📌 Key Points
- సీనియర్ నటుడు రఘునాథ్ రెడ్డి గుండెపోటుతో మృతి చెందారు.
- రఘునాథ్ రెడ్డి 370కి పైగా సినిమాల్లో నటించారు, తెలుగుతో పాటు ఇతర భాషల్లోనూ గుర్తింపు పొందారు.
- గత నెల రోజుల క్రితమే రఘునాథ్ రెడ్డి కుమారుడు సుధాకర్ రెడ్డి కూడా గుండెపోటుతో మరణించారు.
- శోభన్ బాబు నటించిన ‘సర్పయాగం’ సినిమాతో రఘునాథ్ రెడ్డి నటుడిగా పరిచయమయ్యారు.
టాలీవుడ్ ఇండస్ట్రీలో మరో విషాదం చోటుచేసుకుంది. సీనియర్ నటుడు రఘునాథ్ రెడ్డి గుండెపోటుతో మరణించారు. ఆయన మృతితో చిత్ర పరిశ్రమలో తీవ్ర దిగ్భ్రాంతి నెలకొంది. ఆయన కుటుంబ సభ్యులకు ప్రగాఢ సానుభూతి తెలుపుతున్నారు.
గుండెపోటుతో రఘునాథ్ రెడ్డి మృతి
Tollywood: ఇటీవల కాలంలో సినిమా ఇండస్ట్రీకి సంబంధించిన సెలెబ్రిటీలు వరుసగా మరణించడంతో ఇండస్ట్రీలో విషాద ఛాయలు అలముకున్నాయి. కొత్త సంవత్సరంలోకి అడుగుపెట్టిన తర్వాత పలువురు సెలబ్రిటీలు వివిధ కారణాలతో మరణించారు అయితే తాజాగా తెలుగు చిత్ర పరిశ్రమలో కూడా విషాదఛాయలు అలుముకున్నాయి. టాలీవుడ్ ఇండస్ట్రీలో నటుడుగా ఎంతో మంచి గుర్తింపు సంపాదించుకున్న వారిలో రఘునాథ్ రెడ్డి(Raghunath Reddy) ఒకరు. టాలీవుడ్ ఇండస్ట్రీలో సీనియర్ హీరోల సినిమాలలో తండ్రి పాత్రలో నటించి ప్రేక్షకులను మెప్పించిన ఈయన నేడు గుండెపోటు(Heart Attack) కారణంగా మరణించారు.
ఇలా తెలుగు చిత్ర పరిశ్రమలో సుమారు 370 కి పైగా సినిమాలలో నటించిన రఘునాథ్ రెడ్డి ఇకలేరనే వార్త తెలుగు చిత్ర పరిశ్రమను ఎంతగానో కృంగదీస్తోంది. ఈయన కేవలం తెలుగులో మాత్రమే కాకుండా హిందీ, తమిళ బోజ్ పురి సినిమాలలో కూడా నటించినటుడిగా మంచి గుర్తింపు పొందారు. ఇక బుల్లితెర సీరియల్స్ లో కూడా నటించి రఘునాథ్ రెడ్డి బుల్లితెర ప్రేక్షకులను కూడా ఆకట్టుకున్నారు. ఇలా వందల సినిమాలలో నటిస్తూ కెరియర్ పరంగా ఇండస్ట్రీలో ఎంతో పేరు ప్రఖ్యాతలను సొంతం చేసుకున్న ఈయన మరణ వార్త తెలిసిన అభిమానులు తోటి నటీనటులు షాక్ అవుతూ ఈయన మరణం పై స్పందిస్తూ సంతాపం తెలియజేస్తున్నారు.
రఘునాథ్ రెడ్డి సినీ ప్రస్థానం
ఇకపోతే గత నెల రోజుల క్రితమే రఘునాథ్ రెడ్డి ఇంట్లో విషాదం నెలకొంది. ఈయన కుమారుడు సుధాకర్ రెడ్డి (Sudhakar Reddy) నెల రోజుల క్రితమే గుండెపోటుతో మరణించారు. ఇలా కొడుకు మరణ వార్తను జీర్ణించుకోలేకపోయినా రఘునాథ్ రెడ్డి ఎంతో మానసికక్షోభ అనుభవించారు. ఇలా కొడుకు మరణాన్ని తట్టుకోలేకపోయిన రఘునాథ్ రెడ్డి కూడా గుండెపోటుతో మరణించటం బాధాకరం. ఇక ఈయనకు ఒక కుమారుడు ఇద్దరు కుమార్తెలు ఉన్నారు. ఇలా నెలరోజుల వ్యవధిలోని ఈయన కుటుంబంలో రెండు విషాద ఘటనలు చోటు చేసుకోవడంతో నటీనటులు తీవ్ర దిగ్భ్రాంతి వ్యక్తం చేస్తున్నారు.
రఘునాథ్ రెడ్డి నటించిన సినిమాలు..
కుటుంబంలో నెల రోజుల వ్యవధిలో విషాదం
ఇక రఘునాథ్ రెడ్డి నటించిన సినిమాల విషయానికి వస్తే.. పరుచూరి బ్రదర్స్ దర్శకత్వంలో శోభన్ బాబు హీరోగా నటించిన సర్పయాగం అనే సినిమాతో నటుడిగా ఇండస్ట్రీకి పరిచయమయ్యారు. శీను, శ్రీమతి వెళ్ళొస్తా,పెళ్లి పందిరి, స్వయంవరం, కలెక్టర్ గారు, సంక్రాంతి, సైనికుడు, శ్రీరామరాజ్యం వంటి తదితర సినిమాలలో నటించి మంచి గుర్తింపు సంపాదించుకున్నారు. ఇలా వెండితెరపై బుల్లితెరపై తన నటనతో ప్రేక్షకులను మెప్పించిన రఘునాథ్ రెడ్డి మరణ వార్త తెలిసిన అభిమానులు కూడా షాక్ అవుతున్నారు.
రఘునాథ్ రెడ్డి మరణం టాలీవుడ్కు తీరని లోటు. ఆయన కుటుంబానికి ప్రగాఢ సానుభూతి తెలుపుతూ, ఆయన ఆత్మకు శాంతి చేకూరాలని కోరుకుందాం. ఆయన సినిమాల ద్వారా ఎప్పటికీ మన గుండెల్లో నిలిచిపోతారు.
