📌 Key Points
- అనిల్ రావిపూడి దర్శకత్వంలో వెంకటేష్, కళ్యాణ్ రామ్ కలిసి నటించనున్న సినిమా.
- ఈ చిత్రాన్ని షైన్ స్క్రీన్స్ బ్యానర్పై సాహు గారపాటి నిర్మిస్తున్నారు.
- సురేష్ ప్రొడక్షన్స్, జీ స్టూడియోస్ నిర్మాణ భాగస్వాములుగా వ్యవహరించనున్నారు.
- సినిమా ప్రీ-ప్రొడక్షన్ దశలో ఉంది, త్వరలో పూజా కార్యక్రమాలతో ప్రారంభం కానుంది.
అనిల్ రావిపూడి దర్శకత్వంలో విక్టరీ వెంకటేష్, నందమూరి కళ్యాణ్ రామ్ కలిసి ఓ సినిమా చేయబోతున్నారు. ఈ సినిమాను షైన్ స్క్రీన్స్ బ్యానర్పై సాహు గారపాటి నిర్మిస్తున్నారు. సురేష్ ప్రొడక్షన్స్, జీ స్టూడియోస్ నిర్మాణంలో పాలుపంచుకుంటున్నాయి.
అనిల్ రావిపూడి దర్శకత్వంలో కొత్త సినిమా
Anil Ravipudi: అనిల్ రావిపూడి నుంచి రాబోయే సంక్రాంతికి మరో సినిమా రెడీ అవుతోన్న విషయం తెలిసిందే. రీసెంట్గా ఈ సినిమాకు సంబంధించి అధికారిక ప్రకటన వచ్చింది. విక్టరీ వెంకటేష్ (Victory Venkatesh), నందమూరి కళ్యాణ్ రామ్ (Nandamuri Kalyan Ram)లతో హిట్ మిషన్ అనిల్ రావిపూడి (Anil Ravipudi) సినిమా చేయబోతున్నట్లుగా అధికారిక ప్రకటన విడుదల చేశారు. ఈ ప్రకటన రాకముందు అనిల్ ప్రాజెక్ట్కు సంబంధించి అనేకానేక వార్తలు వైరల్ అయ్యాయి. వెంకీతో అనేది క్లారిటీ ఉంది కానీ, ఇంకో హీరో పేరు విషయంలోనే చాలా పేర్లు వినిపించాయి. కళ్యాణ్ రామ్ అని ప్రకటించి, ఆ వార్తలకు బ్రేక్ పడేలా చేశారు అనిల్ రావిపూడి. ఇక ఈ మూవీని ఎవరు నిర్మించబోతున్నారనే విషయంపై అధికారిక ప్రకటన ఇవ్వలేదు. శ్రీరామనవమి (Sri Rama Navami)ని పురస్కరించుకుని ఆ అప్డేట్ని మేకర్స్ ఇచ్చారు. ఈ సినిమాను ఎవరు నిర్మిస్తున్నారంటే..
అనిల్ రావిపూడి దర్శకత్వంలో ‘భగవంత్ కేసరి’, ఈ సంక్రాంతికి వచ్చిన ‘మన శంకర వర ప్రసాద్ గారు’ వంటి సక్సెస్ ఫుల్ చిత్రాలను నిర్మించిన షైన్ స్క్రీన్స్ బ్యానర్పై సాహు గారపాటి ఈ ప్రాజెక్ట్ను నిర్మించనున్నారు. అంతే కాదు, సురేష్ ప్రొడక్షన్స్, జీ స్టూడియోస్ కూడా నిర్మాణ భాగస్వామ్యులుగా వ్యవహరిస్తున్నట్లు తాజా అప్డేట్తో ప్రకటించారు. సురేష్ ప్రొడక్షన్, శ్రీమతి అర్చన ఈ చిత్రాన్ని సమర్పిస్తుండగా, జీ స్టూడియో సహ-నిర్మాతగా చేరిందని మేకర్స్ అధికారిక ప్రకటనను విడుదల చేశారు. అలాగే ఈ సినిమా రాబోయే సంక్రాంతికి రిలీజ్ అని కూడా ఈ ప్రకటనలో మేకర్స్ తెలియజేశారు. ప్రస్తుతం ప్రీ-ప్రొడక్షన్ దశలో ఉన్న ఈ చిత్రానికి సంబంధించిన స్క్రిప్ట్ను అనిల్ రావిపూడి అంచనాలకు తగినట్లుగా రూపొందిస్తున్నారని, త్వరలో గ్రాండ్ పూజా కార్యక్రమంతో సినిమాను ప్రారంభించి, ఆ తర్వాత టైటిల్తో పాటు ఇతర వివరాలను వెల్లడించనున్నామని నిర్మాతలు క్లారిటీ ఇచ్చారు.
నిర్మాణంలో షైన్ స్క్రీన్స్, సురేష్ ప్రొడక్షన్స్
‘‘F2, F3, సంక్రాంతికి వస్తున్నాం’ వంటి బ్లాక్బస్టర్ ఎంటర్టైనర్ల తర్వాత విక్టరీ వెంకటేష్తో అనిల్ రావిపూడి చేస్తున్న ఐదవ చిత్రమిది. సంక్రాంతికి వచ్చిన ‘మన శంకర వర ప్రసాద్ గారు’ చిత్రంలో వెంకీ మామ అతిధి పాత్రలో అదరగొట్టిన విషయం తెలిసిందే. అలాగే, అనిల్ రావిపూడి మొదటి చిత్రం ‘పటాస్’ తర్వాత కళ్యాణ్ రామ్తో చేస్తున్న రెండవ చిత్రమిది. మరోవైపు అనిల్ రావిపూడితో షైన్ స్క్రీన్స్ సంస్థకు మూడో చిత్రమిది. ఎటు చూసినా, ఏదో ఒక విశిష్టత ఉన్న ఈ సినిమా కచ్చితంగా అనిల్కు మరో బ్లాక్ బస్టర్ అవుతుందని, ఆయన సక్సెస్ల జోరును కంటిన్యూ చేస్తుందని టీమ్ ఎంతో నమ్మకంగా చెబుతోంది. బ్లాక్బస్టర్ డైరెక్టర్, స్టార్ క్యాస్ట్, స్ట్రాంగ్ ప్రొడక్షన్ బ్యాకింగ్ అన్నీ కలిసి ప్రేక్షకులకు మరొక మరిచిపోలేని సంక్రాంతి ఎక్స్పీరియన్స్ను ఇస్తారని భావించవచ్చు. చూద్దాం మరి.. ఏం జరుగుతుందో?
Excited to collaborate for the third time with dear brother @sahugarapati7 and @Shine_Screens for #VenkyAnil5 #NKRAR2 🤗🤗
Glad to have @ZeeStudios_ join this journey and the legendary @SureshProdns present it 😍👌🏻
SANKRANTHI 2027 RELEASE ✨
సంక్రాంతికి విడుదల కానున్న చిత్రం
Victory @VenkyMama @NANDAMURIKALYAN … pic.twitter.com/zVryHSdasE
— Anil Ravipudi (@AnilRavipudi) March 27, 2026
అనిల్ రావిపూడి దర్శకత్వంలో వెంకటేష్, కళ్యాణ్ రామ్ కలిసి నటిస్తున్న ఈ చిత్రం సంక్రాంతికి విడుదల కానుంది. ఈ సినిమా ప్రీ-ప్రొడక్షన్ పనులు వేగంగా జరుగుతున్నాయి. త్వరలోనే మరిన్ని వివరాలు వెల్లడిస్తారు.
