📌 Key Points
- జీ7 సదస్సులో మోడీని “ప్రశాంతమైన, తిరుగులేని యోధుడు” అని ట్రంప్ ప్రశంసించారు.
- గతంలోనూ మోడీ నాయకత్వశైలిని, ధైర్యాన్ని ట్రంప్ పలుమార్లు కొనియాడారు.
- “మోడీ నాకు మంచి స్నేహితుడు, నాన్నలా కనిపిస్తాడు, కిల్లర్ కూడా” అని ట్రంప్ గతంలో అన్నారు.
- ప్రస్తుత జీ7లో మోడీ, ట్రంప్ మధ్య గత అనుబంధం కనిపించకపోయినా, ప్రశంసలు కొనసాగాయి.
జీ7 దేశాల సమావేశంలో అమెరికా మాజీ అధ్యక్షుడు డొనాల్డ్ ట్రంప్ భారత ప్రధాని నరేంద్ర మోడీపై ప్రశంసల జల్లు కురిపించారు. మోడీ ప్రశాంతంగా కనిపించే తిరుగులేని యోధుడని ట్రంప్ పేర్కొనడం అంతర్జాతీయంగా చర్చనీయాంశమైంది. గతంలోనూ మోడీ నాయకత్వాన్ని ట్రంప్ పలుమార్లు కొనియాడారు.
ట్రంప్ నోట మోడీపై ప్రశంసల జల్లు
జీ 7 దేశాల నాయకుల సమావేశం సందర్భంగా అమెరికా అధ్యక్షుడు ట్రంప్ ప్రధాని మోడీపై ప్రశంలు కురిపించారు. మోడీ చాలా ప్రశాంతమైన వ్యక్తి, తిరుగులేని యోధుడు కానీ నేను అలా కాదు అంటూ ట్రంప్ ప్రపంచ నాయకులకు మోడీని చూపిస్తూ మాట్లాడారు. మోడీ ధైర్యంగా ఉంటారని చెప్పారు. అయితే ట్రంప్ మోడీపై ప్రశంసలు కురిపించడం ఇది మొదటిసారి కాదు. గతంలోనూ చాలాసార్ల మోడీని ప్రశ్నించారు. 2024లో అమెరికా అధ్యక్ష ఎన్నికలకు ముందు సైతం ట్రంప్ మోడీపై పొగడ్తలు కురిపించారు. మోడీ నాకు మంచి స్నేహితుడు, మంచి మనిషి పైకి చూస్తే నాన్నలా కనిపిస్తాడని అన్నారు. అదే సమయంలో ఒక కిల్లర్ కూడా అంటూ ఆయన ధైర్యాన్ని కీర్తిస్తూ వ్యాఖ్యానించారు.
గతేడాది జరిగిన ఆసియా పసిఫిక్ ఎకనామిక్ కో ఆపరేషణ్ సదస్సులోనూ ట్రంప్ మోడీ నాయకత్వశైలిని ప్రశంసించారు. ప్రధాని మోడీ చూడటానికి చాలా బాగుంటారు కానీ ఆయన అత్యంత కఠినమైన వ్యక్తి అని అన్నారు. పాకిస్థాన్ తో యుద్ధాన్ని ఆపేయాలని కోరినప్పుడు లేదు మేము ఫైట్ చేస్తాం అంటూ సమాధానం ఇచ్చారని, అప్పుడు తాను చూస్తున్నది మోడీనేనా అని అనుకున్నానని చెప్పారు. ఇదిలా ఉంటే ప్రస్తుతం జరుగుతున్న జీ7 సమావేశాల్లో మోడీ, ట్రంప్ ల మధ్య గతంలో కనిపించిన అనుబంధం మాత్రం కనిపించలేదు. గతంలో వీరిద్దరూ ఎప్పుడూ కలుసుకున్నా ఆలింగనం చేసుకునేవాళ్లు. కానీ మంగళవారం జరిగిన సమావేశంలో షేక్ హ్యాండ్ ఇచ్చుకున్నారు. తరవాత కూడా ఇద్దరూ పెద్దగా పలకరించుకోలేదు. కానీ బుధవారం ట్రంప్ మోడీని ప్రశంసించడంతో పరిస్థితి సాధారంగానే అనిపించింది.
గతంలోనూ మోడీని మెచ్చిన ట్రంప్
జీ7లో మారిన ఇద్దరి బంధం
మొత్తం మీద, జీ7 సదస్సులో మోడీ, ట్రంప్ మధ్య గత అనుబంధం కనిపించకపోయినా, ట్రంప్ మోడీపై ప్రశంసలు కురిపించడం వారి మధ్య రాజకీయ సంబంధాల ప్రాముఖ్యతను మరోసారి చాటింది. ఈ ప్రశంసలు అంతర్జాతీయ వేదికపై మోడీ స్థానాన్ని మరింత పటిష్టం చేశాయి.
