జబర్దస్త్ కమెడియన్ సుడిగాలి సుధీర్ తన 5వ పాన్ ఇండియా సినిమాతో రాబోతున్నారు. ఈ చిత్రానికి ‘హైలెస్సో’ అనే టైటిల్ను ఖరారు చేస్తూ, పవర్ ఫుల్ ఫస్ట్ లుక్ పోస్టర్ను విడుదల చేశారు. ఈ పోస్టర్ ప్రేక్షకుల్లో భారీ అంచనాలను పెంచుతోంది. త్వరలోనే షూటింగ్ ప్రారంభం కానుంది.
Key Points
సుడిగాలి సుధీర్ నటిస్తున్న 5వ సినిమా పాన్ ఇండియా ప్రాజెక్టుగా తెరకెక్కుతోంది.
ఈ సినిమాకు 'హైలెస్సో' అనే టైటిల్ను ఖరారు చేస్తూ, ఫస్ట్ లుక్ పోస్టర్ను విడుదల చేశారు.
అమ్మవారి రూపంలో ఉన్న కాలు, రక్తం కారుతున్న కత్తితో కూడిన పోస్టర్ ఆసక్తిని రేకెత్తిస్తోంది.
నక్ష సరన్, అక్షర గౌడ, నటాషా సింగ్ ఈ చిత్రంలో హీరోయిన్లుగా నటిస్తున్నారు.
సుధీర్ పాన్ ఇండియా మూవీ వివరాలు
జబర్దస్త్ కమెడియన్ సుడిగాలి సుధీర్(Sudigali Sudheer) ఓ పాన్ ఇండియా సినిమా ప్రకటన చేసి అందరిని షాక్కు గురి చేశాడు. ఆయన కెరీర్ లో 5 వ సినిమాగా రాబోతుంది. ఈ చిత్రానికి కుమార్కోట దర్శకత్వం వహిస్తుండగా.. వజ్రవరాహి సినిమాస్ బ్యానర్పై శివ చెర్రీ, రవి కిరణ్ నిర్మిస్తున్నారు. ఇందులో సుధీర్ సరసన నక్ష సరన్(Naksha Saran), అక్షర గౌడ(Akshara Gowda), నటాషా సింగ్ హీరోయిన్లుగా నటిస్తుండగా.. హీరో శివాజి, అనుదీప్, ప్రసాద్, నరేష్ కీలక పాత్రలో కనిపించబోతున్నారు. తెలుగు, తమిళ, మలయాళ, కన్నడ భాషల్లో తెరకెక్కుతోంది.
తాజాగా, ఈ సినిమాకు సంబంధించిన టైటిల్, ఫస్ట్ పోస్టర్ రిలీజ్ చేసి మూవీ మేకర్స్ అందరినీ ఆశ్చర్యానికి గురి చేశారు. ఈ మూవీకి ‘హైలెస్సో’ టైటిల్ ఫిక్స్ చేస్తూ.. ఓ అమ్మవారి రూపంలో ఉన్న ఒక కాలును అన్నంతో ఉన్న విస్తరాకులో పెట్టినట్లు, రక్తం కారుతున్న కత్తిని పట్టుకుని ఉన్న పోస్టర్ షేర్ చేశారు. ఇక ఇందులో మెట్టెలు కూడా ఉండటం గమనార్హం. ప్రస్తుతం ఈ పోస్టర్ ప్రేక్షకుల్లో అంచనాలను రెట్టింపు చేస్తున్నాయి. ఈ చిత్రానికి సంబంధించిన షూటింగ్ త్వరలోనే ప్రారంభం కాబోతున్నట్లు తెలుపుతూ.. ‘‘మన పవిత్ర దేవుడి భయంకరమైన అవతారంలో రాబోతుంది.. మన సంస్కృతికి సంబంధించిన దైవిక, పాతుకుపోయిన కథ మీ అందరినీ పులకరింపజేయడానికి వస్తోంది. థ్రిల్ను ఆస్వాదించడానికి సిద్ధంగా ఉండండి’’ అనే క్యాప్షన్ జత చేశారు.
‘హైలెస్సో’ టైటిల్, ఫస్ట్ లుక్ సంచలనం
పోస్టర్ హైలైట్స్, కథా నేపథ్యం
సుడిగాలి సుధీర్ ‘హైలెస్సో’ సినిమాతో తన కెరీర్లో మరో మైలురాయిని చేరుకోవడానికి సిద్ధంగా ఉన్నాడు. పోస్టర్, టైటిల్ చూస్తుంటే ఇదొక భిన్నమైన, ఉత్కంఠభరితమైన అనుభూతినిస్తుందని తెలుస్తోంది. ఈ చిత్రం కోసం అభిమానులు ఆసక్తిగా ఎదురుచూస్తున్నారు.
