📌 Key Points
- అఖండ 2 సినిమాకు మిక్స్డ్ టాక్, రొటీన్ కథతో బోయపాటి సాగదీసారని విమర్శలు.
- బాలయ్య అభిమానులు సంతోషించినా, సాధారణ ప్రేక్షకులకు మాత్రం ఇది ఒక పరీక్ష లాంటిదని అభిప్రాయం.
- బోయపాటి, తమన్ల రొటీన్ తీరు మారాలని పలువురు ప్రేక్షకులు అభిప్రాయం వ్యక్తం చేస్తున్నారు.
- అఘోర పాత్ర హైలైట్ అయినప్పటికీ, తక్కువ నిడివి ఉండటం అభిమానులను నిరాశపరిచింది.
బాలకృష్ణ, బోయపాటి కాంబోలో అఖండ 2 సినిమా విడుదలైంది. ఎన్నో అంచనాల మధ్య వచ్చిన ఈ సినిమాకు మిశ్రమ స్పందన లభించింది. రొటీన్ కథ, లాజిక్ లేని సన్నివేశాలు, తమన్ బీజీఎం నిరాశపరిచాయని ప్రేక్షకులు చెబుతున్నారు. బాలయ్య అభిమానులు ఎంజాయ్ చేసినా, సాధారణ ప్రేక్షకులకు సినిమా ఒక పరీక్షలా అనిపించింది.
అఖండ 2 మిశ్రమ స్పందన – కారణాలు
Akhanda 2 Public Reaction: బాలకృష్ణ బోయపాటి కాంబోలో సినిమా అంటేనే సినిమా పట్ల మంచి అంచనాలు ఉంటాయి. ఇదివరకు వీరిద్దరి కాంబినేషన్లో వచ్చిన సినిమాలన్నీ కూడా బాక్స్ ఆఫీస్ వద్ద మంచి సక్సెస్ అందుకున్నాయి. ఇక తాజాగా ఆఖండ 2 సినిమా ప్రేక్షకుల ముందుకు వచ్చిన సంగతి తెలిసిందే. ఎన్నో అంచనాల నడుమ విడుదలైన ఈ సినిమా బాక్స్ ఆఫీస్ వద్ద మిక్స్డ్ టాక్ సొంతం చేసుకుంది. రొటీన్ కథతో బోయపాటి ఈ సినిమాని సాగదీసారని తెలుస్తోంది. ఇక ఈ సినిమాకు మిక్స్డ్ టాక్ వచ్చినప్పటికీ బాలకృష్ణ అభిమానులు మాత్రం సినిమా అద్భుతంగా ఉంది అంటూ సెలబ్రేట్ చేసుకుంటున్నారు.
ఈ సినిమాలో వైరస్ ను చంపే యాంటీ డోట్ ప్రజలకు ఎలా చేరవేయాలనే ఒక చిన్న పాయింట్ తో ఈ సినిమాని సాగదీసారని చెప్పాలి. అఖండ 2 సినిమాను కేవలం బాలకృష్ణ అఘోర పాత్ర కోసమే చూడాలి తప్పితే కొత్త కంటెంట్ ఏమి లేదని తెలుస్తోంది. ఒక బాలయ్య అభిమానులకు మాత్రమే ఈ సినిమా మంచి ఊపునిస్తుంది కానీ ప్రేక్షకులకు మాత్రం ఒక చిన్న పరీక్ష లాంటిదే అని చెప్పాలి. ఈ సినిమా కథలో లాజిక్ లేకుండా కొన్ని సన్నివేశాలను పెట్టడంతో ప్రేక్షకులు కూడా కొంచెం కన్ఫ్యూజ్ అవుతారనే చెప్పాలి. ఇక తమన్ బిజీఏం కూడా కాస్త ఎబెట్టుగానే అనిపించింది.
బోయపాటి, తమన్ల రొటీన్ ఫార్ములా
ఇలా బోయపాటి తమన్ బాలయ్య కాంబినేషన్లో అఖండ 2 సినిమా చూస్తుంటే కొత్త సినిమా చూసిన భావన ఏమాత్రం కలగలేదని ఈ విషయంలో వీరి తీరు మార్చుకోవాల్సిందేనని పలువురు అభిప్రాయాలను వ్యక్తం చేస్తున్నారు. ఈ సినిమాలో బాలయ్య కాకుండా ఏ హీరో అయినా నటించి ఉంటే ఇంత హైప్ఉండేది కాదని కూడా స్పష్టం అవుతుంది. బాలకృష్ణ సినిమాల విషయంలో తమన్ బోయపాటి ఇద్దరు కూడా మారాల్సిన అవసరం ఎంతైనా ఉంది. అఖండ 2 బాలయ్య అభిమానులకు మంచి ఊపు ఇచ్చిన సాధారణ ప్రేక్షకులకు మాత్రం పరవాలేదు అనే భావనను కలిగిస్తుంది.
ఇక ఈ సినిమాలో బాలకృష్ణ ద్విపాత్రాభినయం లో నటించిన సంగతి తెలిసిందే. బాలమురళీకృష్ణ ఎమ్మెల్యేగా ఒక పాత్రలో నటించారు. మరొక పాత్రలో ఆ ఘోరంగా కనిపిస్తారు. అఘోర పాత్ర హైలెట్ అనిపించిన ఈ పాత్రకు సంబంధించి ఎక్కువ నిడివి లేకపోవటం అభిమానులను నిరాశకు గురిచేస్తుంది. ఈ సినిమాలో సంయుక్త మీనన్ హీరోయిన్గా నటించిన సంగతి తెలిసిందే. అలాగే బాలకృష్ణ కూతురి పాత్రలో బాలీవుడ్ నటి హర్షాలి మల్హోత్రా జనని అనే పాత్రలో నటించారు. ఇక ఈ సినిమాలో సనాతన ధర్మం గురించి చెప్పే సన్నివేశాలు కూడా ప్రేక్షకులను ఆకట్టుకున్నాయి. ఇక ఈ సినిమాలో హీరోయిన్ పాత్రకు కూడా పెద్దగా స్కోప్ లేకుండా పోయింది. ఇక విలన్ పాత్రలో నటించిన ఆది పినిశెట్టిని చంపేయడం కూడా కాస్త సిల్లీగానే ఉందని చెప్పాలి.
అఘోర పాత్ర హైలైట్ అయినా నిడివి తక్కువ
మొత్తం మీద, అఖండ 2 బాలయ్య అభిమానులకు ఉత్సాహాన్నిచ్చినా, సాధారణ ప్రేక్షకులు మాత్రం నిరాశ చెందారు. బోయపాటి, తమన్, బాలకృష్ణల రొటీన్ పంథా మారాలని పలువురు అభిప్రాయపడుతున్నారు. అప్పుడే మంచి విజయాలు సాధించగలరని విశ్లేషకుల భావన.
