తెలుగు హీరోయిన్ తమన్నా ఇటీవల ఇచ్చిన ఇంటర్వ్యూలో తన ఐటమ్ సాంగ్స్ గురించి ఆసక్తికరమైన విషయాలను వెల్లడించింది. స్త్రీ 2 సినిమాలోని తన ఐటమ్ సాంగ్ను చూసి పిల్లలు అన్నం తింటున్నారని తల్లులు చెప్పారని ఆమె పేర్కొంది.
Key Points
తమన్నా ఐటమ్ సాంగ్ చూసి పిల్లలు అన్నం తింటున్నారని తల్లులు చెప్పారు.
స్త్రీ 2 సినిమాలోని ఆజ్ కీ రాత్ సాంగ్కు మంచి ఆదరణ లభించింది.
పిల్లలు సంగీతాన్ని ఆనందిస్తారని తమన్నా అభిప్రాయపడింది.
తమన్నా కామెంట్స్ వైరల్
బ్యూటిపుల్ తమన్నా హీరోయిన్గానే కాకుండా పలు ఐటమ్ సాంగ్స్తో కూడా ఎంతగానో మెప్పించింది. తెలుగు, హిందీ భాషల్లో ఐటమ్ సాంగ్స్తో మంచి క్రేజ్ తెచ్చుకున్న తమన్నా రీసెంట్గా ఇచ్చిన ఓ ఇంటర్వ్యూలో తన సినిమాల ఎంపిక, సాంగ్స్ గురించి మాట్లాడింది.
తాను చేసే సినిమాలు, సాంగ్స్ ప్రేక్షకుల జీవితాలపై ప్రభావం చూపేలా లేదా ప్రభావితం చేసేలా ఉండాలని చెప్పింది తమన్నా భాటియా. లల్లాంటాప్కు ఇచ్చిన ఇంటర్వ్యూలో తమన్నా మాట్లాడుతూ తన ప్రాజెక్టులు కేవలం జీవనోపాధి కోసం చేసేవి మాత్రమే కాదని తెలిపింది.
“ఓ పిల్లాడు తింటూ నా సాంగ్ను చూస్తే.. అలాగే చూడనివ్వండి” అని తమన్నా చెప్పింది. దాంతో ఇంటర్వ్యూ నిర్వహించిన హోస్ట్ “మీరు ఏ సాంగ్ గురించి మాట్లాడుతున్నారు” అని అడగ్గా.. స్త్రీ 2 మూవీలో తాను చేసిన ఐటమ్ సాంగ్ “ఆజ్ కీ రాత్” అని తమన్నా భాటియా బదులు ఇచ్చింది.
స్త్రీ 2 సినిమా విజయం
తమన్నా ఇంకా మాట్లాడుతూ.. “మా బిడ్డ మీ పాట వింటే, చూస్తే తప్పా భోజనం చేయడు అని ఎంతమంది తల్లులు నాకు ఫోన్ చేసి చెప్పారో చెప్పలేను. పిల్లలు నచ్చింది కనిపిస్తే అలాగే చేస్తుంటారుగా” అని తెలిపింది. దానికి హోస్ట్ “ఇది తల్లుల గురించి చింతించాల్సిన విషయమే” అని అన్నారు.
అందుకు తమన్నా .. “తల్లులు చింతించాల్సిన విషయం తమ పిల్లలు సరిగా తింటున్నారా లేదా అని. అది వాళ్ల అసలైన ప్రాధాన్యత. అంతేకానీ ఏ సాంగ్ వింటున్నారు అని కాదు. అయినా ఏడాది వయసు పిల్లలు ఏ లిరిక్స్ను అర్థం చేసుకుంటారు. వాళ్లు మ్యూజిక్ ఎంజాయ్ చేస్తారు. కొన్నిసార్లు మనం సినిమాలను మర్చిపోతాం. కానీ, సాంగ్స్ గుర్తుంచుకుంటాం. ఇది నిజం” అని వివరించింది.
పాటల ప్రభావం
ప్రస్తుతం తమన్నా కామెంట్స్ సోషల్ మీడియా లో వైరల్ అవుతున్నాయి. ఇదిలా ఉంటే, సాహో బ్యూటీ శ్రద్ధా కపూర్ ప్రధాన పాత్రలో నటించిన బ్లాక్ బస్టర్ బాలీవుడ్ హారర్ కామెడీ థ్రిల్లర్ స్త్రీ 2 మూవీలో తమన్నా ఆజ్ కీ రాత్ ఐటమ్ సాంగ్ చేసింది. ఇందులో అదిరిపోయే హాట్ డ్యాన్స్తో కట్టిపడేసింది తమన్నా.
ఈ సాంగ్ సోషల్ మీడియాలో తెగ ట్రెండ్ అయిన విషయం తెలిసిందే. స్త్రీ 2 సినిమాకు మంచి హైప్ తీసుకొచ్చింది తమన్నా భాటియా నర్తించిన ఈ ఆజ్ కీ రాత్ సాంగ్. అమర్ కౌశిక్ దర్శకత్వం వహించిన స్త్రీ 2 రూ. 900 కోట్లు కలెక్ట్ చేసి 2024లో బిగ్గెస్ట్ హిట్ సినిమాల్లో ఒకటిగా నిలిచింది.
తమన్నా ఇచ్చిన ఈ కామెంట్స్ సోషల్ మీడియాలో వైరల్గా మారాయి. పిల్లల మీద సినిమాల ప్రభావం గురించి ఆమె చేసిన వివరణ ఆసక్తికరంగా ఉంది.
