📌 Key Points
- తమిళనాడు ఎన్నికల బరిలో విజయ్ పార్టీ TVK – అభ్యర్థుల జోరుగా ప్రచారం!
- విజయ్ రాక కోసం ఎదురుచూపులు.. విగ్రహంతోనే ప్రచారం చేస్తున్న TVK అభ్యర్థి నవల్పట్టు విజి!
- డూప్లికేట్ విజయ్లతో ప్రచారం.. అచ్చుగుద్దినట్టు దింపిన TVK అభ్యర్థులు!
- తిరువేరుంపూర్ నియోజకవర్గంలో నవల్పట్టు విజి నామినేషన్ దాఖలు – విజయ్ మద్దతుతో గెలుపుపై ధీమా!
తమిళనాడు ఎన్నికలు వేడెక్కాయి. విజయ్ తన TVK పార్టీతో బరిలోకి దిగడంతో మరింత ఆసక్తి నెలకొంది. ఒక అభ్యర్థి ఏకంగా విజయ్ విగ్రహంతో ప్రచారం చేస్తూ అందరి దృష్టిని ఆకర్షిస్తున్నాడు. ఈ వార్త ఇప్పుడు సోషల్ మీడియాలో వైరల్ అవుతోంది.
విజయ్ పేరుతో ప్రచారం
Vijay : తమిళనాట ఎన్నికల వేడి పెరిగింది. ఏప్రిల్ 23న అక్కడ అసెంబ్లీ ఎన్నికలు జరగనున్నాయి. ప్రస్తుతం అధికారంలో ఉన్న DMK ప్రభుత్వంతో NDA కూటమి, విజయ్ TVK పార్టీలు ఈ ఎన్నికల్లో విజయం కోసం గట్టిగానే ప్రచారం చేస్తున్నారు. విజయ్ తమిళనాడులో ఉన్న అన్ని అసెంబ్లీ నియోజక వర్గాల్లో తన పార్టీ అభ్యర్థుల్ని పోటీ చేయిస్తున్నారు.
ఈ ఎన్నికల ప్రచార కార్యక్రమాల్లో ఆసక్తికర సంఘటన నెలకొంది. TVK పార్టీకి చెందిన ఓ అభ్యర్థి విజయ్ తన నియోజక వర్గంలో ఎన్నికల ప్రచారానికి రావట్లేదని విజయ్ విగ్రహం పెట్టుకొని ప్రచారం చేస్తున్నాడు. తిరువేరుంపూర్ నియోజకవర్గం నుంచి TVK తరపున నవల్పట్టు విజి అనే అభ్యర్థి పోటీ చేస్తున్నాడు. విజయ్ చాలా బిజీగా ఉండటం, చాలా నియోజకవర్గాల్లో ఒక్కడే తిరగాల్సి రావడంతో అన్ని నియోజకవర్గాల్లోకి వెళ్లి ప్రచారం చేయలేకపోతున్నాడు.
విగ్రహంతో ఓట్లు
దీంతో నవల్పట్టు విజి ఇటీవల తన నామినేషన్ ప్రచారానికి విజయ్ విగ్రహం చేయించి ఓపెన్ వ్యాన్ లో పెట్టుకొని ప్రచారం చేసి నామినేషన్ వేసాడు. ఆ తర్వాత కూడా రోజూ ప్రచారానికి విజయ్ విగ్రహంతోనే వెళ్తున్నాడు. విజయ్ కూడా బిజీగా ఉండటం వల్లే ఆయన మీద అభిమానంతో విజయ్ విగ్రహాన్ని పెట్టుకొని ప్రచారం చేస్తున్నట్టు నవల్పట్టు విజి తెలిపారు. దీంతో విజయ్ విగ్రహంతో ప్రచారం చేస్తున్న ఫొటోలు వీడియోలు వైరల్ గా మారాయి.
డూప్లికేట్ విజయ్ ల హల్ చల్
ఇక మరికొంతమంది అభ్యర్థులైతే డూప్లికేట్ విజయ్ లను తీసుకొస్తున్నారు. అచ్చు విజయ్ లాగే నటించి, మిమిక్రీ చేసేవాళ్లను, విజయ్ లాగా వేషధారణ చేసేవాళ్లను తీసుకొచ్చి ప్రచారం చేయిస్తున్నారు TVK పార్టీ అభ్యర్థులు. మరి ఈ ఎన్నికల్లో విజయ్ ఏ మేరకు గెలుస్తారో చూడాలి.
విజయ్ విగ్రహంతో ఎన్నికల ప్రచారం ఒక సంచలనం సృష్టించింది. ఈ ఎన్నికల్లో TVK పార్టీ ఫలితాలు ఎలా ఉంటాయో వేచి చూడాలి. మరిన్ని అప్డేట్స్ కోసం చూస్తూ ఉండండి.
