బిగ్బాస్ 9 ఎపిసోడ్ కంటెస్టెంట్ల భావోద్వేగాలతో నిండిపోయింది. కెప్టెన్సీ టాస్క్లో తనూజ గెలవగా, ఆ తర్వాత హౌస్మేట్స్ చిన్ననాటి జ్ఞాపకాలు పంచుకున్నారు. కల్యాణ్, ఇమ్మాన్యుయేల్ వారి కష్టమైన గతాన్ని గుర్తుచేసుకుంటూ కన్నీళ్లు పెట్టుకున్నారు. ఈ భావోద్వేగ ఘట్టాల గురించి వివరంగా చూద్దాం.
Key Points
కెప్టెన్సీ టాస్క్ గెలిచి తనూజ ఫ్యామిలీ వీక్లో హౌస్ కెప్టెన్ అయింది.
హౌస్మేట్స్ తమ చిన్నప్పటి ఫోటోలను చూసి భావోద్వేగానికి లోనయ్యారు.
కల్యాణ్ తన 23 ఏళ్ల జీవితంలో కేవలం నాలుగేళ్లు మాత్రమే పేరెంట్స్తో గడిపానని కన్నీళ్లు పెట్టుకున్నాడు.
ఇమ్మాన్యుయేల్ తాను తల్లి కడుపులో ఉన్నప్పుడు తన తండ్రి వద్దన్నాడని ఆవేదన వ్యక్తం చేశాడు.
కెప్టెన్సీ టాస్క్: తనూజ విజయం
బిగ్బాస్ (Bigg Boss Telugu 9) రాజ్యంలో మహారాజుగా ఉన్న నిఖిల్, రాణులైన తనూజ, రీతూలకు కెప్టెన్సీ టాస్క్ ఇచ్చారు. ఇందులో తనూజ గెలిచి కెప్టెన్ అయింది. అది కూడా సరిగ్గా ఫ్యామిలీ వీక్లో కెప్టెన్ అవడం విశేషం! మరి తర్వాత హౌస్లో ఇంకా ఏమేం జరిగాయో శుక్రవారం (నవంబర్ 14వ) ఎపిసోడ్ హైలైట్స్లో చూసేద్దాం..
నన్నెందుకు ఎత్తుకోలేదు? తనూజ కెప్టెన్ అవగానే భరణి పరుగెత్తుకుంటూ వెళ్లి ఆమెను ఎత్తుకుని తిప్పారు. అది చూసిన దివ్య.. నేను కెప్టెన్ అయినప్పుడు నన్నెందుక ఎత్తుకోలేదని ప్రశ్నించింది. దానికి సమాదానం లేక భరణి నీళ్లు నమిలాడు. హౌస్మేట్స్ చిన్ననాటి జ్ఞాపకాలను గుర్తు చేస్తూ వారి చిన్నప్పటి ఫోటోలను పంపించాడు బిగ్బాస్ . వాటిని చూసిన వెంటనే తనూజ ఎమోషనలైంది. అది గమనించిన కల్యాణ్.. ఏడవకు తనూజ అని బుజ్జగించేందుకు ప్రయత్నిస్తే.. ఆవిడ మాత్రం చిటపటలాడింది.
చస్తా.. ఏడుస్తా.. నువ్వు ఏదైనా అడిగినప్పుడు నన్ను పూర్తిగా సమాధానం చెప్పనివ్వు అని మండిపడింది. నువ్వు ఆన్సర్ చెప్పట్లేదు, ఏడుస్తున్నావ్.. ఏడుపు ఆపేయ్ అనడం తప్పా? అని కల్యాణ్ ( Pawan Kalyan Padala ) అడిగాడు. ఇదే నీలో ఉన్న వరస్ట్ పార్ట్.. ఏదైనా అడిగినప్పుడు దానికి సమాధానం చెప్పనివ్వు. నేను ఏడుస్తానా? చస్తానా? నీకు అనవసరం.. లేకపోతే వదిలెయ్ నన్ను అని చిరాకుపడింది.
కంటెస్టెంట్ల చిన్ననాటి జ్ఞాపకాలు
గుక్కపెట్టి ఏడ్చిన కల్యాణ్ తర్వాత కల్యాణ్ కృష్ణుడి వేషంలో ఉన్న ఫోటో చూసి ఎమోషనలయ్యాడు. నేను పుట్టినప్పుడు నాన్నకు బిజినెస్లో అంతా కలిసొచ్చింది. కొన్నేళ్లకు వాళ్ల ఫ్రెండ్స్ వల్ల జీరోకు వచ్చేశాడు. నన్ను ఫస్ట్ క్లాస్లోనే అత్తయ్య దగ్గరకు పంపారు. తర్వాత హాస్టల్లో వేశారు. అమ్మానాన్నతో తిరిగింది గుర్తు లేదు. వాళ్లు నా పక్కన లేరని బాధుండేది. నేనేం చేశానని ఇలా దూరం పెడుతున్నారో అర్థమయ్యేది కాదు. హాస్టల్ వార్డెన్ దగ్గర ప్రతి ఆదివారం నా ఫోన్ కోసం ఎదురుచూసేవాడిని.
ఏడిపించేసిన ఇమ్మూ కానీ నెలకోసారి మాత్రమే ఫోన్ వచ్చేది. నా 23 ఏళ్లలో నేను నాలుగేళ్లు మాత్రమే వాళ్లతో ఉన్నాను అంటూ కన్నీళ్లు పెట్టుకున్నాడు. తర్వాత ఇమ్మాన్యుయేల్కి తన అన్నతో దిగిన ఫోటో వచ్చింది. మా ఇంట్లో తినడానికి తిండి ఉండేది కాదు. మాది పాక ఇల్లు. నేను అమ్మ కడుపులో ఉన్నప్పుడు నాన్న వద్దన్నాడట. అమ్మమ్మ మాత్రం.. పుట్టబోయే వాడి వల్ల మీ జీవితం మారుతుందని చెప్పి పట్టుబట్టి ఉంచింది. అప్పుడు తిండి లేక అమ్మ పొలం దగ్గర మట్టి బుక్కేది.
నా జీవితంలో సూపర్ హీరో చిన్నప్పటినుంచే అన్న, నేను పొలం పనులు, పత్తి ఏరడం, సిమెంట్ పని.. ఇలా చాలా చేశాం. ఎంతో కష్టపడ్డాం. నా జీవితంలో మా అన్నే సూపర్ హీరో. ఇండస్ట్రీకి వచ్చాక నీ తమ్ముడు సక్సెస్ అయ్యాడు, నువ్వెందుకు కాలేదు అని అందరూ అనడంతో వాడు ఫీలైపోయేవాడు. కానీ, కచ్చితంగా ఒకరోజు డైరెక్టర్ అవుతాడు అంటూ ఏడ్చేశాడు.
కల్యాణ్, ఇమ్మాన్యుయేల్ల భావోద్వేగ గాథలు
అంతా అమ్మ వల్లే.. తనూజకు అక్కతో దిగిన ఫోటో వచ్చింది. ఆమె మాట్లాడుతూ.. మేము ముగ్గురం అక్కాచెల్లెళ్లం.. ముగ్గురు ఆడపిల్లలంటే కష్టమే.. పెళ్లి చేసేయండి అని కొందరు నాన్నతో అనేవాళ్లు. నాన్న కూడా భయపడి వీళ్లను చదివించొద్దు, పెళ్లి చేసేద్దామన్నారు. కానీ, అమ్మ.. మా కోసం నాన్నకు దూరంగా ఉన్నా పర్లేదని హైదరాబాద్ వచ్చేసింది. నువ్వు చేయగలవు, ముందుకెళ్లు అని వెన్నుతట్టి ప్రోత్సహించేది.
రౌడీగా దివ్య తర్వాత అమ్మానాన్న కలిసిపోయారనుకోండి. అమ్మ వల్లే నేనిక్కడ ఉన్నాను అంటూ తనూజ హ్యాపీగా ఫీలైంది. డిమాన్ పవన్.. చెస్ ఛాంపియన్గా మెడల్ అందుకున్న ఫోటో చూసి మురిసిపోయాడు. దివ్యకు చిన్నప్పుడు గుండుతో రౌడీగా రెడీ చేసినప్పటి ఫోటో వచ్చింది. రీతూ.. తన చిన్నప్పటి ఫోటో చూపిస్తూ భరణిలా విలన్ అవుతానంది. గౌరవ్, సంజనా, భరణి, నిఖిల్ ఫోటో స్టోరీలను చూపించలేదు.
బిగ్బాస్ ఇంట్లో కంటెస్టెంట్ల వ్యక్తిగత జీవితాల వెల్లడి ప్రేక్షకులను కదిలించింది. వారి కన్నీటి గాథలు ఎమోషనల్ అప్పీల్ను పెంచాయి. ఈ వారంలో మరిన్ని ఆసక్తికర పరిణామాలు చూడొచ్చు.
