హీరో రాహుల్ రవీంద్రన్ భార్య చిన్మయి మంగళసూత్రం ధరించకపోవడంపై చేసిన వ్యాఖ్యలు చర్చనీయాంశమయ్యాయి. దీనిపై ఓ నెటిజన్కు చిన్మయి (Chinmayi) స్ట్రాంగ్ కౌంటర్ ఇచ్చింది. తాళి వేసుకుంటే అత్యాచారాలు ఆగుతాయా అంటూ సమాజంలో మహిళల భద్రతపై తీవ్ర ప్రశ్నలు లేవనెత్తింది.
Key Points
రాహుల్ రవీంద్రన్ భార్య చిన్మయి మంగళసూత్రం ధరించకపోవడంపై వ్యాఖ్యలు.
తాళి కచ్చితంగా ధరించాలనే సంప్రదాయాన్ని తాను సమర్థించనన్న రాహుల్.
నెటిజన్ల విమర్శలపై చిన్మయి ట్విట్టర్ ద్వారా స్ట్రాంగ్ కౌంటర్.
మంగళసూత్రం లైంగిక దాడులను ఆపదని, మహిళలకు భద్రత లేదని చిన్మయి వాదన.
రాహుల్ రవీంద్రన్ ‘మంగళసూత్రం’పై వ్యాఖ్యలు
టాలీవుడ్ హీరో, దర్శకుడు రాహుల్ రవీంద్రన్(Rahul Ravindran) త్వరలో ‘ది గర్ల్ ఫ్రెండ్’ (The Girlfriend)సినిమాతో రాబోతున్నారు. ఇక ఈ మూవీ నవంబర్ 7న థియేటర్స్లోకి రాబోతుండగా.. ప్రమోషన్స్ చేస్తున్నారు. ఈ నేపథ్యంలోనే తన భార్య చిన్మయి మంగళసూత్రాన్ని వేసుకోకపోవడంపై స్పందించారు. పెళ్లి తర్వాత మహిళలు తాళిని కచ్చితంగా ధరించాలనే సంప్రదాయాన్ని నేను సమర్థించనంటూ అందరినీ ఆశ్చర్యానికి గురి చేశాడు. ఎప్పుడు తాళి వేసుకో అని చెప్పను అని అన్నాడు.
ఇక ఈ కామెంట్స్ సోషల్ మీడియాలో వైరల్ కావడంతో.. కొందరు సపోర్ట్ చేస్తుండగా.. ఓ నెటిజన్ ఆయనపై గౌరవం పోయిందని ఓ పోస్ట్ పెట్టాడు. అలాగే రాహుల్పై కొంతమంది విమర్శలు చేస్తున్నారు. తాజాగా, ఈ విషయంపై చిన్మయి (Chinmayi)ట్విట్టర్ ద్వారా రియాక్ట్ అయి కౌంటర్ వేసింది. ‘‘మంగళసూత్రం మహిళలపై లైంగిక దాడులు, వేధింపులను ఆపలేదు. పుట్టుక నుంచి మరణించేవరకు ఈ సమాజంలో మహిళలకు ఏ దశలోనూ భద్రత లేదు. చాలాచోట్ల మృతదేహాలపై కూడా అత్యాచారాలు జరుగుతున్నారు. అప్పుడే పుట్టిన పసికందులను కూడా దారుణాలు ఆగడం లేదు కదా’’ అని స్ట్రాంగ్ రిప్లై ఇచ్చింది.
చిన్మయి గట్టి కౌంటర్: అసలు సమస్య ఎక్కడ?
మహిళల భద్రతపై చిన్మయి ప్రశ్నలు
మంగళసూత్రంపై రాహుల్ రవీంద్రన్, చిన్మయి వ్యాఖ్యలు సమాజంలో మహిళల భద్రతపై తీవ్ర చర్చకు దారితీశాయి. కేవలం సంప్రదాయాలకే పరిమితం కాకుండా, మహిళలు ఎదుర్కొంటున్న వాస్తవ సమస్యలను ఈ సంఘటన మరోసారి గుర్తుచేసింది.
