📌 Key Points
- ఎన్టీఆర్-ప్రశాంత్ నీల్ సినిమాలో ధురంధర్ నటుడు బిమల్ ఒబెరాయ్ నటించనున్నారు.
- దర్శకుడు ప్రశాంత్ నీల్ స్వయంగా బిమల్ ఒబెరాయ్కు ఫోన్ చేసి అవకాశం ఇచ్చారట.
- సినిమాలో బిమల్ పాత్ర నెగటివ్ షేడ్స్లో ఉండొచ్చని అంచనాలున్నాయి.
- ఈ సినిమా 2027లో విడుదల కానుందని సమాచారం.
యంగ్ టైగర్ ఎన్టీఆర్, ప్రశాంత్ నీల్ దర్శకత్వంలో వస్తున్న సినిమాలో ధురంధర్ సినిమా నటుడు బిమల్ ఒబెరాయ్ కీలక పాత్రలో నటించనున్నారు. ఈ విషయాన్ని స్వయంగా ఆయనే వెల్లడించారు. దీంతో అభిమానుల్లో ఆసక్తి నెలకొంది.
ఎన్టీఆర్ సినిమాలో ధురంధర్ నటుడు
Jr.NTR -Neel: టాలీవుడ్ స్టార్ హీరో గాడ్ ఆఫ్ మాసెస్ యంగ్ టైగర్ ఎన్టీఆర్ ప్రస్తుతం ప్రశాంత్ నీల్ దర్శకత్వంలో ఓ సినిమా చేస్తున్న సంగతి తెలిసిందే. ఈ సినిమా ప్రస్తుతం డ్రాగన్ అనే వర్కింగ్ టైటిల్ తో షూటింగ్ పనులను జరుపుకుంటుంది. ఈ సినిమా గత ఏడాది నుంచి షూటింగ్ పనులను ప్రారంభించినప్పటికీ చాలా ఆలస్యంగానే షూటింగ్ జరుగుతుందని తెలుస్తుంది . ఇప్పటివరకు కేవలం 40 శాతం షూటింగ్ పనులు మాత్రమే పూర్తి అయ్యాయని సమాచారం. ఇక ఈ సినిమాను 2027 సంవత్సరంలో విడుదల చేయడం కోసం ప్రశాంత్ నీల్ (Prashanth Neel)ప్లాన్ చేస్తున్నారు.
ఇక ఈ సినిమా భారీ యాక్షన్ సినిమాగా ప్రేక్షకుల ముందుకు రాబోతున్న సంగతి తెలిసిందే. ఇప్పటివరకు ఈ సినిమాకు సంబంధించి డైరెక్టర్ ప్రశాంత్ ఏ విధమైనటువంటి అప్డేట్స్ వెల్లడించలేదు. అయితే తాజాగా ఈ సినిమాకు సంబంధించి ఒక వార్త సోషల్ మీడియాలో వైరల్ అవుతుంది. ఈ సినిమాలో ఒక కీలక పాత్రలో ధురంధర్ (Dhurandhar) నటుడు బిమల్ ఒబెరాయ్ (Bimal oberoi)నటించబోతున్నారు అంటూ వార్తలు వస్తున్నాయి అయితే ఈ విషయాన్ని స్వయంగా నటుడు ఒక ఇంటర్వ్యూ సందర్భంగా తెలియచేయడ విశేషం. బిమల్ ఒబెరాయ్ ధురంధర్ సినిమా మొదటి భాగంలో తన నటనతో పెద్ద ఎత్తున ప్రేక్షకులను ఆకట్టుకున్నారు.
బిమల్ ఒబెరాయ్కు అవకాశం ఇచ్చిన ప్రశాంత్ నీల్
ఈ నేపథ్యంలోనే ఈయన నటనకు ఫిదా అయినా డైరెక్టర్ ప్రశాంత్ ఏకంగా తనకు ఫోన్ చేసి మరి ఎన్టీఆర్ (NTR)సినిమాలో అవకాశం కల్పించారని తెలియజేశారు. ఈ సందర్భంగా బిమల్ ఒబెరాయ్ మాట్లాడుతూ..ధురంధర్ సినిమా విడుదలైన తర్వాత డైరెక్టర్ ప్రశాంత్ నుంచి తనకు ఫోన్ కాల్ వచ్చిందని తెలిపారు. ఎన్టీఆర్ హీరోగా చేస్తున్న సినిమా కోసం తనని సంప్రదించారని అలాగే తనపై ఫోటోషూట్ కూడా చేశారని బిమల్ తెలిపారు. ఫోటోషూట్ కూడా ఓకే అయిందని ఇలా ఎన్టీఆర్, ప్రశాంత్ నీల్ వంటి స్టార్స్ సినిమాలో తనకు అవకాశం రావడం నిజంగా తన అదృష్టం అంటూ ఈయన తన సంతోషాన్ని వ్యక్తపరిచారు.
నెగిటివ్ పాత్రలో ధురంధర్ నటుడు?
నెగటివ్ పాత్రలో ధురంధర్ నటుడు?
ఇలా ఎన్టీఆర్ సినిమాలో ధురంధర్ నటుడు నటించబోతున్న విషయం గురించి ఆయన స్వయంగా చెప్పడంతో ఎలాంటి పాత్రలో నటించబోతున్నారనే విషయంపై చర్చలు జరుగుతున్నాయి ఈయన నెగిటివ్ పాత్రలో నటించబోతున్నారా? ఎన్టీఆర్ కు వ్యతిరేకంగా ఈయన పాత్ర ఉండబోతుందా అంటూ ఎన్నో సందేహాలను వ్యక్తపరుస్తున్నారు. మరి ఈ విషయాలపై క్లారిటీ రావాలి అంటే చిత్ర బృందం అధికారకంగా స్పందించాల్సి ఉంది. ఇలా ఈ సినిమాలో ధురంధర్ నటుడు నటించబోతున్నారంటూ వార్తలు వచ్చిన నేపథ్యంలో ప్రశాంత్ ఈ సినిమాని భారీగానే ప్రేక్షకుల ముందుకు తీసుకురాబోతున్నారు అంటూ అభిమానులు భావిస్తున్నారు.
మొత్తానికి ఎన్టీఆర్, ప్రశాంత్ నీల్ కాంబినేషన్లో వస్తున్న ఈ సినిమాలో బిమల్ ఒబెరాయ్ ఉండటం సినిమాపై అంచనాలను మరింత పెంచుతోంది. ఆయన పాత్ర ఎలా ఉండబోతుందో వేచి చూడాలి.
