📌 Key Points
- చిరంజీవి నటించిన ‘యముడికి మొగుడు’ ఇండస్ట్రీ హిట్గా నిలిచింది.
- కమెడియన్ సుధాకర్కు సాయం చేయడానికి చిరంజీవి ఈ సినిమా నిర్మాణంలో భాగమయ్యారు.
- సినిమా హక్కులను తన భార్య సురేఖ పేరు మీద రాయాలని చిరంజీవి కోరారు.
- ఈ విషయం అప్పట్లో వివాదానికి దారితీసింది, చిరంజీవిపై విమర్శలు వచ్చాయి.
మెగాస్టార్ చిరంజీవి గురించి ఒక సంచలన వార్త ఇప్పుడు వైరల్ అవుతోంది. ఆయన ఒక ఇండస్ట్రీ హిట్ సినిమాని తన భార్యకు రాసిచ్చారా? దీని వెనుక ఉన్న అసలు కథ ఏమిటి? తెలుసుకోవడానికి చదవండి!
యముడికి మొగుడు సినిమా వెనుక అసలు కథ
మెగాస్టార్ చిరంజీవి గతంలో అనేక ఇండస్ట్రీ హిట్ చిత్రాల్లో నటించారు. రీసెంట్ గా మన శంకర వరప్రసాద్ గారు మూవీతో రీజనల్ ఇండస్ట్రీ హిట్ అందుకున్నారు. కొన్నిదశాబ్దాల క్రితం చిరంజీవి నటించిన ఓ ఇండస్ట్రీ హిట్ మూవీలో నటించారు. ఆ సినిమాని నిర్మించింది ఎవరో కాదు.. చిరంజీవి స్నేహితులే. వాళ్ళు ఎవరంటే.. హారిప్రసాద్, కమెడియన్ సుధాకర్, నటుడు జివి నారాయణ రావు.
వీళ్ళు ముగ్గురూ కలసి నిర్మించిన సినిమా యముడికి మొగుడు. చిరంజీవి హీరోగా, విజయశాంతి, రాధా హీరోయిన్లుగా నటించిన ఈ చిత్రం సంచలన విజయం సాధించింది. ఇండస్ట్రీ హిట్ గా నిలిచింది. రవిరాజా పినిశెట్టి ఈ చిత్రానికి దర్శకుడు. వాస్తవానికినటుడు జివి నారాయణ రావు మాత్రమే ఈ చిత్రాన్ని నిర్మించాలని అనుకున్నారు. ఈ విషయాన్ని ఆయన ఓ ఇంటర్వ్యూలో తెలిపారు.
చిరంజీవి సాయం.. వివాదంగా ఎలా మారింది?
నారాయణ రావు మాట్లాడుతూ.. యముడికి మొగుడు సినిమా నేను మాత్రమే నిర్మించాలని అనుకున్నా. కానీ చిరంజీవి గారు.. తాను కమెడియన్ సుధాకర్ కి కూడా సాయం చేయాలి అనుకుంటున్నాను అని అన్నారు. అందుకే సుధాకర్ ఈ చిత్రానికి ఓ నిర్మాత అయ్యారు. అదే క్రమంలో హరిప్రసాద్ కూడా మరో నిర్మాత అయ్యారు.
ముగ్గురం నిర్మాతలు గా ఫిక్స్ అయ్యాక చిరంజీవి గారు వాటాలు ఫిక్స్ చేశారు. ఈ సినిమాకి ఎంత లాభం వచ్చినా ఒక్కొక్కరు 5 లక్షలు తీసుకోవాలి అని తేల్చారు. 5 లక్షలు అంటే అప్పట్లో చాలా పెద్ద మొత్తం. సినిమాకి కూడా బడ్జెట్ కోటి రూపాయలకు పైగా అయింది. అయినప్పటికీ మంచి లాభాలు వచ్చాయి. ఇచ్చిన మాట ప్రకారం చిరంజీవి గారు ముగ్గురికీ రూ 5 లక్షలు ఇచ్చారు.
సురేఖ పేరుపై సినిమా హక్కులు.. నిజమెంత?
దానికి బదులుగా యముడికి మొగుడు సినిమా హక్కులని తన భార్య సురేఖ పేరుపై రాయాలని కోరారు. దీనితో యముడికి మొగుడు సినిమా హక్కులు సురేఖ పేరుపై మారాయి. అప్పట్లో ఇది వివాదంగా మారింది. తన భార్యపై హక్కులు రాయించుకున్నారు అంటూ చిరంజీవిపై నిందలు వేశారు. చిరంజీవి గురించి తెలియని వాళ్లే అలా పుకార్లు పుట్టించారు అని జివి నారాయణ రావు తెలిపారు.
చిరంజీవి గారి గురించి ఈ వార్త టాలీవుడ్లో హాట్ టాపిక్గా మారింది. దీనిపై మీ అభిప్రాయాలను తెలుసుకోవడానికి ఆసక్తిగా ఉన్నాం. మరిన్ని అప్డేట్స్ కోసం చూస్తూ ఉండండి.
