📌 Key Points
- చిన్నప్పుడు ఆటో డ్రైవర్ కావాలనుకున్న ఆర్జీవీ.. యాక్సిలరేటర్ శబ్దం అంటే పిచ్చి ఇష్టమట!
- పదేళ్ల వయసులో ఆటో డ్రైవర్.. పదిహేనేళ్లకి అడవిలో జీవితం గడపాలని కలలు!
- ఇంజనీర్ నుండి డైరెక్టర్ వరకు.. రామ్ గోపాల్ వర్మ జీవితంలో ఊహించని మలుపులు!
- ఎనిడ్ బ్లైటన్ నుండి జేమ్స్ హాడ్లీ చేజ్ వరకు.. వర్మ చదివిన పుస్తకాలెన్నో!
రామ్ గోపాల్ వర్మ గురించి ఒక సంచలన విషయం బయటకు వచ్చింది. ఆయన డైరెక్టర్ కాకముందు ఏం అవ్వాలనుకున్నారో తెలిస్తే షాక్ అవుతారు. ఆ వివరాలు ఇప్పుడు చూద్దాం!
చిన్ననాటి కలలు: ఆటో డ్రైవర్ కావాలనుకున్న వర్మ!
ఫిల్మ్ ఇండస్ట్రీలో సంచలనాల దర్శకుడిగా పేరుతెచ్చుకున్నాడు రామ్ గోపాల్ వర్మ. ముక్కుసూటిగా మాట్లాడటం, నచ్చిన సబ్జెక్ట్ ను సినిమాగా తీయ్యడం, వివాదాలతో ఆటలాడటం, విమర్శలకు తనదైన స్టైల్లో సమాధానం చెప్పడం వర్మకు బాగా అలవాటు అయిన పని. ఈమధ్య కాస్త కామ్ అయ్యాడు కానీ.. గతంలో వర్మ చేసిన పనులు అన్నీ ఇన్నీ కావు. ఆయన మాట్లాడే సంచలనం, పోస్ట్ పెడితే వివాదం.. సినిమాలతో పొలిటికల్ హీట్ పుట్టించిన ఆర్జీవి.. ప్రస్తుతం సైలెంట్ గా తన పని తాను చేసుకుంటున్నాడు.
సినిమాలు మాత్రమే కాదు.. వర్మ సోషల్ మీడియా సంచలనం కూడా. ఆయన తన పేజ్ లో పెట్టే పోస్ట్ లు ఎన్నో కాంట్రవర్సీలకు కారణం అయ్యాయి. తనకు నచ్చిన విషయాలు.. తన మనసులోని భావాలను తరచూ సోషల్ మీడియాలో పంచుకుంటూ ఉంటారు. తాజాగా ఆయన తన చిన్ననాటి కలల గురించి, జీవితం ఎలా మారుతూ వచ్చిందో వివరిస్తూ ఆసక్తికర వ్యాఖ్యలు చేశాడు వర్మ.
అడవిలో జీవితం: ఆర్జీవీ మనసు మార్చిన కజిన్!
డైరెక్టర్ అవ్వకుండా ఉండి ఉంటే.. తాను ఏమవ్వాలనుకున్నది ఆర్జీవి వెల్లడించారు. తనకు సుమారు పదేళ్ల వయసు ఉన్నప్పుడు ఆటో అంటే చాలాక్రేజ్ ఉండేదట. ఆటో రిక్షా డ్రైవర్ కావాలనే కోరిక బలంగా ఉండేదని వర్మ గుర్తుచేసుకున్నారు. ఆటో యాక్సిలరేటర్ పెంచినప్పుడు వచ్చే సౌండ్ అంటే తనకు ఎంతో ఇష్టమట.. ఆ శబ్ధం తనను విపరీతంగా ఆకర్షించేదని ఆయన తెలిపారు. ఆ శబ్దం పట్ల ఉన్న ఆకర్షణ వల్లే తాను ఆటో ట్రైవర్ అవ్వాలని అనుకున్నట్టు వర్మ వెల్లడించారు.
పదిహేనేళ్ల వయసులో తన కజిన్ను చూసి.. ఫారెస్ట్ లోకి వెళ్లాలని అనుకున్నాడు వర్మ.. అడవిలో జీవించాలని అనుకున్నాడు. మరికొన్నిరోజులకు ఆర్జీవి ఆలోచన మారిపోయింది.. కొన్నాళ్లు ఇంజనీర్ కావాలనిపించింది. అలా అలా తన ఆలోచనలు మారిపోయి చివరకు రామ్ గోపాల్ వర్మ డైరెక్టర్ అవ్వాలని ఫిక్స్ అయ్యారట. ఈ విషయాన్ని ఆర్జీవి వెల్లడించారు.
డైరెక్టర్ వరకు: వర్మ సినీ ప్రస్థానం!
చదువుల విషయానికొస్తే, ఒకప్పుడు ఎనిడ్ బ్లైటన్ రచనలు విపరీతంగా చదివేవాడినని చెప్పారు. అయితే తరువాత జేమ్స్ హాడ్లీ చేజ్ పుస్తకాలు పరిచయమయ్యాక వాటి వైపు వెళ్లిపోయాను.. . ఆ సమయంలో జేమ్స్ హాడ్లీ చేజ్ కంటే గొప్ప రచయిత లేడనుకునేవాడినని వర్మ తెలిపారు. కానీ కొన్నేళ్లకు ఫ్రెడరిక్ ఫోర్సెత్ రచనలు చదివిన తర్వాత తన అభిప్రాయాలు మారిపోయాయని ఆయన చెప్పారు.
జీవితంలో అనుభవాల గురించి వర్మ మాట్లాడుతూ.. “మనందరం కొత్త అనుభవాల ద్వారా మారుతూ ఉంటాం. అవి మన ప్రమాణాలను, బెంచ్మార్క్లను పెంచుతాయి” అని అన్నారు.తన కెరీర్ మొత్తం ఈ బెంచ్మార్క్లను ఆధారంగా చేసుకుని సినిమాలు తీశానని, ముఖ్యంగా ‘గాడ్ ఫాదర్’ తనపై అత్యధిక ప్రభావం చూపిందని రామ్ గోపాల్ వర్మ వెల్లడించారు.
రామ్ గోపాల్ వర్మ చిన్ననాటి కలల గురించి తెలుసుకున్నారు కదా. ఆయన సినీ జీవితానికి సంబంధించిన మరిన్ని అప్డేట్స్ కోసం చూస్తూనే ఉండండి.
