టాలీవుడ్ యంగ్ హీరో సిద్ధు జొన్నలగడ్డ నటించిన ‘తెలుసు కదా’ సినిమా అక్టోబర్ 17న విడుదల కానుంది. ప్రమోషన్స్లో భాగంగా, క్లైమాక్స్ సన్నివేశం గురించి సిద్ధు షాకింగ్ విషయాలు వెల్లడించాడు. 30 నిమిషాల పాటు సాగే క్లైమాక్స్లో 16 మంది అమ్మాయిలతో షూటింగ్ అనుభవాన్ని, రాశి ఖన్నా అలకపూని వెళ్ళిపోయిన ఘటనను పంచుకున్నాడు.
Key Points
సిద్ధు 'తెలుసు కదా' సినిమా అక్టోబర్ 17న విడుదల.
సినిమా క్లైమాక్స్ 30 నిమిషాల నిడివితో ఆసక్తిగా ఉంటుంది.
క్లైమాక్స్ షూటింగ్లో రాశి ఖన్నా అలగి సెట్ నుంచి వెళ్లిపోయింది.
16 మంది అమ్మాయిల మధ్య షూటింగ్ సరదాగా సాగిందని సిద్ధు చెప్పాడు.
‘తెలుసు కదా’ సినిమా విశేషాలు
దిశ, వెబ్ డెస్క్ : టాలీవుడ్ యంగ్ హీరో సిద్ధు జొన్నలగడ్డ గురించి తెలియని వారు ఉండరు. డీజే టిల్లు సినిమాతో బాగా పాపులర్ అయిన సిద్ధు జొన్నలగడ్డ తెలుసు కదా ( Telusu Kada) సినిమాతో వస్తున్నాడు. ఈ సినిమాలో శ్రీనిధి శెట్టి, రాశి ఖన్నా ఇద్దరు హీరోయిన్లు నటిస్తున్నారు. మంచి ఫ్యామిలీ ఎంటర్ టైనర్గా ఈ సినిమా గ్రాండ్ గా తెరకెక్కుతోంది. వైవా హర్ష ప్రధాన పాత్రలో కనిపిస్తున్నాడు. నీరజ కోన ( Neeraja Kona ) ఈ సినిమాకు దర్శకత్వం వహిస్తున్నారు.
క్లైమాక్స్ సీన్ రచ్చ: రాశి ఖన్నా అలక
అక్టోబర్ 17వ తేదీన తెలుసు కదా సినిమా రిలీజ్ కానున్న నేపథ్యంలో హీరో అలాగే హీరోయిన్లు ప్రమోషన్స్ లో పాల్గొంటున్నారు. నిన్న ట్రైలర్ ఈవెంట్ కూడా జరిగింది. ఈ సందర్భంగా షూటింగ్ లో జరిగిన విషయాలను కూడా పంచుకున్నాడు హీరో సిద్దు జొన్నలగడ్డ. ముఖ్యంగా క్లైమాక్స్ సీన్ గురించి సంచలన విషయాన్ని బయట పెట్టాడు. దాదాపు 30 నిమిషాల పాటు క్లైమాక్స్ సీన్ ఉంటుందట. అక్కడే సినిమా అసలు కథ ఉంటుందట.
16 మంది అమ్మాయిలతో సిద్దు షూటింగ్
అయితే క్లైమాక్స్ షూట్ జరుగుతున్నప్పుడు, సెట్ నుంచి అలిగి రాశి ఖన్నా వెళ్లిపోయారట. హీరో పాత్ర తనకు నచ్చలేదని కోపంతో వెళ్లినట్లు వెల్లడించారు సిద్దు. అయితే ఆ తర్వాత ఆమెను బతిలాడి షూటింగ్ కు తీసుకువచ్చినట్లు తెలిపాడు. ఆ సమయంలో మొత్తం 16 మంది అమ్మాయిల మధ్య షూటింగ్ జరిగిందని పేర్కొన్నాడు. అక్కడ 16 మంది అమ్మాయిలు ఉంటే, తాను ఒక్కడినే మగాడిని అంటూ తెలిపాడు. వాళ్ల మధ్య యాక్టింగ్ చేస్తుంటే చాలా సరదాగా అనిపించిందన్నాడు.
సిద్ధు వెల్లడించిన ఈ విషయాలు ‘తెలుసు కదా’ సినిమాపై ప్రేక్షకుల్లో భారీ ఆసక్తిని రేపుతున్నాయి. 16 మంది అమ్మాయిల మధ్య హీరో, రాశి ఖన్నా అలక వంటి అంశాలు సినిమా విడుదల తర్వాత ఎలాంటి చర్చకు దారితీస్తాయో చూడాలి.
