిన స్కూల్ పాప వీడియో వైరల్!

Published: 10-03-2026, 2:05 PM

📌 Key Points

రామ్ చరణ్ ‘రై రై రారా’ పాటకు ఓ స్కూల్ పాప అద్భుతమైన స్టెప్పులు వేసింది.
చిన్నారి హనీ శివానీ డ్యాన్స్‌కు నెటిజన్లు ఫిదా అవుతున్నారు, ప్రశంసలు కురిపిస్తున్నారు.
ఫ్యూచర్‌లో హనీ మంచి కొరియోగ్రాఫర్ అవుతుందని మెగా అభిమానులు కామెంట్ చేస్తున్నారు.
‘పెద్ది’ సినిమా ఏప్రిల్ 30న విడుదల కానుండగా, ప్రమోషన్స్‌లో భాగంగా ఈ పాట వైరల్ అవుతోంది.

మెగా పవర్ స్టార్ రామ్ చరణ్ నటిస్తున్న ‘పెద్ది’ సినిమాలోని ‘రై రై రారా’ పాటకు ఓ స్కూల్ పాప అద్భుతంగా డ్యాన్స్ చేసింది. ఆ పాప వేసిన స్టెప్పులు ఇప్పుడు సోషల్ మీడియాలో వైరల్ అవుతున్నాయి.

‘రై రై రారా’ పాటకు స్కూల్ పాప డ్యాన్స్

Peddi Song: మెగా పవర్ స్టార్ రామ్ చరణ్ (Mega Power Star Ram Charan), బాలీవుడ్ బ్యూటీ జాన్వీ కపూర్ హీరోహీరోయిన్లుగా, ‘ఉప్పెన’ ఫేమ్ బుచ్చిబాబు సానా (Buchi Babu Sana) దర్శకత్వంలో రూపుదిద్దుకుంటున్న చిత్రం ‘పెద్ది’ (Peddi). ఈ సినిమాపై ఎలాంటి అంచనాలు ఉన్నాయో ప్రత్యేకంగా చెప్పాల్సిన అవసరం లేదు. ఏప్రిల్ 30న ఈ సినిమాను విడుదల చేసేందుకు మేకర్స్ సన్నాహాలు చేస్తున్నారు. ఇప్పటికే ఒకసారి వాయిదా పడిన ఈ సినిమాపై, మరోసారి వాయిదా అంటూ వార్తలు వచ్చినా, మేకర్స్ మాత్రం ఏప్రిల్ 30వ తేదీనే సినిమా రిలీజ్ అంటూ పదే పదే ప్రకటిస్తున్నారు. మరోవైపు ‘పెద్ది’ ప్రమోషన్స్‌ని కూడా మేకర్స్ స్టార్ట్ చేశారు. ప్రస్తుతం జరుగుతున్న మ్యూజిక్ ప్రమోషన్స్‌లో భాగంగా ఇప్పటికే వచ్చిన ‘చికిరి చికిరి’ సాంగ్ రికార్డులను క్రియేట్ చేయగా, తాజాగా వచ్చిన సెకండ్ సాంగ్ (Peddi Song) ‘రై రై రారా’ (Rai Rai Raa Raa) కూడా రికార్డుల దిశగా దూసుకెళుతోంది.

ఇందులో రామ్ చరణ్ డ్యాన్స్, రెహమాన్ గాత్రం, కెమెరా అన్నీ హైలెట్‌గా నిలుస్తున్నాయి. ఇక హుక్ స్టెప్ గురించి చెప్పేదేముంది. అదొక ఛాలెంజ్‌గా తీసుకుంటూ అందరూ బీభత్సంగా రీల్స్ చేస్తున్నారు. ఈ క్రమంలో రామ్ చరణ్‌ని ఎవరు మ్యాచ్ చేయలేకపోతున్నారు. జానీ మాస్టర్ కంపోజ్ చేసిన స్టెప్స్ అలా ఉన్నాయి మరి. ఈ క్రమంలో, ఏపీలోని ప్రభుత్వ పాఠశాలలో చదివే ఓ చిన్నారి, దాదాపు రామ్ చరణ్‌ని ఈ హుక్ స్టెప్ విషయంలో మ్యాచ్ చేసినంత పని చేసింది. అవును, ‘రై రై రారా’ హుక్ స్టెప్‌ని ఈ పాప వేసిన తీరుకు అంతా ఫిదా అవుతున్నారు. డ్యాన్స్ ఇనిస్టిట్యూట్స్ నడిపే వాళ్లే, సేమ్ టు సేమ్ మ్యాచ్ చేయడానికి నానా కష్టాలు పడుతుంటే, స్కూల్ పాప (పేరు హనీ శివానీ అని అంటున్నారు) మాత్రం ఈజీగా మ్యాచ్ చేసేసిందంతే.

చిన్నారి టాలెంట్ చూసి ఫిదా అవుతున్న నెటిజన్లు

ఇప్పుడీ వీడియోను షేర్ చేస్తూ.. పాపపై మెగా ఫ్యాన్స్ ప్రశంసల వర్షం కురిపిస్తున్నారు. కచ్చితంగా ఫ్యూచర్‌లో మంచి కొరియోగ్రాఫర్ అవుతుందనేలా కామెంట్స్ చేస్తున్నారు. ఈ వీడియోను రామ్ చరణ్, బుచ్చిబాబులకు వెళ్లే వరకు షేర్ చేయాలంటూ నెటిజన్లే కోరుతుండటం విశేషం. ఇక ఈ సినిమా రామ్ చరణ్ కెరీర్‌కు ఎంతో కీలకమనే విషయం తెలియంది కాదు. ఇంతకు ముందు వచ్చిన ‘గేమ్ చేంజర్’ మూవీ అనుకున్నంతగా సక్సెస్ కాలేకపోవడంతో, ‘పెద్ది’తో ఎలాగైనా బ్లాక్ బస్టర్ కొట్టి.. మరోసారి తన సత్తా చాటాలని రామ్ చరణ్ చూస్తున్నారు. ఈ సినిమా గురించి తెలిసిన వారంతా.. ఈసారి రామ్ చరణ్ కొట్టే దెబ్బకు బాక్సాఫీస్ షేక్ అవుతుందనేలా, రియాక్ట్ అవుతుండటం చూసి.. ఫ్యాన్స్ ఆనందానికి అవధులు లేవంటే నమ్మాలి. చూద్దాం.. మరి ఏం జరుగుతుందో?

ఏప్రిల్ 30న విడుదల కానున్న ‘పెద్ది’ సినిమా

— బాటసారి🚶 🚩 (@chakravarthi__) March 10, 2026

చివరిగా, హనీ శివానీ టాలెంట్ చూస్తుంటే భవిష్యత్తులో ఆమె మంచి కొరియోగ్రాఫర్ అవుతుందనడంలో సందేహం లేదు. రామ్ చరణ్, బుచ్చిబాబు ఈ వీడియో చూస్తే ఆమెను తప్పకుండా ప్రోత్సహిస్తారని ఆశిద్దాం.