నవదంపతులు వరుణ్ తేజ్, లావణ్య త్రిపాఠి తమ ముద్దుల కొడుకుకు ‘వాయువ్ తేజ్’ అనే పవర్ఫుల్ పేరు పెట్టారు. హనుమాన్ స్ఫూర్తితో ఎంపిక చేసిన ఈ పేరు వెనుక ఉన్న ఆసక్తికరమైన కారణాలను వరుణ్ స్వయంగా వెల్లడించారు. కొణిదెల కుటుంబంలోకి కొత్త సభ్యుడికి ఘన స్వాగతం పలికారు.
Key Points
వరుణ్ తేజ్, లావణ్య తమ కొడుకుకు 'వాయువ్ తేజ్' అని పవర్ఫుల్ పేరు పెట్టారు.
హనుమాన్ స్ఫూర్తితో ఈ పేరును ఎంచుకున్నారు, దీనికి అజేయమైన శక్తి, భక్తి అర్థాలు ఉన్నాయి.
చిరంజీవి తన మనవడికి సాదర స్వాగతం పలుకుతూ, దంపతులకు శుభాకాంక్షలు తెలిపారు.
వరుణ్, లావణ్య ఇటలీలో పెళ్లి చేసుకున్నారు, ఇటీవల తల్లిదండ్రులైన విషయాన్ని ప్రకటించారు.
వాయువ్ తేజ్: పేరు వెనుక ఆసక్తికర కారణం
కొణిదెల కుటుంబంలోకి ఈ మధ్యే అడుగుపెట్టిన అబ్బాయికి ఓ పవర్ఫుల్ పేరు పెట్టారు వరుణ్ తేజ్, లావణ్య. తన కొడుక్కి వాయువ్ తేజ్ అనే పేరు పెట్టినట్లు వరుణ్ ఇన్స్టా ద్వారా వెల్లడించాడు. ఈ పేరు పెట్టడం వెనుక ఉన్న కారణాన్ని కూడా ఓ చిన్న వీడియో ద్వారా అతడు వివరించాడు. పేరు యూనిక్గా, అదే సమయంలో చాలా శక్తివంతంగా అనిపిస్తోంది.
కొణిదెల వాయువ్ తేజ్ వచ్చేశాడు
కొణిదెల వరుణ్ తేజ్ , లావణ్య త్రిపాఠీ జోడీకి గత నెలలో కొడుకు పుట్టిన విషయం తెలుసు కదా. అతనికి వాయువ్ తేజ్ అనే పేరు పెట్టినట్లు గురువారం (అక్టోబర్ 2) వరుణ్ ఇన్స్టా ద్వారా తెలిపాడు. “మా గ్రేటెస్ట్ బ్లెస్సింగ్ కు ఇప్పుడో పేరు కూడా వచ్చేసింది” అనే క్యాప్షన్ తో వరుణ్ ఓ చిన్న వీడియో పోస్ట్ చేశాడు.
చిరంజీవి ఆశీస్సులు, మనవడికి స్వాగతం
అందులో హనుమాన్ బ్యాక్డ్రాప్ లో టెక్ట్స్ చూడొచ్చు. “అజేయమైన శక్తి, భక్తి, ధైర్యం, ఆధ్యాత్మిక ప్రకాశాన్ని ప్రతిబింబించే పేరు. ఆ హనుమాన్ స్ఫూర్తిని కొనసాగిస్తూ.. మేము మా ప్రియమైన తనయుడు వాయువ్ తేజ్ కొణిదెలను పరిచయం చేస్తున్నాం” అని ఆ వీడియోలో ఉంది.
వరుణ్, లావణ్య లకు సెప్టెంబర్ 10న కొడుకు పుట్టిన విషయం తెలిసిందే. ఆ విషయాన్ని వరుణ్, చిరంజీవి సోషల్ మీడియా ద్వారా షేర్ చేశారు. వరుణ్, లావణ్య దంపతులకు కంగ్రాట్స్ చెబుతూ చిరు ట్వీట్ చేశాడు. ఈ సందర్భంగా మనవడిని ఎత్తుకున్న ఫొటోను కూడా షేర్ చేశాడు.
“వెల్కమ్ టు ద వరల్డ్ లిటిల్ వన్. కొణిదెల ఫ్యామిలీలోకి మగబిడ్డకు హృదయపూర్వక స్వాగతం. వరుణ్ తేజ్ ఇంకా లావణ్య త్రిపాఠికి తల్లిదండ్రులు అయినందుకు మనస్ఫూర్తిగా అభినందనలు. నాగబాబు ఇంకా పద్మజలు తాతయ్య, నానమ్మలు అయినందుకు చాలా సంతోషంగా ఉంది. బాబుకు అన్నీ సంతోషాలు, మంచి ఆరోగ్యం, ఇంకా ఆశీస్సులు పుష్కలంగా ఉండాలని కోరుకుంటున్నాం. మీ ప్రేమ, ఆశీస్సులు ఎల్లప్పుడూ మా బిడ్డ చుట్టూ ఉండాలి” అని చిరు క్యాప్షన్ ఉంచాడు.
వరుణ్, లావణ్య వివాహం, పేరెంట్స్ అయిన ప్రయాణం
వరుణ్, లావణ్య 2023లో ఇటలీలోని టస్కనీలోని బోర్గో శాన్ ఫెలిస్లో హిందూ సంప్రదాయాల ప్రకారం ఘనంగా పెళ్లి చేసుకున్నారు. ఈ పెళ్లికి అతని కజిన్స్ అయిన రామ్ చరణ్, అల్లు అర్జున్, అల్లు శిరీష్, సాయి తేజ్, పంజా వైష్ణవ్ తేజ్ కూడా హాజరయ్యారు. వాళ్ళ డ్రీమీ వెడ్డింగ్ పిక్చర్స్ సోషల్ మీడియాలో బాగా వైరల్ అయ్యాయి.
రెండు సంవత్సరాల తర్వాత ఈ ఏడాది మేలో ఈ జంట ఒక హార్ట్వార్మింగ్ ఇన్స్టాగ్రామ్ పోస్ట్తో తాము పేరెంట్స్ కాబోతున్నామని అనౌన్స్ చేశారు. ఆ పిక్చర్లో వరుణ్ సున్నితంగా లావణ్య చేతిని పట్టుకుని.. ఒక చిన్న పాపాయి షూస్ను పట్టుకుని ఉన్నాడు. ఆ తర్వాత మాల్దీవ్స్ లో ఎంజాయ్ చేస్తున్న ఫొటోలను కూడా వాళ్లు షేర్ చేశారు.
వరుణ్ తేజ్, లావణ్యల కొడుకు ‘వాయువ్ తేజ్’ పేరు వెనుక ఉన్న ఆధ్యాత్మిక, శక్తివంతమైన కారణం అభిమానులను ఆకట్టుకుంటోంది. కొణిదెల కుటుంబంలోకి అడుగుపెట్టిన ఈ కొత్త సభ్యుడికి సినీ ప్రముఖులు, అభిమానుల నుండి శుభాకాంక్షలు వెల్లువెత్తుతున్నాయి.
