📌 Key Points
- యుద్ధ పరిస్థితుల కారణంగా చమురు ఎగుమతులు తగ్గి, పెట్రోల్ కొరత ఏర్పడుతుందనే భయంతో ప్రజలు నిల్వ చేసుకుంటున్నారు.
- పెట్రోల్ బంకుల్లో క్యాన్లలో పెట్రోల్ నింపితే చర్యలు తీసుకుంటామని ప్రభుత్వాలు హెచ్చరించాయి.
- ఒక యువకుడు బైక్ ట్యాంక్ను తెచ్చి పెట్రోల్ కొట్టించుకోవడంతో అందరూ ఆశ్చర్యపోయారు.
- నెటిజన్లు యువకుడి చర్యలను తప్పుబడుతూ, అతనిపై చర్యలు తీసుకోవాలని డిమాండ్ చేస్తున్నారు.
పశ్చిమాసియాలో యుద్ధ పరిస్థితుల కారణంగా చమురు నిల్వలపై ప్రభావం పడింది. దీంతో దేశంలో పెట్రోల్ కొరత ఏర్పడుతుందనే భయంతో ప్రజలు పెట్రోల్ నిల్వ చేసుకోవడం మొదలుపెట్టారు. ఈ క్రమంలో ఒక యువకుడు చేసిన పని వైరల్ అయింది.
చమురు కొరత భయంతో ప్రజల ఆందోళన
పశ్చిమాసియా దేశాల్లో యుద్ధపరిస్థితుల ప్రభావం.. అంతర్జాతీయంగా చమురు నిల్వలు, ఎగుమతులపై పడిందన్న విషయం తెలిసిందే. హోర్ముజ్ జలసంధి మూసివేతతో ప్రపంచదేశాలకు చమురు ఎగుమతులు కష్టమయ్యాయి. దీంతో దేశంలో పెట్రోల్, డీజిల్ ధరలు పెరుగుతాయన్న ఊహాగానాలు విపరీతంగా వ్యాపించాయి. గ్యాస్ సిలిండర్ల లభ్యత తగ్గడంతో.. త్వరలోనే పెట్రోల్, డీజిల్ కొరత కూడా ఏర్పడుతుందని భావించి.. వాహనదారులు ముందు జాగ్రత్తగా.. ఇంధనాన్ని నిల్వచేసుకోవడం మొదలుపెట్టారు. ఫలితంగా పెట్రోల్ బంకుల వద్ద టూ, త్రీ, ఫోర్ వీలర్స్ కిలోమీటర్లమేర బారులు తీరాయి. ఈ పరిస్థితుల్ని చూసిన రాష్ట్ర ప్రభుత్వాలు కేవలం వాహనాల్లో మాత్రమే ఇంధనాన్ని నింపాలని, బాటిల్స్, క్యాన్లలో నింపితే కఠిన చర్యలు తీసుకుంటామని పెట్రోల్ బంకుల్ని హెచ్చరించాయి.
పెట్రోల్ బంకులు లూజ్ పెట్రోల్, డీజల్ ఫిల్లింగ్ ఆపేయడంతో ఓ యువకుడు అతితెలివి ప్రదర్శించాడు. బైక్ ట్యాంకుల్లో పెట్రోల్ ఫిల్ చేస్తారని చెప్పడంతో.. ఆ ట్యాంకును మాత్రమే తీసుకొచ్చి పెట్రోల్ కొట్టించుకున్నాడు. అతని బైక్ లో పెట్రోల్ అయిపోతే ఇలా చేశాడో, లేక ఎక్స్ ట్రా పెట్రోల్ కోసం చేశాడో తెలీదు కానీ.. అతను చేసిన పనికి అక్కడున్నవారంతా షాకయ్యారు. కొందరైతే వీడియోలు తీసి సోషల్ మీడియాలో పోస్ట్ చేశారు. అక్కడే ఉన్న మరికొందరు ఆ యువకుడు చేసిన పనికి నవ్వుకున్నారు. ఈ వీడియో నెట్టింట వైరల్ అవ్వగా.. నెటిజన్లు ఆగ్రహం వ్యక్తం చేస్తున్నారు. ఇలాంటివారివల్ల అందరూ అదే విధానం పాటించే అవకాశం ఉందని, ఆ యువకుడిపై చర్యలు తీసుకోవాలని డిమాండ్ చేస్తున్నారు. అతడిని అరెస్ట్ చేసి, కొద్దిరోజులు జైల్లో వేసినా తప్పులేదంటున్నారు.
బంకుల్లో నిబంధనలు కఠినతరం చేసిన ప్రభుత్వం
బైక్ ట్యాంక్తో పెట్రోల్ కొట్టించిన యువకుడు
యువకుడి చర్యపై నెటిజన్లు తీవ్రంగా స్పందిస్తున్నారు. ఇలాంటి చర్యల వల్ల సమస్యలు మరింత పెరిగే అవకాశం ఉందని, సంబంధిత అధికారులు తగిన చర్యలు తీసుకోవాలని కోరుతున్నారు.
