📌 Key Points
- ప్రముఖ నటి వాలెరీ పెర్రిన్ కన్నుమూశారు.
- గత పదేళ్లుగా పార్కిన్సన్స్ వ్యాధితో బాధపడుతున్న వాలెరీ.
- సూపర్ మ్యాన్, లెన్నీ చిత్రాలతో ప్రపంచవ్యాప్తంగా గుర్తింపు.
- ఆమె మృతికి సినీ ప్రముఖులు సంతాపం తెలిపారు.
చిత్ర పరిశ్రమలో మరో విషాదం చోటు చేసుకుంది. సూపర్ మ్యాన్ నటి వాలెరీ పెర్రిన్ పార్కిన్సన్స్ వ్యాధితో కన్నుమూశారు. ఆమె మృతికి సినీ ప్రముఖులు సంతాపం తెలుపుతున్నారు. ఆమె కుటుంబానికి ప్రగాఢ సానుభూతి తెలియజేస్తున్నారు.
వాలెరీ పెర్రిన్ మరణం
Film industry:చిత్రం పరిశ్రమలో మరోసారి విషాద ఛాయలు నెలకొన్నాయి . ఆదివారం ఉదయం ప్రముఖ సీనియర్ హీరోయిన్ భానుప్రియ తల్లి ఎం లక్ష్మి గుండెపోటుతో మరణించారు. ఆమె మరణాన్ని అభిమానులు జీర్ణించుకోక ముందే ఇప్పుడు మరో నటి కన్నుమూశారు. సూపర్ మ్యాన్, లెన్నీ వంటి చిత్రాలతో ప్రపంచ స్థాయిలో గుర్తింపు సొంతం చేసుకున్న ప్రముఖ నటి వాలెరీ పెర్రిన్ కన్నుమూశారు. గత పదేళ్లుగా ఆమె పార్కిన్సన్స్ అనే వ్యాధితో బాధపడుతూ.. నేడు తుది శ్వాస విడిచింది. ముఖ్యంగా ఆరోగ్య పరిస్థితి క్షీణించడంతోనే ఆమె స్వర్గస్తురాలు అయినట్లు సమాచారం.
ఇకపోతే ఈ విషయాన్ని ఆమె భాగస్వామి స్టేసీ సౌతర్ సోషల్ మీడియా ద్వారా ధ్రువీకరించారు. “ఆమె లేని ఈ ప్రపంచం వెలవెలబోయినట్లు అనిపిస్తోంది” అంటూ ఆయన తెలిపారు. వాలేరి 2015 నుంచి ఈ వ్యాధితో బాధపడుతుండగా ఇది క్రమంగా ఆమె కదలికలు , మాట తీరుపై ప్రభావం చూపింది. పరిస్థితి మరింత విషమం కావడంతో ఆమె తుది శ్వాస విడిచింది. వాలెరీ పెరిన్ మరణంతో అభిమానులు తీవ్ర దిగ్బ్రాంతి వ్యక్తం చేస్తున్నారు. పలువురు సినీ ప్రముఖులు ఆమె మృతి పట్ల సంతాపం వ్యక్తం చేస్తూ ఆమె కుటుంబానికి ప్రగాఢ సానుభూతి తెలియజేస్తున్నారు.
పార్కిన్సన్స్ తో పోరాటం
వాలెరీ పెర్రిన్ 1943 సెప్టెంబర్ 3న టెక్సాస్ లోని గాల్వెస్టన్ లో జన్మించారు .ఈమె తల్లి విన్నీ ఫ్రెడ్.. ఒక నర్తకి ఈమె తండ్రి కెన్నెత్.. యూఎస్ సైన్యంలో లెఫ్ట్నెంట్ కల్నల్ గా పనిచేశారు. ఇకపోతే ఈయన వృత్తిరీత్యా పలు ప్రదేశాలకు మారడం వల్ల అటు వాలెరీ కూడా అనేక ప్రదేశాలలో నివసించి తన విద్యాభ్యాసాన్ని పూర్తి చేశారు.
ఈమె వ్యక్తిగత జీవిత విషయానికి వస్తే.. లాస్ వేగాస్ లో నివసిస్తున్నప్పుడు తుపాకీ కలెక్టర్ అలాగే దిగుమతిదారు అయిన బిల్ హార్మన్ తో నిశ్చితార్థం చేసుకుంది. అయితే 1969 జనవరిలో వివాహానికి నెలరోజుల ముందే అతడు తుపాకీ ప్రమాదంలో మరణించాడు.
సినీ ప్రముఖుల సంతాపం
ఇకపోతే ఈమె 2015లోనే ఈ పార్కిన్సన్స్ వ్యాధికి గురైనట్లు నిర్ధారణ అయింది..ఇక అప్పటి నుంచి ఎన్నో రకాల చికిత్సలు తీసుకుంది. ఈ వ్యాధి నయం కోసం తీసుకున్న మందుల కారణంగా దంతాలు దెబ్బ తినడంతో వాటిని పునరుద్ధరించడానికి 2017 దంత శస్త్ర చికిత్స కూడా చేయించుకుంది. కానీ ఇన్నేళ్ల పోరాటం తర్వాత ఆరోగ్యం మరింత క్షీణించడంతో బెవెర్లీ హిల్స్లోని తన ఇంట్లో తుది శ్వాస విడిచింది.
వాలెరీ పెర్రిన్ మరణం సినీ పరిశ్రమకు తీరని లోటు. ఆమె నటన ఎప్పటికీ గుర్తుండిపోతుంది. ఆమె ఆత్మకు శాంతి చేకూరాలని ప్రార్థిస్తూ, ఆమె కుటుంబానికి మన ప్రగాఢ సానుభూతి తెలియజేద్దాం.
