బ్లాక్ బస్టర్ మిరాయ్ సినిమా నెల రోజుల్లోపే ఓటీటీలోకి వస్తోంది. రూ.150 కోట్ల వసూళ్లు సాధించిన ఈ అద్భుత చిత్రం అక్టోబర్ 10న జియోహాట్స్టార్లో నాలుగు భాషల్లో స్ట్రీమింగ్ కానుంది. తేజ సజ్జా, మంచు మనోజ్ నటించిన ఈ ఫాంటసీ అడ్వెంచర్ థ్రిల్లర్ ఇప్పుడు డిజిటల్లో సందడి చేయనుంది.
Key Points
మిరాయ్ సినిమా అక్టోబర్ 10న జియోహాట్స్టార్లో ఓటీటీ రిలీజ్
థియేటర్లలో విడుదలైన నెల రోజుల్లోనే ఓటీటీలోకి వచ్చిన బ్లాక్ బస్టర్
రూ.60 కోట్ల బడ్జెట్తో తెరకెక్కి రూ.150 కోట్లు వసూలు చేసింది
తెలుగుతో పాటు నాలుగు భాషల్లో సినిమా స్ట్రీమింగ్
ఓటీటీ రిలీజ్ డేట్, ప్లాట్ఫామ్ వివరాలు
ఓటీటీలోకి లేటెస్ట్ బ్లాక్ బస్టర్ మూవీ ‘మిరాయ్’ దూసుకొస్తోంది. సడెన్ గా ఈ సినిమా డిజిటల్ స్ట్రీమింగ్ ను అనౌన్స్ చేశారు. బాక్సాఫీస్ ను షేక్ చేసిన ఈ ఫ్యాంటసీ అడ్వెంచరస్ థ్రిల్లర్ రూ.150 కోట్లు కలెక్ట్ చేసింది. కార్తీక్ ఘట్టమనేని డైరెక్షన్ లో వచ్చిన ఈ సినిమాలో తేజ సజ్జా హీరో కాగా, మంచు మనోజ్ విలన్ గా నటించాడు.
తెలుగు బ్లాక్ బస్టర్ సినిమా మిరాయ్ ఓటీటీలోకి రాబోతుంది. ఈ సూపర్ హిట్ మూవీ స్ట్రీమింగ్ డేట్ ను ఇవాళ (అక్టోబర్ 4) ప్రకటించారు. అక్టోబర్ 10న మిరాయ్ ఓటీటీ రిలీజ్ కానుందని జియోహాట్స్టార్ ప్లాట్ ఫామ్ అనౌన్స్ చేసింది. ఈ సినిమా జియోహాట్స్టార్లో స్ట్రీమింగ్ కానుంది.
‘‘9 గ్రంథాలు. అంతులేని శక్తి. బ్రహ్మాండాన్ని కాపాడే ఒక సూపర్ యోధ. ఇండియా సొంత సూపర్ హీరో మిరాయ్ మీ ఇంటికి వస్తున్నాడు. అక్టోబర్ 10 నుంచి స్ట్రీమింగ్ అవుతుంది’’ అని జియోహాట్స్టార్ ఎక్స్ లో పోస్టు చేసింది.
మిరాయ్ బ్లాక్ బస్టర్ వసూళ్లు
మిరాయ్ సినిమా థియేటర్లలో రిలీజైన నెల రోజుల్లోనే ఓటీటీలోకి వస్తుంది. ఈ సినిమా సెప్టెంబర్ 12న థియేటర్లలో విడుదలైంది. రూ.60 కోట్ల బడ్జెట్ తో తెరకెక్కిన ఈ సినిమా రూ.150 కోట్లు రాబట్టింది. ఇప్పుడు అక్టోబర్ 10 నుంచే ఓటీటీలో స్ట్రీమింగ్ కానుంది. తెలుగుతో పాటు తమిళం, మలయాళం, కన్నడ భాషల్లో అందుబాటులోకి రానుంది సినిమా.
అశోకుని 9 గ్రంథాలను దక్కించుకుని ఆ శక్తితో ప్రపంచాన్ని నాశనం చేయాలనుకునే మహాబీర్ లామా అలియాస్ బ్లాక్ స్వోర్డ్ (మంచు మనోజ్), ఆ ప్రయత్నాన్ని ఆపాలనుకునే వేద (తేజ సజ్జా)కు మధ్య పోరాటమే మిరాయ్. మహాబీర్ లామా క్రూరంగా అందరనీ చంపేస్తూ 8 గ్రంథాలను సొంతం చేసుకుంటాడు. కానీ 9వ గ్రంథం దక్కకుండా వేద అడ్డుగా నిలుస్తాడు. అందుకు రాముని ఆయుధం మిరాయ్ ను చేరుకుంటాడు.
తేజ వర్సెస్ మనోజ్: కథా నేపథ్యం
మరి మహాబీర్ లామా 9 గ్రంథాలను దక్కించుకున్నాడా? అతణ్ని తేజ సజ్జా ఎలా ఆదుకున్నాడు? ఇందులో వేద తల్లి అంబిక ప్రజాపతి (శ్రియా సరణ్) చేసిన త్యాగం ఏంటీ? అనేది సినిమా చూసి తెలుసుకోవాల్సిందే.
మిరాయ్ ను విజువల్ వండర్ అని చెప్పొచ్చు. వీఎఫ్ఎక్స్ క్వాలిటీ అదిరిపోయింది. ముఖ్యంగా మిరాయ్ కోసం వెళ్లే క్రమంలో వచ్చే సీన్లు గూస్ బంప్స్ తెప్పిస్తాయి. ఇక వేద, మహాబీర్ లామా మధ్య ఫైటింగ్ సీక్వెన్స్ కూడా అలరిస్తుంది. ఇందులో తేజ సజ్జా హీరో. రితిక నాయక్ హీరోయిన్. మంచు మనోజ్ విలన్. శ్రియా సరణ్, జగపతి బాబు, జయరాం తదితరులు కూడా నటించారు.
నెల రోజుల్లోపే ఓటీటీలోకి వచ్చిన మిరాయ్, రూ.150 కోట్ల వసూళ్లతో బ్లాక్ బస్టర్గా నిలిచింది. తేజ, మనోజ్ ల అభినయం, విజువల్స్ తో ఈ చిత్రం జియోహాట్స్టార్లో నాలుగు భాషల్లో స్ట్రీమింగ్కు సిద్ధంగా ఉంది. డిజిటల్ ప్రేక్షకులు కూడా ఆస్వాదించడం ఖాయం.
