బాలీవుడ్ క్రేజీ కథానాయిక శ్రద్ధా కపూర్ దక్షిణాది చిత్రాలపై ఆసక్తి చూపుతున్నారు. విజయ్ సేతుపతితో తమిళంలో అరంగేట్రం చేసే అవకాశముందని సమాచారం. మగిళ్ తిరుమేణి దర్శకత్వంలో ఈ ప్రాజెక్ట్ తెరకెక్కనుండగా, సంజయ్ దత్ విలన్గా నటించే సూచనలున్నాయి.
Key Points
నటి శ్రద్ధా కపూర్ బాలీవుడ్లో 15 ఏళ్లు పూర్తి చేసుకున్నారు.
దక్షిణాది చిత్రాలపై శ్రద్ధా కపూర్ ఆసక్తి చూపుతున్నారు, కోలీవుడ్లో అరంగేట్రానికి సిద్ధమవుతున్నారు.
విజయ్ సేతుపతి సరసన మగిళ్ తిరుమేణి దర్శకత్వంలో తమిళ అరంగేట్రం చేసే అవకాశం ఉంది.
ఈ చిత్రంలో సంజయ్ దత్ విలన్గా నటించే చర్చలు జరుగుతున్నాయి, అధికారిక ప్రకటన వెలువడాల్సి ఉంది.
శ్రద్ధా కపూర్ దృష్టి దక్షిణాది చిత్రాలపై
బాలీవుడ్లో క్రేజీ కథానాయికల్లో ఒకరుగా రాణిస్తున్న నటి శ్రద్ధాకపూర్( Shraddha Kapoor ). అందాల ఆరబోతకు వెనుకాడని ఈ అమ్మడు కథానాయకిగా 15 ఏళ్లు పూర్తిచేసుకున్నారు. ఇటీవల స్త్రీ–2 చిత్రంతో మంచి విజయాన్ని అందుకున్నారు. 38 ఏళ్ల ఈ మహారాష్ట్ర బ్యూటీ ఆ మధ్య ప్రభాస్కు జంటగా సాహో చిత్రం ద్వారా టాలీవుడ్ ప్రేక్షకులను పలకరించారు. చాలా మంది బాలీవుడ్ భామలు దక్షిణాది చిత్రాల్లో నటించడానికి ఆసక్తి చూపుతున్నారు.
విజయ్ సేతుపతితో తమిళ అరంగేట్రం?
అదేవిధంగా శ్రద్ధాకపూర్ దృష్టి దక్షిణాదిపై పడింది. ఇప్పటివరకు కోలీవుడ్లో నటించని ఈ బ్యూటీకి తాజాగా ఆ కోరిక నెరవేరబోతోందని సమాచారం. ఇంతకుముందు అజిత్ హీరోగా విడాముయర్చి చిత్రాన్ని తెరకెక్కించిన దర్శకుడు మగిళ్ తిరుమేణి ఆ చిత్రం ఆశించిన విజయాన్ని సాధించకపోవడంతో చిన్నగ్యాప్ తీసుకున్నారు. తాజాగా తన తర్వాత చిత్రానికి రెడీ అవుతున్నట్లు సమాచారం.
విలన్గా సంజయ్ దత్ పాత్ర చర్చలు
దీన్ని ఆయన తమిళం, హిందీ భాషల్లో రూపొందించనున్నట్లు తెలిసింది. ఇందులో విజయ్సేతుపతి హీరోగా నటించనున్నారని, ఆయనకు జంటగా శ్రద్ధాకపూర్ను నటింపజేయడానికి చర్చలు జరుగుతున్నట్లు తెలిసింది. అదేవిధంగా సంజయ్దత్ను విలన్ పాత్రలో నటింపజేసే ప్రయత్నాలు జరుగుతున్నట్లు సమాచారం. అయితే దీనికి సంబంధించిన అధికారిక ప్రకటన వెలువడాల్సి ఉంది.
శ్రద్ధా కపూర్ దక్షిణాది ఎంట్రీ కోసం ప్రేక్షకులు ఆసక్తిగా ఎదురుచూస్తున్నారు. ఈ ప్రతిష్టాత్మక ప్రాజెక్ట్పై అధికారిక ప్రకటన వెలువడాల్సి ఉంది. ఇది ఆమె కెరీర్కు టర్నింగ్ పాయింట్ కానుంది.
