తెలుగు, తమిళ చిత్రాల నటి శృతి హాసన్ తాజాగా సోషల్ మీడియాకు దూరంగా ఉండాలని నిర్ణయించుకున్నారు. ‘కూలీ’ సినిమా విడుదల సందర్భంగా ఈ నిర్ణయం తీసుకోవడం ఆసక్తికరం.
Key Points
శృతి హాసన్ సోషల్ మీడియాకు బ్రేక్ ఇస్తున్నారు.
కూలీ సినిమా ప్రమోషన్లకు దూరంగా ఉంటున్నారు.
ఇన్స్టాగ్రామ్ పోస్ట్ చర్చనీయాంశంగా మారింది.
ట్విట్టర్ అకౌంట్ హ్యాక్ అయిన సంఘటన నేపథ్యం.
శృతి హాసన్ యొక్క సోషల్ మీడియా బ్రేక్
కోలీవుడ్ స్టార్ హీరో శృతి హాసన్(Shruti Haasan) అందరికీ సుపరిచితమే. ఈ అమ్మడు తెలుగు, తమిళ చిత్రాల్లో నటిస్తూ ఫుల్ పాపులారిటీ దక్కించుకుంది. ఎన్నో హిట్స్ తన ఖాతాలో వేసుకున్న ఈ భామ సోషల్ మీడియాలోనూ విపరీతమైన పాపులారిటీ దక్కించుకుంది. నిత్యం తన హాట్ ఫొటోలు షేర్ చేస్తూ అభిమానులకు దగ్గరగా ఉంటుంది. ఇదిలా ఉంటే.. తాజాగా, శృతి హాసన్ ఇన్స్టాగ్రామ్ ద్వారా ఓ షాకింగ్ పోస్ట్ పెట్టింది. తాను కొన్ని రోజుల పాటు సోషల్ మీడియాకు దూరంగా ఉండాలని నిర్ణయించుకున్నట్లు వెల్లడించింది.
కూలీ సినిమా ప్రమోషన్స్
తన ఫాలోవర్స్ను ఉద్దేశించి ఓ పోస్ట్ పెట్టడంతో అది కాస్త నెట్టింట చర్చనీయాంశంగా మారింది. కొన్ని రోజులు సోషల్ మీడియాకు దూరంగా ఉండి నిశ్శబ్దాన్ని ఆస్వాదించాలనుకుంటున్నట్లు తెలిపింది. అయితే ఇటీవల ఈ అమ్మడు ట్విట్టర్ అకౌంట్ హ్యాక్ అయిన విషయం తెలిసిందే. తన అకౌంట్ను రికవరీ చేసుకున్నట్లు వెల్లడించలేదు. ఈ నేపథ్యంలోనే ఆమె సోషల్ మీడియాకు బ్రేక్ తీసుకోబోతున్నట్లు ప్రకటించడంతో అంతా షాక్ అవుతున్నారు. అసలు కారణం ఏంటో అర్థం కాక తలలు పట్టుకున్నారు. ఇదిలా ఉంటే.. శృతి నటిస్తున్న ‘కూలీ’(Coolie) ఆగస్టు 14న విడుదల కాబోతున్న విషయం తెలిసిందే.
ట్విట్టర్ హ్యాక్ నేపథ్యం
ఈక్రమంలో.. ఆమె ప్రమోషన్స్ చేయకుండా సోషల్ మీడియాకు బ్రేక్ ఇవ్వాలని నిర్ణయించుకున్నట్లు ప్రకటించి అందరినీ ఆశ్చర్యానికి గురి చేసింది. కాగా, ఈ చిత్రంలో కోలీవుడ్ సూపర్ స్టార్ రజినీకాంత్(Rajinikanth) హీరోగా నటిస్తుండగా.. లోకేష్ కనగరాజ్ దర్శకత్వం వహిస్తున్నారు. ఈ సినిమాను సన్ పిక్చర్స్ బ్యానర్పై కళానిధి మారన్ నిర్మిస్తున్నారు. ఇక ఇందులో అక్కినేని నాగార్జున, ఉపేంద్ర, సత్యరాజ్, సౌబిన్ షాహిర్ కీలక పాత్రలో కనిపించనున్నారు. అయితే ‘కూలీ’ మూవీపై ప్రేక్షకుల్లో భారీ అంచనాలు నెలకొన్నాయి.
శృతి హాసన్ యొక్క సడన్ నిర్ణయం అభిమానులను ఆశ్చర్యపరిచింది. కూలీ సినిమా విజయవంతం కావాలని ఆమె అభిమానులు కోరుకుంటున్నారు.
