📌 Key Points
- బాలకృష్ణ, హరీష్ శంకర్ సినిమా 2027 సంక్రాంతికి విడుదల కావాల్సింది రద్దయింది.
- ఉస్తాద్ భగత్ సింగ్ సినిమా ఫలితం బాలకృష్ణ నిర్ణయంపై ప్రభావం చూపింది.
- వివేక్ ఆత్రేయతో బాలకృష్ణ గ్యాంగ్స్టర్ డ్రామా చర్చలు జరుగుతున్నట్లు సమాచారం.
- హరీష్ శంకర్ తన తదుపరి సినిమాలపై దృష్టి సారించి హిట్ కోసం ఎదురు చూస్తున్నారు.
బాలకృష్ణ, హరీష్ శంకర్ కాంబినేషన్లో రాబోతున్న సినిమా ఆగిపోయిందని సమాచారం. ఉస్తాద్ భగత్ సింగ్ సినిమా ఫలితమే దీనికి కారణమని తెలుస్తోంది. ప్రస్తుతం బాలకృష్ణ వివేక్ ఆత్రేయతో సినిమా చేసే ఆలోచనలో ఉన్నారు.
బాలకృష్ణ – హరీష్ శంకర్ ప్రాజెక్ట్ రద్దు
Balakrishna : ప్రస్తుతం సీనియర్ హీరోల్లో వరస విజయాలు అందుకుంటూ దూసుకుపోతున్నారు బాలకృష్ణ. ఈ క్రమంలో బాలకృష్ణ తీసుకున్న ఒక కొత్త నిర్ణయం అందరిని ఆశ్చర్యపరుస్తోంది. అసలు విషయానికి వస్తే దర్శకుడు హరీష్ శంకర్ పరిస్థితి ప్రస్తుతం కాస్త క్లిష్టంగా మారిందని చెప్పాలి. ఒకప్పుడు గబ్బర్ సింగ్ వంటి బ్లాక్బస్టర్ ఇచ్చిన ఆయన..ఇప్పుడు వరుసగా ఫ్లాప్స్తో ఇబ్బందులు పడుతున్నారు.
ఇటీవల విడుదలైన మిస్టర్ బచ్చన్ సినిమాకు ఆశించిన స్థాయిలో స్పందన రాకపోవడం హరీష్ శంకర్కు పెద్ద షాక్ అయింది. దీంతో ఆయన ఆశలు అన్నీ ఉస్తాద్ భగత్ సింగ్ సినిమా మీద పెట్టుకున్నారు. కానీ ఈ సినిమా కూడా బాక్సాఫీస్ వద్ద పెద్దగా ఆకట్టుకోలేకపోతుందనే టాక్ వినిపిస్తోంది.
ఈ నేపథ్యంలో హరీష్ శంకర్, నందమూరి బాలకృష్ణతో ఒక కొత్త సినిమా చేయాలని ప్లాన్ చేశారు. ఈ సినిమాను 2027 సంక్రాంతి సందర్భంగా విడుదల చేయాలని కూడా అనుకున్నారు. ఈ కాంబినేషన్కు మొదట మంచి క్రేజ్ ఏర్పడింది. అభిమానులు కూడా ఈ ప్రాజెక్ట్పై ఆసక్తి చూపించారు.
ఉస్తాద్ భగత్ సింగ్ ప్రభావం
అయితే తాజా సమాచారం ప్రకారం, బాలకృష్ణ ఈ ప్రాజెక్ట్ నుంచి తప్పుకున్నట్లు తెలుస్తోంది. “ఉస్తాద్ భగత్ సింగ్” సినిమా పరిస్థితిని గమనించిన తర్వాత, బాలయ్య ఈ నిర్ణయం తీసుకున్నారని ఇండస్ట్రీలో టాక్ వినిపిస్తోంది. దీనిపై ఇంకా అధికారిక ప్రకటన రాకపోయినా, ఈ వార్త మాత్రం వైరల్ అవుతోంది.
హరీష్ శంకర్కు ఇది మరో పెద్ద షాక్ అని చెప్పాలి. ఇప్పటికే కొన్ని ప్రాజెక్టులు ఆలస్యం కావడం, ఫలితాలు ఆశించిన విధంగా రాకపోవడం వల్ల ఆయన కెరీర్లో కాస్త డౌన్ ఫేజ్ నడుస్తోంది. ఇప్పుడు తిరిగి ఫామ్లోకి రావడం ఆయనకు చాలా ముఖ్యం అయింది.
అందుకే హరీష్ శంకర్ ఇప్పుడు కొత్త కథలపై దృష్టి పెట్టాలని భావిస్తున్నట్లు సమాచారం. మంచి హిట్ ఇస్తేనే ఆయన మళ్లీ టాప్ డైరెక్టర్లలో స్థానం సంపాదించగలరు.
వివేక్ ఆత్రేయతో బాలయ్య గ్యాంగ్స్టర్ డ్రామా?
ఇక మరోవైపు బాలకృష్ణ, దర్శకుడు వివేక్ ఆత్రేయతో కలిసి ఒక గ్యాంగ్స్టర్ డ్రామా చేయాలని ఆలోచిస్తున్నట్లు తెలుస్తోంది. ఈ ప్రాజెక్ట్పై చర్చలు జరుగుతున్నాయని సమాచారం. త్వరలో దీనిపై అధికారిక ప్రకటన వచ్చే అవకాశం ఉంది.
మొత్తానికి బాలకృష్ణ తీసుకున్న ఈ నిర్ణయం ఇండస్ట్రీలో హాట్ టాపిక్గా మారింది. హరీష్ శంకర్ హిట్ కోసం ఎదురు చూస్తుంటే, బాలకృష్ణ వివేక్ ఆత్రేయతో కలిసి ఎలాంటి సినిమా చేస్తారో చూడాలి.
