📌 Key Points
- ప్రభాస్ నటించిన ‘మున్నా’ చిత్రం మార్చి 6న రీ-రిలీజ్ కానుంది.
- దిల్ రాజు నిర్మాణంలో, హారిస్ జయరాజ్ సంగీతంతో ఈ సినిమా ఒక సెన్సేషన్ క్రియేట్ చేసింది.
- ప్రభాస్, ఇలియానా రొమాంటిక్ పోస్టర్ వైరల్ అవుతోంది.
- ప్రకాష్ రాజ్ విలన్ పాత్ర, కొరటాల శివ మాటలు ఈ సినిమాకు బలం.
రెబల్ స్టార్ ప్రభాస్ నటించిన మాస్ యాక్షన్ ఎంటర్టైనర్ ‘మున్నా’ చిత్రం రీ-రిలీజ్ కాబోతోంది. వంశీ పైడిపల్లి దర్శకత్వంలో తెరకెక్కిన ఈ సినిమా మార్చి 6న థియేటర్లలో విడుదల కానుంది. దీనికి సంబంధించిన కౌంటింగ్ కూడా మొదలైంది.
మార్చి 6న మున్నా రీ-రిలీజ్ సందడి
Munna Re Release: టాలీవుడ్ బాక్సాఫీస్ వద్ద రీ-రిలీజ్ ట్రెండ్ ఇప్పుడప్పుడే తగ్గేలా లేదు. తాజాగా ఈ క్రేజీ లిస్టులోకి రెబల్ స్టార్ ప్రభాస్ (Rebel Star Prabhas) నటించిన మాస్ యాక్షన్ ఎంటర్టైనర్ ‘మున్నా’ (Munna) వచ్చి చేరింది. వంశీ పైడిపల్లి (Vamshi Paidipally) దర్శకత్వంలో తెరకెక్కిన ఈ చిత్రం, ప్రభాస్ స్టైలిష్ లుక్, యాక్షన్ సీక్వెన్స్లతో అప్పట్లో ఒక ఊపు ఊపింది. ఇప్పుడీ చిత్రాన్ని మార్చి 6వ తేదీన థియేటర్లలో గ్రాండ్గా రీ-రిలీజ్ చేయబోతున్నారు. ఈ మేరకు కౌంటింగ్ మొదలైంది. ఇంకా 8 రోజుల్లో అంటూ, మేకర్స్ వదిలిన పోస్టర్ వైరల్ అవుతోంది. ఈ పోస్టర్లో ప్రభాస్, ఇలియానా రొమాంటిక్ మూడ్లో ఉన్నారు. ఇది సాంగ్కి సంబంధించిన పోస్టర్. ఈ పోస్టర్లో ఇలియానా అందాలు మాములుగా లేవు. ప్రభాస్ మాస్ మేనరిజమ్స్ను మళ్ళీ వెండితెరపై చూసేందుకు అభిమానులు సిద్ధమవుతున్నారు.
వైరల్ అవుతున్న ప్రభాస్, ఇలియానా పోస్టర్
టాలీవుడ్ ప్రముఖ నిర్మాణ సంస్థలలో ఒకటైన శ్రీ వెంకటేశ్వర క్రియేషన్స్ (SVC) బ్యానర్పై దిల్ రాజు (Dil Raju) ఈ చిత్రాన్ని గ్రాండ్గా నిర్మించారు. ఈ సినిమాకు రాక్స్టార్ హారిస్ జయరాజ్ అందించిన సంగీతం అప్పట్లో సెన్సేషన్ సృష్టించింది. ముఖ్యంగా ఇందులోని పాటలు ఇప్పటికీ శ్రోతలను ఉర్రూతలూగిస్తూనే ఉన్నాయి. ఈ రీ-రిలీజ్ పోస్టర్లో ప్రభాస్, ఇలియానా కెమిస్ట్రీతో పాటు బ్యాక్గ్రౌండ్లో కనిపిస్తున్న వర్షం ఎఫెక్ట్ సినిమాలోని విజువల్స్ ఎంత బాగుంటాయో గుర్తుచేస్తోంది. స్టైలిష్ యాక్షన్ మూవీగా గుర్తింపు పొందిన ‘మున్నా’ మళ్ళీ థియేటర్లలోకి వస్తుండటంతో బాక్సాఫీస్ వద్ద ఎలాంటి సందడి నెలకొంటుందో అని అంతా ఆతృతగా ఎదురు చూస్తున్నారు. రీసెంట్గా వచ్చిన ‘ది రాజా సాబ్’ (The Raja Saab) చిత్రంతో ప్రేక్షకులను మెప్పించలేక పోయిన ప్రభాస్.. ఈ రీ రిలీజ్తో ఫ్యాన్స్కు ట్రీట్ ఇవ్వబోతున్నారనమాట.
మున్నా సినిమా ప్రత్యేకతలు
ఈ చిత్రంలో ప్రకాష్ రాజ్ పోషించిన విలన్ పాత్ర, ప్రభాస్ మధ్య జరిగే మైండ్ గేమ్స్ ప్రేక్షకులకు మంచి కిక్ ఇస్తాయి. కొరటాల శివ మాటలు, సి. రామ్ ప్రసాద్ విజువల్స్ ఈ సినిమాకు ప్రధాన బలం. ప్రస్తుత సోషల్ మీడియా కాలంలో ప్రభాస్ ఇమేజ్ గ్లోబల్ లెవల్కు చేరుకోవడంతో, ఈ ఓల్డ్ క్లాసిక్ సినిమాకు యూత్ నుంచి భారీ రెస్పాన్స్ వచ్చే అవకాశం ఉంది. మార్చి 6 కోసం వెయిటింగ్ అంటూ.. అప్పుడే ప్రభాస్ ఫ్యాన్స్ నెట్టింట రచ్చ చేస్తున్నారు. థియేటర్లలో మాస్ సెలబ్రేషన్స్ చేసుకోవడానికి అన్నీ సిద్ధం చేస్తున్నారు. చూద్దాం మరి.. రీ రిలీజ్ ట్రెండ్లో ఈ సినిమా ఎలాంటి రికార్డులను క్రియేట్ చేస్తుందో..
మొత్తానికి ప్రభాస్ ‘మున్నా’ రీ-రిలీజ్తో మరోసారి టాలీవుడ్లో సందడి నెలకొననుంది. పాత జ్ఞాపకాలను గుర్తు చేసుకుంటూ, అభిమానులు ఈ సినిమాను ఎలా ఆదరిస్తారో చూడాలి.
