ఐటెం సాంగ్స్కు పేరుగాంచిన తమన్నా, ‘జైలర్’ చిత్రంలోని ‘వా నువ్వు కావాలయ్యా’ పాటతో మరోసారి అలరించింది. ఈ పాట అనూహ్యమైన విజయాన్ని సాధించింది. తాజాగా ‘జైలర్ 2’లో ఆమె క్యామియో పాత్రలో నటించే అవకాశం ఉందని వార్తలు వస్తున్నాయి.
Key Points
తమన్నా 'జైలర్' చిత్రంలోని 'వా నువ్వు కావాలయ్యా' పాటతో అద్భుతమైన విజయాన్ని అందుకుంది.
'జైలర్ 2' చిత్రంలో తమన్నా క్యామియో పాత్రలో నటించే అవకాశం ఉంది.
'నువ్వు కావాలయ్యా 2.0' పాట త్వరలో విడుదల కానుంది అని అభిమానులు అంచనా వేస్తున్నారు.
రజనీకాంత్, మోహన్ లాల్, బాలకృష్ణ నటించే 'జైలర్ 2' చిత్రం కేరళలో షూటింగ్ జరుపుకుంటోంది.
తమన్నా ఐటెం సాంగ్స్లో సత్తా
ఐటెం సాంగ్స్కు కేరాఫ్ అడ్రస్గా మారిన బ్యూటీ తమన్నా అని చెప్పవచ్చు. చాలామంది అగ్ర కథానాయికలు ఐటమ్ సాంగ్స్లో నటిస్తున్నా, తమన్నా నటిస్తున్న ఐటమ్ సాంగ్స్లో ఉండే మజానే వేరు. అది తెలుగు, తమిళం, హిందీ ఏ భాషలో అయినా కావచ్చు ఆమె చేసే డాన్స్లో ఉండే కిక్కే వేరు. ఇటీవల హిందీ చిత్రం ‘ స్త్రీ 2’ లో తమన్నా నటించిన ప్రత్యేక పాట ఆ చిత్రానికే హైలెట్ అయింది. కాగా ఆ మధ్య తమిళంలో రజనీకాంత్ కథానాయకుడుగా నటించిన జైలర్ చిత్రంలో ‘ వా నువ్వు కావాలయ్యా ‘ అనే ప్రత్యేక పాటలో తమన్నా డాన్స్ తీసుకొచ్చిన క్రేజ్ అంతా ఇంతా కాదు. ఏకంగా ఈ సాంగ్ ఆడియో , వీడియో కలిపి 500 మిలియన్లకు పైగా వ్యూస్ సాధించింది .
‘జైలర్’ సక్సెస్కు తమన్నా సహకారం
తాజాగా జైలర్ – 2 చిత్రం కోసం నువ్వు కావాలయ్యా 2.ఓ పాట లోడింగ్ అవుతున్నట్లు తెలిసింది. కూలీ చిత్రాన్ని పూర్తి చేసిన రజనీకాంత్ .. ప్రస్తుతం తన కెరీర్కు బూస్ట్ ఇచ్చిన జైలర్ చిత్రానికి సీక్వెల్ పనుల్లో ఆయన బిజీగా ఉన్నారు . నెల్సన్ దర్శకత్వం వహిస్తున్న ఈ చిత్ర షూటింగ్ శరవేగంగా జరుపుకుంటోంది. ప్రస్తుతం జైలర్ – 2 చిత్ర షూటింగ్ కేరళలో జరుగుతోంది. ఈ చిత్రంలో మోహన్లాల్, బాలకృష్ణ కూడా కీలక పాత్ర పోషిస్తున్నట్లు ప్రచారం జరుగుతోంది.
‘జైలర్ 2’లో తమన్నా ఎంట్రీ?
సన్ పిక్చర్స్ సంస్థ నిర్మిస్తున్న ఈ భారీ చిత్రానికి అనిరుద్ సంగీతాన్ని, విజయ్ కార్తీక్ కన్నన్ చాయాగ్రహణం అందిస్తున్నారు. కాగా తమన్నా జైలర్ – 2 చిత్రంలోని క్యామియో పాత్రలో నటించడానికి సిద్ధమవుతున్నట్లు తాజా సమాచారం. దీంతో నువ్వు కావాలయ్యా 2.ఓ లోడింగ్ అవుతోంది అంటూ నెటిజన్లు కామెంట్స్ చేస్తున్నారు.
